تازا ترين
  • سنڌ ۾ ٽئين ڏينهن به برسات جو سلسلو جاري، ڪيترن ئي علائقن ۾ روڊن رستن بيٺل پاڻي نيڪال نه ٿي سگهيو*ڪراچي، سيوهڻ، فيض گنج، مورو،جوهي، ڦل خيرپور، گهوٽڪي، حيدرآباد، لاڙڪاڻو، ڪنڌڪوٽ، سکر،ن وشهروفيروز، دادو، سانگهڙ ۽ ٻين شهرن ۾ برسات *يونيورسٽي روڊ، شاهراهه فيصل، کارادر، سنڌ اسيمبلي، سنڌ هاءِ ڪورٽ ۽ ٻين روڊن تي پاڻي بيٺل هجڻ سبب شهرين کي ڏکيائيون پيش*

”ڪوئن سُڪون ڦٽائي ڇڏيو آهي“ ميمبرز پاران پارليامينٽ لاجز ۾ سهولتون نه هئڻ جون دانهون

اسلام آباد (بيورو رپورٽ) قومي اسيمبلي جي اجلاس ۾ چونڊيل نمائندن جي رهائشگاهه پارليامينٽ لاجز ۾ ڪوئن جي آزار جو پڙاڏو گونجيو آهي، ڪالهه قومي اسيمبلي جي اجلاس دوران پيپلز پارٽي جي شاهده رحماني چيو ته پارليامينٽ لاجز ۾ ڪوئن سبب رهڻ مشڪل ٿي ويو آهي، ڪوئن سڪون حرام ڪري ڇڏيو آهي، پارليامينٽ لاجز ۾ سهولتون نه هجڻ برابر آهن، روشني ۽ هوا جو به ڪو انتظام ناهي، پارليامينٽ هائوس جي لائبريري ۾ به پاڻي ڳڙي ٿو، ايم ايم اي جي عبدالاڪبر چترالي چيو ته پارليامينٽ لاجز ۾ رهڻ محال ٿي ويو آهي، اسان کي وڌيڪ پيسن ۾ غير معياري کاڌو فراهم ڪيو پيو وڃي، جنهن تي ڊپٽي اسپيڪر اهو مامرو لاڳاپيل ڪاميٽي کي اماڻيندي اها به هدايت ڪئي آهي ته پارليامينٽ لاجز سان گڏ پارليامينٽ هائوس ۾ به صفائي کي بهتر بڻايو وڃي، ميمبرن جي شڪايت جو فوري ازالو ڪيو وڃي، سي ڊي اي جو ڊائريڪٽر ڪوئن جي خاتمي لاءِ قدم کڻي.

Bookmark the permalink.