تازا ترين
  • *خيرپورناٿن شاهه ويجهو نوجوان مبينا ڦاهو کائي آپگهات ڪري ڇڏيو *ڳوٺ ڪريم داد لنڊ واسي ساجد جمالي گهر اندر مبينا ڦاهو کائي آپگهات ڪيو *
  • *ڏاهلي تعلقي ۾ ڪورونا وائرس جا وڌيڪ 14ڪيس ظاهر، متاثر گهرن ۾ آئيسوليٽ *ڇاڇرو ۽ ڏاهلي تعلقن ۾ ڪورونا جي متاثرن جو انگ143ٿي ويو*
  • *ٻانڌي ۾ ڪورونا جا وڌيڪ 7ڪيس ظاھر، متاثرن جو انگ وڌي11 ٿي ويو *سمورا متاثرن پنهنجي گهرن اندر آئيسوليٽ *3ڏينھن اڳ رورل ھليٿ سينٽر جي ملازمن سميت 50ماڻھن جا سيمپلز ورتا ويا هئا *7ڄڻن ۾ ڪورونا جي تصديق ٿي آهي: صحت کاتو*
  • *سکر: سرڪاري ڪڻڪ ۾ خرد برد ۽ اسمگلنگ ۾ ملوث جوابدارن خلاف نيب جي ڪارروائي *ڪڻڪ اسمگلنگ جي الزام ھيٺ نوشھرفيروز مان 3 ڄڻا گرفتار: نيب ذريعا *گرفتار ٿيلن ۾ عظيم آرائين، جمعا خان ۽ منور شامل آهن: نيب ذريعا *گرفتار جوابدارن تي ڪروڙين رپين جي ڪڻڪ اسمگل ڪرڻ جو الزام آهي: نيب ذريعا *
  • *جيڪب آباد ۾ مقتول نوجوان اسلم شاهه جي قاتلن جي گرفتاري لاءِ ڪيل احتجاج تي پوليس جي ڪاهه *پوليس مقتول نوجوان جي وارث عورتن ۽ ٻارڙن کي موبائل ۾ کنڀي کڻي وئي *
  • *ڪي اليڪٽرڪ کي واڌو گئس جي فراهمي باوجود بجلي جي اڻ اعلانيل لوڊشيڊنگ جاري *ملير، شاهه فيصل، ڪورنگي، قائد آباد، ناظم آباد، ڊفينس ۽ ٻين علائقن ۾ لوڊشيڊنگ *
  • *قاضي احمد ۾ وڌيڪ19 ڄڻن کي ڪورونا جي تصديق، متاثرن ۾ 5 عورتون به شامل *هڪ ڏينهن اڳ 86 ماڻهن جا سيمپلز ورتا ويا هئا، 19ڄڻن ۾ وائرس جي تصديق ٿي *
  • *نئون ڪوٽ: مٺي روڊ تي ٻن چنگچي رڪشائن وچ ۾ ٽڪر، 4 ڄڻا زخمي *اعواڻ پيٽرول پمپ ڀرسان ٻن چنگچي رڪشائن ۾ ٽڪر ٿيو، زخمي اسپتال منتقل *زخمين ۾ عمران راجپوت، عاقل، دانش راجپوت ۽ صداقت راجپوت شامل *

ڪچي ۾ آپريشن لاءِ بڪتربند گاڏيون تيار: آءِ جي معائنو ڪيو

خراب ٿيل 46 مان36بڪتربندگاڏيون مرمت بعدسنڌپوليس حوالي،ڌاڙيلن خلاف آپريشن اثرائتوبڻائينداسين:آءِ جي

ڪراچي (اسٽاف رپورٽر) سنڌ پوليس ڪچي جي ڌاڙيلن کي چِٿڻ لاءِ بڪتربند گاڏين جي مرمت ڪرائي ورتي آهي. آءِ جي سنڌ مرمت بعد تيار ٿيل 36 بڪتربند گاڏين جو معائنو ڪندي چيو آهي ته ڪچي جي ڌاڙيلن سوڌو ٻين ڏوهارين خلاف آپريشن ۾ پوليس جي ڪارڪردگي کي بهتر بڻائڻ لاءِ بڪتربند گاڏين جو استعمال اڻٽر آهي.
سنڌ پوليس جي ترجمان طرفان جاري ڪيل پڌرائي موجب ايم ٽي ورڪشاپ سنڌ طرفان پوليس کاتي جي مختلف شعبن ۽ رينجز ۾ بيٺل 46 مان 35 بڪتربند گاڏين جي مرمت ڪري اُنهن کي استعمال جوڳو بڻائي ڇڏيو آهي، جڏهن ته رهيل 11 بڪتربند گاڏين جو مرمتي ڪم اڃا جاري آهي.
مرمت ٿيل گاڏين ۾ سينٽرل پوليس آفيس جون 3، سي ٽي ڊي جون 3، ڪراچي رينج جون 36، ايم ٽي سنڌ 11، لاڙڪاڻو رينج 13، ميرپور خاص 2، سکر 9، حيدرآباد رينج جون 7 ۽ شهيد بينظير آباد رينج جون 4 بڪتربند گاڏيون شامل آهن. ترجمان موجب آءِ جي سنڌ مرمت ٿيل بڪتربند گاڏين جو معائنو ڪيو.
سنڌ پوليس جي ترجمان جو چوڻ آهي ڪچي سوڌو ٻين علائقن ۾ ڌاريلن خلاف ڪامياب آپريشن ڪرڻ لاءِ خراب ٿيل بڪتربند گاڏيون تيار ڪرايون ويون آهن، آف روڊ يعني خراب بيٺل بڪتربند گاڏين کي مرمت بعد استعمال جوڳو بڻايو ويو آهي. اُن موقعي تي ڳالهائيندي آءِ جي سنڌ چيو ته پوليس گاڏين خاص ڪري بڪتربند گاڏين جو هر وقت ٺيڪ هجڻ ضروري آهي، ڇاڪاڻ جو ڏوهارين خلاف ڪارروائين ۾ بڪتربند گاڏين جي استعمال سان پوليس جي ڪارڪردگي وڌيڪ بهتر ٿيندي. آءِ جي چيو ته ڪچي جي ڌاڙيلن خلاف آپريشن لاءِ بڪتربند گاڏين جو استعمال اهميت رکي ٿو.

Bookmark the permalink.