تازا ترين
  • لاڙڪاڻي ۾ وڌيڪ 45 ڄڻا ڪورونا جو شڪار، ضلعي ۾ وائرس سٽيلن جو انگ 265 ٿي ويو
  • ڪنڊيارو: سهڙا مائينر ۾ وهنجندي ٻه ڀائر ٻڏي ويا،هڪ جو لاش هٿ
  • *ڪنري ڀرسان نوجوان مبينا طور ڦاھو کائي آپگهات ڪري ڇڏيو *25ورهين جي گلجي ڪولھي ڦاهو کائي زندگي جو انت آندو *ڳوٺاڻن پاران پوليس کي اطلاع، واقعي جو ڪارڻ معلوم نه ٿي سگھيو *
  • *نئون ڪوٽ ۾ رورل هيلٿ سينٽر جي ٽن ملازمن سميت 4 ڄڻا ڪورونا جو شڪار *ڳوٺ چوڌري محمود واسي ٽي بي جو مريض به ڪورونا جو شڪار ٿي ويو *
  • *ڇاڇرو ۾ سنڌ سيڪريٽريٽ جي ملازم سميت 2 ڄڻا ڪورونا جو شڪار *ڪورونا متاثرن کي سندن گهرن ۾ آئيسوليٽ ڪيو ويو*
  • *شيخ ڀرڪيو ۾ بي ايڇ يو سينٽر جا 6 ملازم ڪورونا جو شڪار، او پي ڊي بند *ٽن ليڊي هيلٿ ورڪرز سميت 6ڄڻن کي ڪورونا جي تصديق بعد گهرن ۾ آئيسوليٽ ڪيو ويو *
  • *جهول ڀرسان 10 ورهين جي نينگري مرگهي جو دورو پوڻ سبب واهه ۾ ڪري ٻڏي فوت*
  • *احمدپور ويجهو نامعلوم شرپسند زميندار جي هڪ ايڪڙ تي بيٺل ڪيلن جو باغ وڍي فرار *ڪيلن جو باغ وڍي لکين روپين جو نقصان پهچايو ويو: راجا ارباب سنديلو *
  • *ڳڙهي خيرو ويجهو نوجوان بيماريءَ کان تنگ اچي مبينا آپگهات ڪري ڇڏيو *ڳوٺ مھيندرو ڪٽوھر واسي امداد علي ڪٽوهر پاڻ تي بندوق جو فائر ڪري مبينا آپگهات ڪيو *
  • *ٻيلو شھر ۾ صحت مرڪز جا 3ملازم ڪورونا جو شڪار، متاثرن جو انگ 8 ٿي ويو *صحت مرڪز جي 9 ملازمن مان ٽن جي ٽيسٽ رپورٽ پازيٽو اچي وئي*
  • *عمرڪوٽ: بيواهه راحيلا راجپوت کي ساهرن پاران تشدد ڪري گهران ڪڍڻ وارو ماملو، ايس ايس پي جو نوٽيس *بيواهه راحيلا راجپوت جي فرياد تي ڪيس داخل *ڪيس ۾ زيب النسا عرف بلو، اسامه منصور ۽ سندس زال شائسته جوابدار نامزد *
  • *پيرجوڳوٺ: پريالوءِ اسپتال جي 12ملازمن ۾ڪورونا جي تصديق *تعلقي ڪنگري ۾ ڪورونا متاثرن جو انگ 65 ٿي ويو*
  • *سنجهورو ۾ ڪورونا جا وڌيڪ 11ڪيس ظاهر، متاثرن جو انگ 31 ٿي ويو *ڪورونا متاثرن ۾ صحت کاتي جا 8 ملازم به شامل*
  • *بدين ۾برسات بعد بند ٿيل بجلي 12 ڪلاڪن کان بحال نه ٿي، رهواسي تڪليفن جو شڪار *نندو،کوسڪي، شادي لارج جي سوين ڳوٺن جي بجلي بند، رهواسي سخت گرمي سبب بيحال *سخت گرمي ۾بجلي بندش سبب سخت پريشان آهيون، بجلي بحال ڪرائي وڃي: رهواسي *

گمبٽ ويجهو تازو پرڻيل جوڙي غربت سبب روهڙي ڪئنال ۾ ٽپو ڏئي ڇڏيو

گمبٽ(رپورٽ: حفيظ منگي):گمبٽ ڀرسان ڳوٺ عطا محمد چانديو جي رهواسي شادي شده جوڙي غربت ۽ گهرو اڻبڻت سبب روهڙي ڪئنال ۾ ٽپو ڏئي ڇڏيو. ٽوٻن ذريعي لاشن جي ڳولا جاري. ٻنهي زال مڙس جون چپلون ۽ موٽرسائيڪل روهڙي ڪئنال جي ڪپر تان هٿ ڪيا ويا. گھڻي ڳولا باوجود ٻنهي جا لاش نه ملي سگھيا. گھرن ۾ ڪهرام متل. تفصيل موجب 5 مهينا اڳ شادي ڪندڙ جوڙي غربت ۽ گهرو اڻبڻت سبب روهڙي ڪئنال ۾ ٽپو ڏئي آپگھات ڪري ڇڏيو، ٽوٻن ذريعي لاشن جي ڳولا ڪئي پئي وڃي. گھڻي ڳولا باوجود لاش هٿ نه اچي سگھيا آهن. ان حوالي سان وارثن ٻڌايو ته نوجوان سڌير ماڙيچو جي گھر واري پوجا کي هيپاٽائيٽس جي بيماري هئي، سندس مڙس وس آهر علاج ڪرائيندو رهندو هو. غربت سبب ڪافي ڏينهن کان پريشان هو. ڪالهه صبح جو ٻئي زال مڙس ڪنهن کي ٻڌائڻ کان سواءِ گهران نڪري روانا ٿيا ۽ ٻنهي ڄڻن روهڙي ڪئنال تي پهچي پاڻيءَ ۾ ٽپو ڏئي آپگهات ڪري ڇڏيو. لاشن جي ڳولا جاري آهي پر آخري اطلاعن تائين لاش نه ملي سگهيا هئا. جوڙي جي ويجهن ذريعن کان اهو پڻ معلوم ٿيو آهي ته واقعي کان هڪ ڏينهن اڳ نوجوان سڌير جي گهرو معاملي تان پنهنجي ڀائرن سان اڻبڻت ٿي هئي. وارثن مطالبو ڪيو آهي ته سڌير ماڙيچو ۽ پوجا جي لاشن جي ڳولا ۾ مدد ڪئي وڃي. هوڏانهن گمبٽ پوليس رابطو ڪرڻ تي ٻڌايو ته 5 مهينا اڳ ٻنهي جي شادي ٿي هئي. گھرو معاملي سبب ٻنهي روهڙي ڪئنال ۾ ٽپو ڏئي آپگھات ڪيو آهي. ٽوٻا گھرايا آهن، لاشن جي ڳولا ڪئي پئي وڃي.

Bookmark the permalink.