تازا ترين
  • پ پ تاريخي اي پي سي ڪوٺرائي، نواز شريف واضع۽ تفصيلي تقرير ڪئي: پ پ چيئرمين بلاول ڀٽو زرداري*گلگت بلتستان معاملي تي ڳالهائڻ لاءِ رابطو ڪيو ويو، ملڪ ۾ جمهوري آزادي چاهيون ٿا:بلاول *
  • *اسلام آباد: جعلي بئنڪ اڪائونٽس اسڪينڊل ۾ سنڌ روشن پروگرام ڪيس جي جاچ وارو معاملو *نيب راولپنڊي فرنٽ مين اياز صديقي کي ڪراچي مان گرفتار ڪري ورتو: ذريعا *اياز صديقي جعلي اڪائونٽ ۾ ڪروڙين رپيا جمع ڪرايا: نيب ذريعا*
  • *ڄام نواز علي: ڇتو ڪتو مارڻ جي ڪوشش دوران نوجوان مارجي ويو *ڳوٺ ديوان گلاب راءِ ۾ ڳوٺاڻي ڇتي ڪتي کي مارڻ لاءِ فائر ڪيو ته گولي نوجوان مادو ڪولهي کي لڳي: پوليس *پوليس واقعي واري هنڌ پهچي نوجوان جو لاش تحويل ۾ وٺي جاچ شروع ڪري ڇڏي*
  • *گهارو شهر ۾ واپاريءَ کان ڦر ڪندڙ جوابدار گرفتار نه ٿيڻ خلاف شٽربند هڙتال *2ڏينھن اڳ واپاري گڊو کان 9لک رپيا ڦر ڪرڻ بعد جوابدارن گوليون هڻي زخمي ڪيو هو *واقعي کي 48 ڪلاڪ گذرڻ باوجود پوليس جوابدار گرفتار نه ڪري سگهي آهي: احتجاج ڪندڙ واپاري*
  • *اسلام آباد: العزيزيه ۽ ايون فيلڊ ريفرنسز ۾ سزا خلاف نواز شريف جي اپيل تي ٻڌڻي *مريم نواز ۽ ڪيپٽن (ر) صفدر احتساب عدالت ۾ پهچي ويا *عدالت نواز شريف کي بري ڪرڻ واري فيصلي خلاف نيب جي اپيل تي به ٻڌڻي ڪندي *ن ليگ جي نائب صدر مريم نواز جي پيشيءَ جي موقعي تي عدالت ٻاهران سڪيورٽي جا سخت انتظام *
  • *ڀان سيدآباد: قومپرست اڳواڻ مولا بخش لغاري بيماري وگهي لاڏاڻو ڪري ويو *مولابخش لغاري جي جنازي نماز اڄ سخي سيد سليمان شاهه عيدگاهه تي ادا ڪئي ويندي*
  • *پنوعاقل پوليس جي نجي ٽارچر سيل ۾ مبينا طور تي فيصل آباد واسي وڪيل ميان اعجاز آرائين جي قتل وارو معاملو *ڊي آءِ جي لاڙڪاڻو عرفان بلوچ پوليس اهلڪارن ۽ ڪجهه خانگي ماڻھن کي وڪيل جي قتل ۾ ملوث قرار ڏئي ڇڏيو *ڊي آءِ جي لاڙڪاڻي پاران ايڊيشنل آءِ جي سکر ڏانھن انڪوائري رپورٽ موڪلي ڇڏي *وڪيل ميان اعجاز آرائين کي ڊي ايس پي مسعود مهر جي حڪم تي گرفتار ڪيو ويو: انڪوائري رپورٽ *وڪيل پوليس جي غيرقانوني حراست ۾ فوت ٿيو ۽ لاش پنجاب ۾اڇلايو ويو : انڪوائري رپورٽ *انڪوائري رپورٽ ۾ اي ايس آءِ غلام مصطفيٰ ميراڻي، ڪانسٽيبلز درگاهه ڏنو، نصير ۽ سرمد يعقوب بيگناھه قرار*
  • *سنجهورو ۾ شهرين پاران بجلي جو سڙيل ٽرانسفارمر تبديل نه ٿيڻ خلاف ڌرڻو، ٽريفڪ معطل *ڌرڻي سبب ڪيترن ئي ڪلاڪن کان شهدادپور، سانگهڙ ۽ سنجهورو روڊ تي ٽريفڪ معطل، مسافر پريشان *4مهينن کان بجلي جو ٽرانسفارمر خراب آھي، ڪيترائي ڀيرا دانهڻ باوجود تدارڪ نه ٿيو: مظاهرين*
  • *ڪراچي: سنڌ سرڪار جي 6کاتن ۾ 3 سيڪريٽريز مقرر ٿيل *اهم کاتا من پسند سيڪريٽرين کي اضافي چارج طور حوالي ڪيا ويا *تعليم، لائيو اسٽاڪ ۽ فاريسٽ کاتو مستقل سيڪريٽري کان محروم *زراعت جي سيڪريٽري رحيم سومروکي فاريسٽ جي سيڪريٽري جي اضافي چارج مليل *ثقافت کاتي سيڪريٽري اڪبر لغاري وٽ لائيو اسٽاڪ کاتي جي سيڪريٽري جي اضافي ذميواري *سنڌ ٽيڪسٽ بوڪ بورڊ جي چيئرمين احمد بخش ناريجو کي سيڪريٽري تعليم جي اضافي چارج مليل *20هين گريڊ جا ڪامورا بحران باوجود سائيڊ پوسٽن تي ويهاريل*

شوبز ۾ واپسي واري اعلان کانپوءِ ايان جو پهريون ميوزڪ البم رليز

يوٽيوب توڙي ميوزڪ اسٽريمنگ ويب سائيٽس تي موجود

ڪراچي (انٽرٽينمينٽ ڊيسڪ) ڊالر اسمگلنگ ڪيس ذريعي شهرت ماڻيندڙ ماڊل پروڊيوسر ۽ ڳائڻي ايان علي شوبز ۾ واپسي جو اعلان ڪرڻ کانپوءِ پنهنجو پهريون ميوزڪ البم رليز ڪري ڇڏيو. گذريل ڏينهن ايان علي سماجي رابطي جي ويب سائيٽس ٽوئٽر ۽ انسٽاگرما تي جاري پوسٽ ۾ لکيو ته منهنجو پهريون البم جنهن تي مان پنجن سال اڳ ڪم شروع ڪيو هو نيٺ رليز ٿي ويو آهي. ايان علي ٻڌايو ته سندس البم نٿنگ لائيڪ ايوري ٿنگ، جي آفيشل ايني ميٽڊ وڊيوز، آفيشل ميوزڪ وڊيوز ۽ گهڻو ڪجهه جلد رليز ڪيو ويندو. ماڊل ۽ ڳائڻي جا گانا سندس يوٽيوب چينڪ، ميوزڪ اسٽريمنگ ايپس ۽ ويب سائيٽس اسپاءِ فاءِ، ڊيزر ۽ گوگل پلي تي ٻڌي سگهجن ٿا. ايان علي هڪ ئي وقت 7 گانا رليز ڪرڻ جو اعلان ڪيو جڏهن ته 3 آگسٽ تي 8 گانا رليز ٿيا آهن. ان کان اڳ 2015ع ۾ سندس گانو ارٿ ڪيوڪ رليز ٿيو جنهن کي ان وقت ايان علي جي البم نٿنگ لائيڪ ايوري ٿنگ جو حصو قرار ڏنو ويو هو. ياد رهي ته ماڊل ايان علي کي 14 مارچ 2015ع تي اسلام آباد جي بينظير انٽرنيشنل ايئرپورٽ تان دبئي ويندي گرفتار ڪري وٽانئس 5 لک آمريڪي ڊالر برآمد ڪيا ويا هئا. ڄاڻايل واقعي کانپوءِ سندس نالو ڊالر اسمگلنگ گرل پيو هو ۽ هو گهٽ ۾ گهٽ 4 مهينن تائين جيل ۾ به رهي ۽ سندس ڪيس ملڪ جو اهم ڪيس به هو. ياد رهي ته ايان علي ماضي ۾ مختلف گانن ۽ فيشن شوز ۾ ماڊلنگ ڪندي نظر آئي هئي جڏهن ته هن 11 جولاءِ تي سوشل ميڊيا پوسٽس ۾ شوبز ۾ واپسي جو اعلان ڪيو هو. ايان علي پنهنجي ٽوئيٽ ۽ انسٽاگرام پوسٽ ۾ لگزري گاڏين سان پنهنجون تصويرون شيئر ڪندي چيو هو ته ايندڙ هڪ ٻن هفتن ۾ سندس 7 گانا رليز ٿيندا.

Bookmark the permalink.