تازا ترين
  • *خيرپورناٿن شاهه ويجهو نوجوان مبينا ڦاهو کائي آپگهات ڪري ڇڏيو *ڳوٺ ڪريم داد لنڊ واسي ساجد جمالي گهر اندر مبينا ڦاهو کائي آپگهات ڪيو *
  • *ڏاهلي تعلقي ۾ ڪورونا وائرس جا وڌيڪ 14ڪيس ظاهر، متاثر گهرن ۾ آئيسوليٽ *ڇاڇرو ۽ ڏاهلي تعلقن ۾ ڪورونا جي متاثرن جو انگ143ٿي ويو*
  • *ٻانڌي ۾ ڪورونا جا وڌيڪ 7ڪيس ظاھر، متاثرن جو انگ وڌي11 ٿي ويو *سمورا متاثرن پنهنجي گهرن اندر آئيسوليٽ *3ڏينھن اڳ رورل ھليٿ سينٽر جي ملازمن سميت 50ماڻھن جا سيمپلز ورتا ويا هئا *7ڄڻن ۾ ڪورونا جي تصديق ٿي آهي: صحت کاتو*
  • *سکر: سرڪاري ڪڻڪ ۾ خرد برد ۽ اسمگلنگ ۾ ملوث جوابدارن خلاف نيب جي ڪارروائي *ڪڻڪ اسمگلنگ جي الزام ھيٺ نوشھرفيروز مان 3 ڄڻا گرفتار: نيب ذريعا *گرفتار ٿيلن ۾ عظيم آرائين، جمعا خان ۽ منور شامل آهن: نيب ذريعا *گرفتار جوابدارن تي ڪروڙين رپين جي ڪڻڪ اسمگل ڪرڻ جو الزام آهي: نيب ذريعا *
  • *جيڪب آباد ۾ مقتول نوجوان اسلم شاهه جي قاتلن جي گرفتاري لاءِ ڪيل احتجاج تي پوليس جي ڪاهه *پوليس مقتول نوجوان جي وارث عورتن ۽ ٻارڙن کي موبائل ۾ کنڀي کڻي وئي *
  • *ڪي اليڪٽرڪ کي واڌو گئس جي فراهمي باوجود بجلي جي اڻ اعلانيل لوڊشيڊنگ جاري *ملير، شاهه فيصل، ڪورنگي، قائد آباد، ناظم آباد، ڊفينس ۽ ٻين علائقن ۾ لوڊشيڊنگ *
  • *قاضي احمد ۾ وڌيڪ19 ڄڻن کي ڪورونا جي تصديق، متاثرن ۾ 5 عورتون به شامل *هڪ ڏينهن اڳ 86 ماڻهن جا سيمپلز ورتا ويا هئا، 19ڄڻن ۾ وائرس جي تصديق ٿي *
  • *نئون ڪوٽ: مٺي روڊ تي ٻن چنگچي رڪشائن وچ ۾ ٽڪر، 4 ڄڻا زخمي *اعواڻ پيٽرول پمپ ڀرسان ٻن چنگچي رڪشائن ۾ ٽڪر ٿيو، زخمي اسپتال منتقل *زخمين ۾ عمران راجپوت، عاقل، دانش راجپوت ۽ صداقت راجپوت شامل *

کپري ۾ جعلي کاتن ذريعي ڦٻايل زمين ٻيلي کاتي کي واپس نه ٿي، ڪارروائي لٽڪيل

ايڊيشنل ڪمشنر کاتا رد ڪري زمين کپرو ٻيلي کاتي حوالي ڪرڻ جو حڪم ڏنو هو

ٻيلي جي زمين خالي ڪرائي، جعلي کاتا ختم ڪري ٻيلا پوکڻا هئا پر ڪجهه نه ٿيو

کپرو (رپورٽ: آزاد راڄڙ) کپرو ٻيلي جي 67 هزار ايڪڙ زمين جي جعلي کاتن وارو معاملو اڳتي نه وڌيو، ڪمشنر نواب شاهه توڙي ڊي سي سانگهڙ به تحرڪ نه ورتو، جڏهن ته اسسٽنٽ ڪمشنر، مختيارڪار کپرو
جون پوسٽون هڪ مهيني کان خالي پيل آهن. کپرو ٻيلي جي زمين جا جعلي کاتا ٺاهي مقامي زميندار کي ڏيندڙ روينيو کاتي سپريم ڪورٽ جي حڪمن بعد به اها زمين ٻيلي کاتي جي حوالي ناهي ٿي. ان ڏس ۾ سپريم ڪورٽ جي حڪم تي ايڊيشنل ڪمشنر نواب شاهه انڪوائري ڪري 67000 ايڪڙ زمين ٻيلي جي ظاهر ڪري ان جا کاتا رد ڪري کپرو ٻيلي حوالي ڪرڻ جو حڪم ڏنو پر ڊي سي سانگهڙ عمل نه ڪرايو، سياسي مداخلت سبب ڪمشنر نواب شاهه سميت مختيارکپرو تائين سمورا عملدار وقت به وقت بدلي ڪرائي ويا جنهن سبب معاملو رولڙي جو شڪار ٿيندو رهيو آھي، تازو سپريم ڪورث حڪم ڏنو ته ٻيلي جي زمين خالي ڪرائي جعلي کاتا ختم ڪري اها زمين فاريسٽ ڪئي وڃي پر روينيو عملدارن ان تي ڪو به عمل نه ڪيو نه ٻيهر نقشا ٺهيا آھن نه وري انهي جي سروي ٿي آھي. کپرو ۾ 2016 کان 2020 تائين مختيارڪار ۽ اي سي هڪ کان 3 مهينن تائين هٽايا ويندا آهن، ڪو به پنهنجي پوسٽ تي ناهي رهي سگھيو. اهو به معلوم ٿيو آھي تازو بدلي ڪرائي ويل مختيارڪار عزيز ڪلهوڙو رپورٽ تيار ڪري ڪمشنر حوالي ڪئي جيڪا ڪمشنر رد ڪندي ٻيهر رپورٽ لاءِ چيوته هن پنهنجي بدلي ڪرائي چڏي. اي سي کپرو آصف خاصخيلي به سمجهوتو ڪرڻ بدران پنهنجي بدلي ڪرائي ويو، جنهن سبب مختيارڪار ۽ اسسٽنٽ ڪمشنر کپرو جي پوسٽ خالي پيل آھي، سندن چارجون سانگهڙ جي مختيارڪار رشيد ڪاڪا ۽ اي سي سانگهڙ سهيل آرائين حوالي ٿيل آھن.

Bookmark the permalink.