تازا ترين
  • *جيڪب آباد: مهڪ ڪماري جي ننڍي ۾ عمر ۾ شادي ڪرائڻ جو ڪيس داخل*
  • *قبضا مافيا کي ڪير ڪجهه نٿو چوي، پر عوامي مفادن لاءِ ڪم ڪندڙن خلاف ڪيس داخل ٿيندا آهن: سنڌ هاءِ ڪورٽ*
  • *پ پ اڳواڻ سردار چانڊيو ۽ برهان چانڊيو خلاف انڪوائري مڪمل: جوابدارن جي عبوري ضمانت ۾ واڌ*
  • رستم ڀرسان ڪارنهن تهمت هيٺ عورت قتل، لاش گم،2 گرفتار*ڳوٺ سردار خادم جتوئي ڀرسان 15 ڏينهن اڳ ڀاءُ پنهنجي ڀيڻ سبحان خاتون کي قتل ڪري لاش گم ڪري ڇڏيو*
  • ڪورونا وائرس:چين ۾فوتين جو انگ 2 هزار کان وڌي ويو*هن وقت تائين 2004 ماڻهو فوت ٿي چڪا آهن، متاثرن جو انگ 74 هزار کان وڌيڪ آهي: چين*

ڪمند جو اگهه 220 رپيا ڏياري شگر ملون هلايو: آبادگارن جون گورنر کي دانهون

آبادگارن جي وفد گورنر سان ملاقات ڪري ڪرشنگ سيزن شروع نه ٿيڻ بابت آگاهي ڏني

ڪمند جو اگهه 220 رپيا مقررڪري ملون هلائي نقصان کان بچايو: علي پلهه

ڪراچي/ حيدرآباد(نمائندن وٽآن )سنڌ حڪومت ڪمند جا اگھه مقرر ڪرڻ لاءِ شگرڪين بورڊ جو اجلاس گھرائڻ ۾ ناڪام، آبادگارن جي گورنر سان ملاقات، گورنر پاران ڪمند معاملي تي وڏي وزير ۽ وزيراعظم سان ڳالهائڻ جي خاطري ڪرائي وئي ان سلسلي ۾ ڪالهه سنڌ ايگريڪلچر اينڊ ريسرچ ڪائونسسل(سارڪ)، فارمر آرگنائيزيشن ڪائونسل، سنڌ آبادگارن ايسوسيئيشن ۽ ٽيل آبادگار ايسوسيئيشن جي اڳواڻن علي پلهه، طارق محمود آرائين، جاويد جوڻيجو، زاهد نون ۽ ٻين جي اڳواڻي ۾ گورنر هائوس ۾ گورنر سنڌ عمران اسماعيل سان ملاقات ڪئي. آبادگارن پاران گورنر کي ڪمند جي اگھن ۽ شگر ملن جي موجوده صورتحال بابت تفصيلي آگاهي ڏني وئي. آبادگارن جو چوڻ هو ته سرڪار اڃا اگهه طئه ناهي ڪيو ۽ نه ئي وري ڪرشنگ سيزن شروع ڪرڻ جو فيصلو ڪيو آهي، پرڳڻي جي ننڍن آبادگارن سان ڪيترن سالن کان زيادتي ڪري رهي آهي، وفد گورنر کي اپيل ڪئي ته شگر مِلون وقت تي هلايون وڃن، جڏهن ته ڪمند جو اگهه في مڻ 220 رپيا مقرر ڪيو وڃي. گورنر عمران اسماعيل وفد کي خاطري ڪرائي ته هو وزيراعظم ۽ وڏي وزير سيد مراد علي شاھ سان رابطو ڪري آبادگارن جي مسئلن ۽ ڪمند جي معاملن تي ڳالهائيندو. هوڏانهن زراعت واري سيڪريٽري آغا ظهيرالدين رابطو ڪرڻ تي “پنهنجي اخبار” سان ڳالهائيندي چيو ته اڃا تائين پنجاب حڪومت به ڪمند جا اگھه مقرر ناهن ڪيا، اسان گذريل اجلاس ۾ پڻ آبادگارن کي يقين ڏياريو هو ته پنجاب جا اگھه مقرر ٿيڻ شرط ئي اجلاس گھرائي سنڌ ۾ ڪمند جا اگھه مقرر ڪنداسين. جيڪڏهن پنجاب سرڪار اگھن جي مقرري ۾ دير ڪري ٿي ته پوءِ ايندڙ هفتي شگر ڪين بورڊ جو اجلاس گھرائي اگھن سميت آبادگارن جي ٻين خدشن تي غور ڪبو ٻئي طرف ڪين ڪمشنر جاويد مهر “پنهنجي اخبار” سان ڳالهائيندي چيو ته شگر ڪين بورڊ جو چيئرمين زراعت وارو سيڪريٽري آهي. ان ڪري اجلاس يا اگھه مقرر نه ٿيڻ بابت سيڪريٽري ئي ڪجهه ٻڌائي سگھي ٿو.

Bookmark the permalink.