تازا ترين
  • *ڊپٽي ڪمشنر ملير پاران چئن مهينن کان گلشن حديد ۾ لڳايل لاڪ ڊائون هڪ هفتي لاءِ ختم ڪري ڇڏيو *ڊي سي ملير ايم پي اي ساجد جوکيو ۽ واپاري اڳواڻن سان ڳالهين بعد اهڙو فيصلو ڪيو *ڪورونا ڪيس وڌڻ جي صورت ۾ ٻيهر لاڪ ڊائون ڪيو ويندو: ڊي سي ملير *
  • *لاڙڪاڻي ۾ ڳوٺاڻن جو بااثرن جي مبينا زيادتين خلاف ڌرڻو، ٽائرن کي باهيون *ڳوٺ نهال واسين بااثرن خلاف جناح باغ چوڪ تي ٽائرن کي باھيون ڏئي روڊ بلاڪ ڪري ڇڏيو *بااثر گهر ۾ گهڙي عورتن تي وحشياڻو تشدد ڪري ڀڃ ڊاهه ڪئي: مظاهرين *
  • *نواب ولي محمد ويجهو وونئڻن جي فصل کي اسپري ڪرڻ دورن بيهوش ٿي ويل نينگر دم ڏئي ڇڏيو *ڳوٺ حسين بخش چانڊيو ۾10 ڏينهن اڳ نينگر عمران چانڊيو فصل کي اسپري دوران بيهوش ٿي ويو هو *نينگر اڄ نوابشاهه اسپتال ۾ دم ڏنو*
  • *مٽياري: عدالت پاران محب کوسو قتل ڪيس ۾ ٻن جوابدارن جي ضمانت واري درخواست رد *جوابدار علي محمد کوسو ۽ خان محمد کوسو عدالت ۾ وڪيل معرفت ضمانت لاءِ درخواست داخل ڪرائي هئي *2019 ۾ کوسا برادري جي ٻن ڌرين ۾ جهيڙي دوران محب کوسو مارجي ويو هو *مقتول جي ڌيءُ عائشه کوسو جي فرياد تي نيو سعيدآباد ٿاڻي تي ڪيس داخل ڪيو ويو هو*
  • *سڪرنڊ ۾ آبادگارن پاران پاڻي کوٽ خلاف ايريگيشن آفيس اڳيان ڌرڻو، ٽائرن کي باهيون*
  • *سنڌڙي: هوٽل مان هڪ شخص جو لاش هٿ، اسپتال منتقل *مگسي ھوٽل مان پيرونمل واسي 50ورھين جي شاھنواز ڳاھو جو لاش هٿ *
  • *ٽنڊوغلام علي ويجهو نوجوان ڦاهو کائي آپگهات ڪري ڇڏيو *ديھه واڳھريجي ۾ 26 ورهين جي اشوڪ پٽ اجمل ٺاڪر بيماري کان تنگ اچي زندگي جو ڏيئو اجهايو*
  • *مٺياڻي رورل هيلٿ سينٽر جون 4 ليڊي هيلٿ ورڪرز ڪورونا جو شڪار *ڪورونا ۾ مبتلا ليڊي هيلٿ ورڪرز کي سندن گهرن ۾ آئيسوليٽ ڪيو ويو *مٺياڻي ۾ ڪورونا متاثرن جو انگ وڌي 10 ٿي ويو*
  • *ميرپورخاص ضلعي ۾ ڪورونا وائرس جا وڌيڪ 50ڪيس ظاھر، متاثرن جو انگ 850 ٿي ويو*
  • *ڪوٽ غلام محمد ۾ چوپائي مال جي پڙي لڳائي وئي، مالوندن ۽ واپارين جي پيهه *مال پڙي تي سوين مالوند ۽ واپاري پهچي ويا، سماجي وٿي وارا اصول نظرانداز*
  • *ڪشمور ضلعي ۾ ڪورونا وائرس جا وڌيڪ 26 ڪيس ظاهر، متاثرن جو انگ 489 ٿي ويو *ڪجهه ڏينهن اڳ 169ماڻهن جا سيمپل ورتا ويا هئا، 26ڄڻن ۾ وائرس جي تصديق ٿي: فوڪل پرسن*
  • *ڪرمپور :ڳوٺ عمران خان بجاراڻي وٽ نصير شاخ کي 15فوٽ گهارو پئجي ويو *گهاري سبب سوين ايڪڙن تي پوکيل ساريالو فصل ۽ ٻيجارو پاڻي هيٺ اچي ويو *اطلاع باجود آبپاشي عملو نه پهتو،ڳوٺاڻا پنهنجي مدد پاڻ تحت گهارو بند ڪرڻ ۾ رُڌل *
  • *ڪراچي: ڊيري فارم ائسوسيئيشن جي صدر جو ڪمشنر ڪراچي کي چئلينج *کير جي اگهن ۾ واڌ وارو فيصلو واپس نه ورتو آهي: ڊيري فارم ائسوسيئيشن صدر *دٻاءُ وجهڻ جي ڪوشش ڪئي ته سُپر هاءِ وي ۽ نيشنل هاءِ وي تي مينهون بيهاري ڇڏينداسين: شاڪر عمر گجر*
  • *جوهي ۾ پاڻي کوٽ خلاف آبادگارن پاران احتجاجي ريلي ڪڍي وئي *پڇڙي جي آبادگارن هڪ ڪلو ميٽر ريلي ڪڍڻ بعد علامتي بک هڙتال تي ويهي رهيا *
  • *ڄامشورو ۾ وڌيڪ 17ڪورونا جا ڪيس ظاھر، متاثرن جو انگ وڌي 865ٿي ويو *گذريل ڏينھن 113ماڻهن جا سيمپلز ورتا ويا هئا، 17 ڄڻن ۾ وائرس جي تصديق ٿي *متاثرن ۾ مانجھند، ٿاڻوبولاخان واسي ۽ ڪوٽڙي جا رهواسي شامل آھن *

7 ڏينهن اڳ گرفتار ڪيل نوجوان جو لاڪ اپ مان اڳٽ سان ڦاهو لڳل لاش هٿ، وارثن پوليس تي قتل جو الزام مڙهي ڇڏيو، احتجاج

سول جج ٿاڻي تي پهچي واقعي جا تفصيل ورتا، پوليس ڪجهه به ٻڌائڻ کان انڪاري

نوجوان کي بنا جواز گرفتار ڪري رشوت گهري وئي، تشدد ڪري کيس قتل ڪيو ويو: وارث

شادي پلي(ن پ ا) 7 ڏينهن اڳ گرفتار ڪيل نوجوان جو لاڪ اپ مان ڦاهو لڳل لاش هٿ، وارثن پوليس تي قتل جو الزام مڙهيندي انصاف جي اپيل ڪئي آهي. 30 ورهين جي ڪانڀو عرف ڏاڏو شر پٽ ايوب شر جو لاڪ اپ مان اڳٺ سان ڦاهو لڳل لاش مليو. اطلاع تي سول جج پٿورو سڪندر جمالي ٿاڻي تي پهچي معلومات ورتي، پوليس صحافين کي ڪجھه به ٻڌائڻ کان انڪار ڪري ڇڏيو. جڏهن ته ڪجھه پوليس اهلڪار چوندا رهيا ته نوجوان خودڪشي ڪئي آهي. نوجوان جا وارث ۽ شر برادري جي ماڻهن به ٿاڻي جو گهيراءُ ڪيو. فوتي نوجوان جي پيءُ ايوب شر چيو ته پوليس 7 ڏينهن اڳ بنا جواز ڪانڀو کي کنڀي گم ڪري ڇڏيو هو، مختلف هنڌن تي بنا جواز کڻي سخت تشدد جو نشانو بڻايو. هنن چيو ته ڪانڀو تي ڪنهن به قسم جو ڪو به ڪيس داخل نه هو، پوليس سندس آزادي لاءِ ڳري رشوت طلب ڪئي. غريب هاري آهيون رشوت نه ڏيڻ تي اسانجي نوجوان کي تشدد بعد قتل ڪرڻ بعد لاش ٽنگي آپگهات جو ڊرامو ڪيو پيو وڃي. پيءُ هنن مطالبو ڪيو ته ايس ايڇ او شادي پلي ۽ ملوث پوليس اهلڪارن تي ڪيس داخل ڪري سندن خلاف سخت ڪارروائي ڪئي وڃي. وارثن پاران لاش نه کڻڻ بعد معزز ماڻهن جي مداخلت تي لاش پوسٽ مارٽم لاءِ پٿورو جي سرڪاري اسپتال نيو ويو، پوسٽ مارٽم بعد وارثن ٻيهر احتجاج ڪندي لاش سوڌو عمرڪوٽ-ميرپورخاص روڊ تي ڌرڻو هنيو، جنهن سبب ٽريفڪ معطل ٿي وئي. پوليس جو چوڻ آهي ته ڪانڀو کي چوري جي شڪ ۾ گرفتار ڪيو ويو هو.

Bookmark the permalink.