تازا ترين
  • ڪراچي جي مختلف علائقن ۾ هلڪي ۽ تيز برسات، موسم خوشگوار*سُپر هاءِ وي، نارٿ ڪراچي، ڊفينس ۽ ڪلفٽن سوڌو ڀرپاسي ۾ وسڪارو* برسات کانپوءِ هيٺائين علائقن ۾ پاڻي بيهڻ شروع، انتظاميه الرٽ*
  • سنڌ ۽ بلوچستان جي ساحلي پٽيءَ تي گجگوڙ سان برسات جو امڪان، شهري ٻوڏ جو خطرو، وڏي وزير چونڊيل نمائندن جي ڊيوٽي لڳائي ڇڏي*برسات دوران سنڌ ۽ مڪران جي ساحل تي سامونڊي ويرون طوفان جيان هونديون: موسميات کاتو*صوبائي وزير ناصر شاهه جي ڪي ايم سي، ڊي ايم سيز، واٽر بورڊ، واسا ۽ ٻين لاڳاپيل ادارن کي متحرڪ رهڻ جي هدايت*

ڪاڇي جو مرڪزي شهر ٽنڊو رحيم خان ستين ڏينهن به مڪمل بند، پورهيتن جو سهائتا نه ٿيڻ خلاف احتجاج

ٽنڊو رحيم خان ۾ ٻئي هفتي به مال پڙي نه لڳي سگهي

کاڌ خوراڪ ڏئي زندگيون بچايون وڃن: پورهيتن جي اپيل

ٽنڊو رحيم خان (ن پ ا) سڄي سنڌ جيان ڪاڇي جو مرڪزي شهر ٽنڊو رحيم خان به ستين ڏينهن تي مڪمل بند آهي، درزين، بس، سوزوڪي ۽ ٻين گاڏين جي ڊرائيورز سهائتا نه ٿيڻ خلاف احتجاج ڪندي چيو آهي ته کاڌ خوراڪ ڏئي زندگيون بچايون وڃن. ٽنڊو رحيم خان ۾ ٻئي هفتي به مال پڙي نه لڳي سگهي، سنڌ حڪومت جي نئين اعلان بعد گذريل ڏينهن شام جو پنجين وڳي ڪريانه، کير، ڏهي ۽ سبزين جا دڪان به بند ڪرايا ويا. روز ڪمائي کائڻ وارا درزين، بس، سوزوڪي، رڪشا ۽ ٻيون گاڏيون هلائيندڙ ڊرائيورن سهائتا نه ٿيڻ خلاف احتجاج ڪيو آهي. احتجاج ڪندڙ سانوڻ خاصخيلي، رفيق جنگواڻي، دزري اتحاد اڳواڻ شمع خاصخيلي ۽ ٻين جو چوڻ آهي ته ڪاروبار بند هجڻ سبب فاقا ڪشي تي مجبور آهيون. هنن چيو ته سنڌ حڪومت جي اعلان باوجود ڪنهن به قسم جي سهائتا ناهي ٿي، هاڻي ڪورونا کان وڌيڪ بک وگهي مرڻ جو خوف پيو ٿئي. هنن مطالبو ڪيو آهي ته سنڌ جا حڪمران سکڻن اعلانن کان نڪري حقيقي طور تي سامهون اچن ۽ ضروت مند ماڻهن کي کاڌ خوراڪ فراهم ڪن ته جيئن گهٽ ۾ گهٽ هڪ ويلو ماني کائي سگهن.

Bookmark the permalink.