تازا ترين
  • ميرپور خاص واقعي جي جاچ شروع: ڊي جي هيلٿ جي سفارش باوجود ايم ايس معطل نه ٿيو: پي ٽي آءِ ايم پي ايز ڪيس داخل ڪرائڻ لاءِ ٿاڻي تي پهتل*ڊي سي طرفان جُڙيل ڪميٽي اسپتال انتظاميا جا بيان رڪارڊ ڪيا، ڊي جي هيلٿ جاچ دوران ايم ايس کي هٽائڻ جي سفارش ڪئي، اُن تي عمل نه ٿيو*اسپتال انتظاميا طرفان ايمبولينس نه ڏيڻ کانپوءِ ٻارڙي جو لاش موٽر سائيڪل تي نيو پئي ويو ته حادثو پيش آيو، جنهن ۾ وڌيڪ 2 ڄڻا فوت ٿيا*
  • ڪراچي ۾ مظاهرو ڪندڙ هيڊ ماسترز تي پوليس ڪڙڪي پئي*مرد ۽ عورت هيڊ ماسترز سي ايم هائوس ڏانهن وڌڻ جي ڪوشش ڪئي، پوليس جي لٺبازي، چڪريون*
  • ميرپور خاص واقعي ۾ ذميوارن خلاف ڪارروائي ٿيندي: وڏو وزير*بلاول ڀٽو جي سخت موقف کانپوءِ سنڌ ورهائڻ جون ڳالهيون ڪندڙ معافيون گهري رهيا آهن: مراد علي شاهه *
  • شهدادڪوٽ پوليس طرفان مبينا مقابلي ۾ هاف فراءِ ڪيل نوجوان اسپتال ۾ فوت: وارثن جو لاش رکي ڌرڻو: مقابلو ڪوڙو قرار ۽ جاچ جو مطالبو*شهدادڪوٽ پوليس 15 ڏينهن اڳ مبينا مقابلي ۾ نوجوان طارق ڌاريجو کي زخمي ڪيو، چانڊڪا اسپتال ۾ نوجوان زخمن جا سور نه سهندي فوت*طارق شهدادڪوٽ سامان وٺڻ ويو ته پوليس مخالفن جي چوڻ تي کيس گرفتار ڪيو (وارث) مٿس 15 مختلف ڪيس داخل ٿيل آهن: پوليس *
  • غوثپور جا2نوجوان عورتاڻي آواز ۾ هرکجي اغوا ٿيڻ کان بچي ويا*نوجوان لياقت ۽ محمد عثمان دستي شاديءَ جي ڏٽي ۾ ڪچي طرف وڃي رهيا هئا ته پوليس کين روڪيو*
  • *ڪراچي ۾ آرٽيڪل 149 لاڳو ڪرڻ ۽ فروغ نسيم خلاف مختلف شهرن ۾ مظاهرا ۽ ريليون*
  • *لمس ۽ چانڊڪا ۾ ميڊيڪل جي داخلا لاءِ انٽري ٽيسٽ ورتي پئي وڃي*
  • *ميهڙ ڀرسان ٻن موٽرسائيڪلن ۾ ٽڪر: 3 سڳا ڀائر زخمي*

82 سالن جي عورت جي بهادري، چور کي لٺيون هڻي ڀڄائي ڇڏيو

ڪراچي (دلچسپ نيوز) 82 سالن جي پوڙهي عورت رڳو پنهنجي لٺ جي مدد سان چور کي ماري ماري ڀڄڻ تي مجبور ڪري ڇڏيو. انڊيپينڊنٽ جي رپورٽ موجب برطانيا سان واسطو رکندڙ 82 سالن جي پوڙهي عورت پنهنجي دڪان ۾ گهڙندڙ چور کي پنهنجي لٺ سان ڪٽڪو ڏئي کيس دڪان مان سامان ۽ پيسا چورائڻ کان روڪڻ جي ڪوشش ڪئي. جون ٽرنر نالي هن عورت ان حوالي سان ٻڌايو ته منهنجو خيال آهي ته هو به اهو ڏسي حيران ٿي ويو ڇو ته ان کي اميد نه هئي ته مون جهڙي عورت اهڙي ريت مقابلو ڪري سگهي ٿي. عورت کي به ان وقت ڌڪ لڳا جڏهن چور کيس ڌڪو ڏئي زمين تي ڪيرائي 50 پائونڊ کڻي فرار ٿي ويو. ان حوالي سان هن وڌيڪ ٻڌايو ته چور دڪان تي آيو ۽ هن پيسا گهريا جنهن تي مان انڪار ڪيو ان کانپوءِ هن پاڻ پيسا کڻڻ جي ڪوشش ڪئي ان موقعي تي مون کي خيال آيو ته اسين پيسا محنت سان ڪمايون ٿا انهن کي ائين ئي ضايع نٿا ڪري سگهون. پيرسن عورت موجب جيڪڏهن اڳتي به اهڙو ڪجهه ٿيو ته وري به ائين ئي ڪنديس پر ان وقت ڪنهن وڌيڪ وزني شئي سان چور کي مارڻ جي ڪوشش ڪنديس. عورت جي 62 سالن جي پٽ جو چوڻ هو ته هو بهادر آهي پر مان اميد ٿو ڪريان ته مستقبل ۾ اهڙو ڪو واقعو پيش نه اچي. اهڙا منظر دڪان جي سي سي ٽي وي ۾ رڪارڊ ڪيا ويا جڏهن ته وڊيو سامهون اچڻ کانپوءِ پوڙهي عورت جي بهادري جي واکاڻ ڪئي وئي. ٻئي پاسي پوليس چور کي گرفتار ڪري ورتو.

Bookmark the permalink.