تازا ترين
  • *کڏڙو بس اسٽاپ تي ٻن موٽر سائيڪلن ۾ ٽڪر، 3 ڄڻا سخت زخمي *محمدرمضان خاصخيلي،لال محمد بروهي ۽ علي محمد بروهي ڳڻتي جوڳي حالت ۾ اسپتال منتقل*
  • *خانواهڻ ويجهو ڦر مزاحمت تي جوابدارن گوليون هڻي اهلڪار کي زخمي ڪري ڇڏيو *پير مسافر وٽ 3هٿياربندن اهلڪار سڪندر ڪلھوڙو کان موٽرسائيڪل ڦر ڪرڻ جي ڪوشش ڪئي *مزاحمت تي جوابدارن اهلڪار کي گوليون هڻي زخمي ڪري ڇڏيو، اسپتال منتقل*
  • *ملڪ ۾ کاڌي پيتي جي شين جي اگهن ۾ واڌ بابت شماريات کاتي جا انگ اکر جاري *گوشت3.9 ۽ کنڊ3.8 سيڪڙو مهانگي ٿي: شماريات کاتو *جولائي ۾ سالياني بنياد تي شهري علائقن ۾ ٽماٽر سئو سيڪڙو مهانگو ٿيو:شماريات کاتو *پٽاٽا63 سيڪڙو ۽ دال مڱ 46.25سيڪڙو مهانگي ٿي: شماريات کاتو *ڪڻڪ28.52۽ اٽو 18.52 سيڪڙو مهانگو ٿيو: شماريات کاتو *
  • *لاڙڪاڻو: مبينا طور اغوا ٿيل نينگري جي بازيابي لاءِ وارثن جو پاڪ ڪتاب کڻي احتجاج *27جولائي تي جتوئي برادري جا هٿياربند گهر گهڙي نياڻي ماجده کي اغوا ڪري ويا: وارثن جو الزام*
  • *فريدآباد: ڳوٺ عبدالله شاھه گودڙيو ۾ ڪرنٽ لڳڻ سبب 3 ٻارڙن جي ماءُ فوت *گهر اندر پکي مان ڪرنٽ لڳڻ سبب 26 ورهين جي گمبُل زال رب رکيو چانڊيو فوت*
  • *صدرجي ڀٽيون ويجهو زميندار تي حملو، 2 ڄڻا زخمي، هڪ ڄڻو مبينا اغوا *هٿياربندن جي حملي ۾ زميندار ولي شاهه ۽ ربنواز ناريجو زخمي، امير ناريجو مبينا اغوا*
  • *ڪراچي: جوهر چورنگي ويجهو جي ڊي سي فائونڊيشن وٽان نامعلوم پيرسن جو لاش هٿ *لاش ايڌي ايمبولينس ذريعي جناح اسپتال منتقل، سڃاڻپ نه ٿي سگهي*
  • *سيوھڻ: درگاھه قلندر کي کولرائڻ لاءِ دڪاندارن ۽ پورهيتن جو27هين ڏينهن به احتجاج *درگاھه قلندر کي ايس او پي تحت کولي بک ۽ بدحالي کان بچايو وڃي: دڪاندار ۽ پورهيت *

ڪراچي ۾ هٿياربند رستي تان ناري کي اغوا ڪري ويا: فائرنگ ۾ نوجوان زخمي:اسپتال منتقل

درخشان ٿاڻي جي حد ۾ ناري دعا منگي ۽ نوجوان حارث سومرو تي هٿياربندن حملو ڪيو، ناري کي ڪار ۾ اغوا ڪري ويا

هٿياربندن جي فائرنگ ۾ زخمي ٿيل نوجوان حارث سومرو اسپتال منتقل، نوجوان ۽ اکين ڏٺن شاهدن جا بيان رڪارڊ ڪيا آهن: پوليس

ڪراچي (اسٽاف رپورٽر) ڪراچي جي پوش علائقي ڊفينس ۾ ڪار سوار هٿياربند هڪ نوجوان کي گولي هڻي شديد زخمي ڪري ان سان گڏ موجود ڇوڪري کي اغوا ڪري فرار ٿي ويا، پوليس موجب درخشان ٿاڻي جي حدن ۾ ڊفينس ۾ خيابان بخاري جي بخاري ڪمرشل اسٽريٽ تي رات واقعو پيش آيو، جنهن کانپوءِ علائقي ۾ خوف ۽ حراس پکڙجي ويو آهي، پوليس موجب شروعاتي جاچ ۾ خبر پئي آهي ته نوجوان ۽ ناري خيابانِ بخاري جي مين اسٽريٽ تي روڊ تي پيادل گهمي رهيا هئا ته ڪار ۾ سوار هٿياربند اُتي پهتا ۽ نوجوان کي فائرنگ ڪري زخمي ڪري فرار ٿي ويا، جڏهن ته ڇوڪري کي زبردستي ڪار ۾ اغوا ڪري ويا. پوليس جو چوڻ آهي ته واقعي جي اطلاع تي ايس ايس پي سائوٿ شيراز نذير ۽ ايس پي انويسٽيگيشن فوري طور تي نفري سان گڏ پهتا، جاچ شروع ڪري ڇڏي آهي. ايس ايس پي سائوٿ شيراز نذير جو چوڻ آهي ته واقعي کانپوءِ علائقي جي سي سي ٽي وي فوٽيج حاصل ڪيا پيا وڃن ۽ ڪجهه اکين ڏٺن شاهدن جا بيان به رڪارڊ ڪيا ويا آهن، حقيقي نوعيت ڄاڻڻ جي ڪوشش ڪئي پئي وڃي، پوليس ٻڌايو ته زخمي نوجوان کي فوري طور تي هڪ نجي اسپتال منتقل ڪيو ويو، زخمي جي سڃاڻپ حارث سومرو جي نالي سان ٿي آهي، زخمي حارث ٻڌايو ته گاڏي ۾ ڪجهه ماڻهو آيا ۽ جن مون کي گولي هڻي گڏ دوست ڇوڪري کي اغوا ڪري ويا، پوليس موجب شروعاتي جاچ ۾ ڇوڪري جو نالو دعا منگي سامهون آيو آهي، ڇوڪري جي گهروارن رابطو ناهي ڪيو، ٻئي پاسي آءِ جي سنڌ ڪليم امام واقعي جو نوٽيس وٺندي تفصيل طلب ڪري ورتا.

Bookmark the permalink.