تازا ترين
  • *کڏڙو بس اسٽاپ تي ٻن موٽر سائيڪلن ۾ ٽڪر، 3 ڄڻا سخت زخمي *محمدرمضان خاصخيلي،لال محمد بروهي ۽ علي محمد بروهي ڳڻتي جوڳي حالت ۾ اسپتال منتقل*
  • *خانواهڻ ويجهو ڦر مزاحمت تي جوابدارن گوليون هڻي اهلڪار کي زخمي ڪري ڇڏيو *پير مسافر وٽ 3هٿياربندن اهلڪار سڪندر ڪلھوڙو کان موٽرسائيڪل ڦر ڪرڻ جي ڪوشش ڪئي *مزاحمت تي جوابدارن اهلڪار کي گوليون هڻي زخمي ڪري ڇڏيو، اسپتال منتقل*
  • *ملڪ ۾ کاڌي پيتي جي شين جي اگهن ۾ واڌ بابت شماريات کاتي جا انگ اکر جاري *گوشت3.9 ۽ کنڊ3.8 سيڪڙو مهانگي ٿي: شماريات کاتو *جولائي ۾ سالياني بنياد تي شهري علائقن ۾ ٽماٽر سئو سيڪڙو مهانگو ٿيو:شماريات کاتو *پٽاٽا63 سيڪڙو ۽ دال مڱ 46.25سيڪڙو مهانگي ٿي: شماريات کاتو *ڪڻڪ28.52۽ اٽو 18.52 سيڪڙو مهانگو ٿيو: شماريات کاتو *
  • *لاڙڪاڻو: مبينا طور اغوا ٿيل نينگري جي بازيابي لاءِ وارثن جو پاڪ ڪتاب کڻي احتجاج *27جولائي تي جتوئي برادري جا هٿياربند گهر گهڙي نياڻي ماجده کي اغوا ڪري ويا: وارثن جو الزام*
  • *فريدآباد: ڳوٺ عبدالله شاھه گودڙيو ۾ ڪرنٽ لڳڻ سبب 3 ٻارڙن جي ماءُ فوت *گهر اندر پکي مان ڪرنٽ لڳڻ سبب 26 ورهين جي گمبُل زال رب رکيو چانڊيو فوت*
  • *صدرجي ڀٽيون ويجهو زميندار تي حملو، 2 ڄڻا زخمي، هڪ ڄڻو مبينا اغوا *هٿياربندن جي حملي ۾ زميندار ولي شاهه ۽ ربنواز ناريجو زخمي، امير ناريجو مبينا اغوا*
  • *ڪراچي: جوهر چورنگي ويجهو جي ڊي سي فائونڊيشن وٽان نامعلوم پيرسن جو لاش هٿ *لاش ايڌي ايمبولينس ذريعي جناح اسپتال منتقل، سڃاڻپ نه ٿي سگهي*
  • *سيوھڻ: درگاھه قلندر کي کولرائڻ لاءِ دڪاندارن ۽ پورهيتن جو27هين ڏينهن به احتجاج *درگاھه قلندر کي ايس او پي تحت کولي بک ۽ بدحالي کان بچايو وڃي: دڪاندار ۽ پورهيت *

چڪ لڳ پسند جي پرڻي واري معاملي جو جرڳو، جوڙو ڪارو قرار، الزام هيٺ آيل شخص تي 15 لک رپيا ڏنڊ، ڳوٺ اچڻ تي پابندي

ڪامريڊ وحيد سومرو جي ڀاءُ کي وڏيري جي اوطاق تي گهرائي فتويٰ ٻڌائي وئي

ٻيون ڀيرو جرڳو ڪيو ويو آهي، مونکي گهرواري ۽ ٻن ٻارن سوڌو خطرو آهي: وحيد سومرو

چڪ(ن پ ا) چڪ لڳ پسند جي پرڻي واري معاملي جو جرڳو، جوڙو ڪارو قرار، الزام هيٺ آيل قومپرست اڳواڻ تي 15 لک رپيا ڏنڊ، هڪ سال لاءِ ڳوٺ اچڻ تي پابندي. محمود آباغ شھر واسي قومپرست اڳواڻ ڪامريڊ عبدالوحيد سومرو ۽ سماجي ڪارڪن ناري افصيٰ سومرو جي پسند جي شادي واري معاملي جو جرڳو ڪيو ويو، جنهن دوران پسند جو پرڻو ڪندڙ جوڙي کي ڪارو قرار ڏئي ڪامريڊ وحيد سومرو مٿان 15 لک رپيا ڏنڊ وڌو ويو. سندس وڏي ڀاءُ سخي سومرو کي وڏيري جي اوطاق تي سڏائي فتوى ٻڌائڻ بعد پابند ڪيو ويو ته هڪ مهيني اندر ڏنڊ واري رقم ادا ڪئي وڃي ۽ ھڪ سال تائين سندس ڀاءُ خاندان سميت علائقي ۾ نه ايندو. الزام هيٺ آيل ڪامريڊ عبدالوحيد سومرو فون تي ميڊيا سان رابطو ڪري ٻڌايو ته سندس زندگي کي خطرو آھي. بااثر وڏيرن فيصلو ڪري ظلم ڪيو آھي. هنن اڳ به اهڙي فتوى جاري ڪئي هئي، جنهن ۾ 20 لک رپيا ڏنڊ ۽ سڱ چٽي مقرر ڪيو ويو هو، هڪ ڀيرو جرڳو ڪري ڌمڪيون ڏنيون ويون آهن، منهنجي گهرواري ۽ ٻن معصوم پٽن آزاد ۽ سنڌيار جون زندگيون خطري ۾ آھن. نوٽيس وٺي تحفظ ۽ انصاف فراهم ڪيو وڃي.

Bookmark the permalink.