تازا ترين
  • *ميرپورخاص ۾ عدالتي ڇاپو: ٿاڻي تي زنجيرن سان ٻڌل شهري بهادر علي بازياب*
  • *اسلام آباد: کنڊ جا اگهه ڇو وڌيا؟ وزيراعظم عمران خان پاران کنڊ جي اگهن ۾ واڌ واري معاملي جي جاچ لاءِ 3 رڪني ڪميٽي قائم * اسلام آباد: ڪميٽي ۾ ڊي جي ايف آءِ اي، ڊي جي اينٽي ڪرپشن پنجاب ۽ آءِ بي جو نمائندو شامل هوندو *
  • *راڄو خاناڻي ڀرسان 55 ورهين جي پيرسن محمد بچل ڪوري وڻ ۾ رسو ٻڌي خودڪشي ڪري ڇڏي*
  • سنڌ سرڪار ڪي سي آر جي بحاليءَ لاءِ نقشو پيش ڪري ڇڏيو*ايندڙ ٻڌڻيءَ تي وري نقشو ٻيو هوندو (چيف جسٽس) نه سر! ساڳيو ئي هوندو: اي جي سنڌ*
  • سوچي ڳالهايو، هتان جيل موڪلي سگهون ٿا، ٻارن وانگر لڳا پيا آهيو ته هي ڪنداسين، هو ڪنداسين: سُپريم ڪورٽ جي سيڪريٽري ريلوي کي ڇنڊ*سُپريم ڪورٽ ڪراچي رجسٽري ۾ سرڪلر ريلوي جي بحاليءَ واري ڪيس تي ٻڌڻي، ايڊووڪيٽ جنرل سنڌ ۽ سيڪريٽري ريلوي پيش*لکي ڏيو ته نٿو ٿي سگهي ته جيئن قصو ئي ختم ٿئي، توهان جي ڪهاڻي سنڌ حڪومت هڪ سال اڳ ٻڌائي ڇڏي هئي: چيف جسٽس جا ريمارڪس*

ڪشمور: ڪڻڪ تي وائرس جو حملو، فصل سوڪهڙي جو شڪار، آبادگار پريشان

هفتو اڳ فصل تي وائرس جو حملو ٿيو، اسپري ڪيو آهي پر وائرس جو خاتمو اچي ناهي سگهيو: آبادگار

فصل جي سڪڻ بابت زراعت کاتي جي عملدارن کي اطلاع ڏنو آهي پر اڃا تائين ڪو به نوٽيس ناهي ورتو ويو

ڪشمور(رپورٽ: ايم شريف ڄامڙو) ڪشمور ۽ ڀرپاسي ڪڻڪ جي فصل تي وائرس جي حملي سبب ڪيترن ئي ايڪڙن تي بيٺل فصل سوڪهڙي جو شڪار ٿي ويو آهي، آبادگارن جو چوڻ آهي ته اطلاع باوجود زراعت کاتي جي عملدارن ڪو به نوٽيس ناهي ورتو. خبر موجب ڪشمور ۽ ڀرپاسي جي علائقن ۾ ڪڻڪ جي بيٺل فصل تي خطرناڪ وائرس حملو ڪيو آهي، جنهن جي نتيجي ۾ ڪيترن ئي ايڪڙن تي بيٺل ڪڻڪ جو فصل سوڪهڙي جو شڪار ٿي ويو آهي. آبادگارن عطاءُ الله مزاري، قابل جکراڻي، غلام علي مزاري، خير محمد سولنگي، شوڪت شر، محبوب علي سولنگي ۽ ٻين جو چوڻ آهي ته هڪ هفتو اڳ فصل تي وائرس جو حملو ٿيو، جنهن بعد اسپري به ڪيو آهي پر وائرس جو خاتمو اچي ناهي سگهيو. هنن چيو ته فصل جي سڪي وڃڻ بابت زراعت کاتي جي عملدارن کي پڻ اطلاع ڏنو آهي پر اڃا تائين ڪو به نوٽيس ناهي ورتو ويو ۽ نه ئي ڪي وائرس کان بچاءَ جي قدم کنيا ويا آهن. آبادگارن موجب وائرس سبب فصل سخت متاثر ٿي رهيو آهي ۽ امڪان آهي ته في ايڪڙ پيداواري اپت 20 کان 25 مڻ مس لهندي، جنهن سان ڀاڻ ۽ ٻج جو خرچ نڪرڻ به مشڪل آهي. هنن مطالبو ڪيو ته ڪڻڪ تي حملو ڪندڙ وائرس جي خاتمي لاءِ تڪڙا قدم کڻي فصل کي بچايو وڃي.

Bookmark the permalink.