تازا ترين
  • *ملڪ ۾ ڪورونا وائرس وڌيڪ 67 ڄڻن کان حياتيون کسي ورتيون*
  • *سنڌ جي مختلف شهرن ۾ رولو ۽ ڇتن ڪتن جو آزار گهٽجي نه سگهيو، 20 کان وڌيڪ ٻاڙن ۽ عورتن کي ڇتن ڪتن ڏاڙهي زخمي ڪري ڇڏيو*لاڙڪاڻي ۾ ڪتن ٻن ٻارڙن سميت 4 ڄڻن کي ڏاڙهي وڌو، متاثرن ۾ 6 ورهين جي خوشبو شيخ، 13 سالن جو ناصر، 50 سالن جو اختيار ۽ ٻيا شامل*موري ۾ راند ڪندڙ نينگر کي رولو ڪتي ڏاڙهي زخمي ڪري ڇڏيو، زخمي نينگر کي سندس والد کڻي اسپتال پهتو جتي وئڪسين نه ملڻ ڪري واپس گهر روانو ٿي ويو*

ڪراچي کان سرحد ۾ وڏي ڀيڻ وٽ ويل 2 ڀينرون گم: اغوا جو شڪ

تقيه ۽ صفيه جي اغوا جو ڪيس داخل ٿيڻ باوجود پوليس ڪجهه نٿي ڪري: نارين جي والد جو احتجاج

جروار (ن پ ا) گهوٽڪيءَ جي سرحد واري علائقي ۾ وڏي ڀيڻ وٽ آيل ڪراچي واسي 2 ڀينرون 5 ڏينهن کان گُم ٿيڻ جو انڪشاف ٿيو آهي. نارين جي وارثن اغوا جو شڪ ظاهر ڪندي چيو آهي ته ڪيس داخل ڪرائڻ باوجود سرحد پوليس نارين کي هٿ ڪرڻ لاءِ ڪک ڀڃي ٻيڻو نه ڪيو آهي. ڪراچي جي گلشن معمار واري علائقي جون رهواسي 2 ڀينرون 15 سالن جي تقيه گل عباسي ۽ 19 سالن جي صفيه گل عباسي گهوٽڪي جي سرحد واري علائقي ۾ وڏي ڀيڻ سان ملڻ لاءِ پهتيون هيون. ڳوٺ جندو وڏو عباسي ۾ پهچڻ بعد ٻئي ڀيڻيون گُم ٿي ويون ۽ 5 ڏينهن کان سندن ڪوبه ڏس پتو پئجي نه سگهيو آهي.
نارين جي والد علي گل عباسي جروار پريس ڪلب پهچي دانهيو ته سندس ٻئي ڌيروئن سرحد ۾ ڀيڻ وٽ ترسيل هيون، 5 ڏينهن اڳ وڏي ڌيءُ شادي تي وئي، واپس آئي ته ٻئي ڀيڻيون تقيه ۽ صفيه گهر ۾ نه هيون. هُن دانهيو ته سرحد ٿاڻي تي ڪيس داخل ڪرايو ۽ اغوا جو شڪ به ظاهر ڪيو آهي، تنهن باوجود پوليس 5 ڏينهن کان ڪجهه نٿي ڪري ۽ خاموش تماشائي بڻيل آهي. نارين جي والد ايس ايس پي گهوٽڪي سوڌو ٻين اعليٰ اختيارين کان مطالبو ڪيو ته ڌيئرن کي بازياب ڪرائي سندن بيچيني ختم ڪئي وڃي.

Bookmark the permalink.