تازا ترين
  • *سکر: خورشيد شاهه خلاف آمدني کان وڌيڪ اثاثا ڪيس، شاهدن جا بيان قلمبند ڪرڻ جي نيب جي اپيل رد *احتساب عدالت ۾ ريفرنس آهي، شاهدن جا بيان به اتي قلمبند ٿيندا: ڪنزيومر ڪورٽ *خورشيد شاهه جي ملڪيت جي حوالي سان نيب 5 شاهن جا بيان قلمبند ڪرڻ لاءِ درخواست ڏني هئي*
  • *لاهور: آمدني کان وڌيڪ اثاثا ڪيس، شهباز شريف جي گرفتاري جا امڪان *شهباز شريف جي ضمانت واري درخواست تي فيصلو اڄ ٻڌايو ويندو*
  • *سبي: ڪمپڙي پل وٽ ٽرڪ جو ڪار کي ٽڪر، هڪ نينگري فوت، 3 ڄڻا زخمي *حادثي ۾ نينگري مائين خان فوت، زخمين کي اسپتال منتقل ڪيو ويو*
  • *غوثپور:ڳوٺ شهداد ڀيو جي رهواسين پاران بنيادي سهولتون نه ملڻ ڪري پوليو مهم جو بائيڪاٽ *ڳوٺاڻن ٻارن کي پوليو جا ڦڙا پيارڻ کان انڪار ڪري ڇڏيو، پوليو ٽيمون واپس روانيون*
  • *باڊهه ۾ ٽائون ڪميٽي جي ملازمن جو پگهارن نه ملڻ خلاف احتجاجي مظاهرو *ٻن مهينن کان ٽائون آفيسر مقرر ناهي ڪيو ويو، پگهارون نه ملڻ سبب فاقاڪشي ۾ مبتلا آهيون: ملازم *
  • * وڏي وزير مراد علي شاهه جي صدارت هيٺ حيدرآباد ۽ ميرپور خاص ڊويزن ۾ امدادي ڪمن جو جائزو *سانگهڙ، ميرپورخاص ۽ عمرڪوٽ جي 5 لک ايڪڙ ايراضي تي پاڻي بيٺل آهي: بريفنگ *اسان پاڻي نيڪال وارو ڪم شروع ڪري ڇڏيو آهي: سيڪريٽري ايريگيشن *ايندڙ 15 ڏينهن ۾ ضرور پاڻي نيڪال ٿيڻ گهرجي: سيد مراد علي شاهه *
  • *راولپنڊي: بينظير ڀٽو قتل ڪيس ۾ اپيلن جي ٻڌڻي 19 آڪٽوبر تائين ملتوي ڪئي وئي *ڪيس جي پنجن ئي جوابدارن کي ايندڙ ٻڌڻي تي عدالت ۾ پيش ڪرڻ جو حڪم *سي پي او جي پيش نه ٿيڻ تي عدالت پاران سخت ڪاوڙ جو اظهار *
  • *ڏهرڪي: صفائي عملي پاران پگهارون نه ملڻ ۽ سينيٽري انسپيڪٽر کي هٿڪڙيون لڳڻ خلاف احتجاج *ٻن مهينن کان پگهارون نه ملڻ سبب گهرن ۾ فاقاڪشي واري صورتحال آهي: صفائي عملو *سينيٽري انسپيڪٽر کي بيگناهه هٿڪڙيون هڻايون ويون: صفائي عملو*
  • * جروار:ڪپهه جو فصل تباهه ٿيڻ ۽نقلي زرعي دوائون وڪرو ڪندڙ ڊيلرن خلاف احتجاج *جروار يوٿ فورم جي سڏ تي واجد گبول جي اڳواڻي احتجاجي ريلي ڪري گشت *ڊيلرن نقلي ٻج ۽زرعي دوائون ڏيئي غريب آبادگارن جو فصل تباھ ڪيو آھي: اڳواڻ *
  • *ڪنڌڪوٽ:ڏوهي سرگرمين ۾ ملوث اهلڪارن خلاف ڪريڪ ڊائون جاري *ڪنڌڪوٽ: جوا هلائڻ جي الزام ۾ هيڊ محرر ثناءُالله ڏاهاڻي رورٽ ۽ معطل *ڪنڌڪوٽ: 6پوليس اهلڪارن کي منٿلي اوڳاڙي تان ڪوارٽر گارڊ ڪيو ويو*
  • *پ پ اڳواڻ نثار کهڙو کي به نيب پاران گرفتار ڪرڻ جو خدشو *نثار کهڙو گرفتاري کان بچڻ لاءِ سنڌ هاءِ ڪورٽ سان رابطو ڪري ورتو *نيب آمدني کان وڌيڪ اثاثا ڪيس جي ٻن انڪوائريز ۾ طلب ڪيو آهي: نثار کهڙو*
  • *قاضي احمد ويجهو تيز رفتار ڪار ۽ موٽرسائيڪل جي ٽڪر ۾ نوجوان فوت *گابر ڏاهري اسٽاپ وٽ حادثي ۾ نوجوان علي گل مهر ٿڏي تي فوت ٿي ويو،لاش اسپتال منتقل *
  • *ڪشمور بيگاري فيڊر مان لاش هٿ،سڃاڻپ نه ٿي سگهي *اطلاع باوجود پوليس نه پهتي، لاش واقعي واري هنڌ پيل*

اداڪار ايوارڊ لاءِ ڪم ناهي ڪندو: دير سان ايوارڊ ملڻ تي طلعت حسين جا ويچار

50 ورهين کان وڌيڪ اداڪاري کي ارپيندڙ طلعت حسين لاءِ ستاره امتياز جو اعلان ڪيو ويو

ڪراچي (انٽرٽينمينٽ ڊيسڪ) اداڪاري، صداڪاري ۽ ٻين فنن ۾ پنهنجي زندگي جو اڌ کان وڌيڪ حصو ڏيندڙ سينيئر اداڪار طلعت حسين کي تازو حڪومت پاڪستان سندس اداڪاري سبب سول صدارتي ايوارڊ ڏيڻ جو اعلان ڪيو هو. صدر طرفان 79 ورهين جي طلعت حسين کي ستاره امتياز ڏيڻ جو اعلان ڪيو ويو هو ۽ کيس پهريون ڀيرو حڪومت طرفان کيس اعليٰ سول ايوارڊ سان نوازيو ويندو. طلعت حسين سميت ٻين کي به وڏي عمر ۾ ايوارڊ ڏنا پيا وڃن تي ڪجهه ماڻهو مايوس آهن. طلعت حسين کي به 50 سال کان وڌيڪ اداڪاري ڪرڻ بعد ايوارڊ ڏنو پيو وڃي ان تي سندس مداحن مايوسي جو اظهار ڪيو پر پاڻ اداڪار ان حوالي سان انوکي راءِ رکي ٿو. نجي خابرو ويب سائيٽ موجب حڪومت طرفان دير سان ايوارڊ ڏيڻ واري سوال جي جواب ۾ هن چيو ته کيس ايتري دير سان حڪومت طرفان اعليٰ سول ايوارڊ ڏيڻ تي ڪو اعتراض ناهي. جيڪي دير سان ايوارڊ ڏيڻ جون ڳالهيون ڪري رهيا آهن اهي انهن جا ذهني ويچار آهن ۽ انهن ڳالهين سان مون کي ڪو فرق نٿو پوي. سندس چوڻ هو ته اداڪار ايوارڊ لاءِ ڪم ناهي ڪندو. طلعت حسين تازو پاڪستاني ڊرامن جي ڪهاڻين تي مايوسي ظاهر ڪندي چيو ته کيس اڄ ڪلهه جي ڊرامن جا اسڪرپٽ سمجهه ۾ ئي نٿا اچن، اهو ئي سبب آهي جو اڄ ڪلهه ڪم نه پيو ڪريان. هن اعتراف ڪيو ته هاڻي کيس اداڪاري جون آڇون به نه پيون ٿين. هن چيو ته والد جي لاڏاڻي کانپوءِ گهر ۾ مالي ڏکيائين سبب ننڍي عمر ۾ ئي نوڪري ڪرڻ شروع ڪئي هئي ۽ هڪ دوست کيس سينما جي گيٽ ڪيپر جي نوڪري ڏياري هئي. دوست ڪراچي جي ليرڪ سينما ۾ نوڪري ڏياري پر اتان جي مينيجر ڏٺو ته مان تعليم يافته آهيان ته هن ايڊوانس بڪنگ سيڪشن ۾ رکرايو.

Bookmark the permalink.