تازا ترين
  • *احمد پور ويجهو 14 ورهين جي نينگري نگھت ڌيءُ امان الله وسطڙو مبينا طور اغوا: ٽن ڄڻن صبر علي، شڪر علي ۽ منٺار وسطڙو خلاف اين سي داخل*
  • *سڪرنڊ ۾ پاڙيسري جو وڪيل رياض احمد عرف راجا تي قاتلاڻو حملو، نازڪ حالت ۾ نوابشاهه ريفر*
  • *سيوهڻ زيادتي ڪيس: عدالتي اجازت بعد جاچ ٽيم ڊي ايس پي کاڻوٺ علي شير خاصخيلي جي سربراهي ۾ معطل سول جج امتياز ڀٽو جي چئمبر جو معائنو ڪيو*
  • *ميرپورماٿيلو ۾ پرڻيل ناري جو گهر مان گولي لڳل لاش هٿ، شڪ جي بنياد تي مڙس گرفتار، وارثن واقعي کي آپگهات قرار ڏئي ڇڏيو * ميرپورماٿيلو: عورت شمائلا کي مٿي ۾ ڳولي لڳل آهي، جاچ ڪيون پيا: پوليس * ميرپورماٿيلو: ڀاڄائي گهرو اڻبڻت تان آپگهات ڪيو آهي: ڏير اسلام بوزدار *
  • *راڻيپور: ٻن ڀائرن شڪيل بروھي ۽ ظريف بروھي وچ ۾ جهيڙي دوران فائرنگ: 17 سالن جو نوجوان شڪيل بروھي مارجي ويو، ظريف بروھي مرڻينگ*
  • *ڪراچي: ڊي آءِ جي سکر اقبال دارا خلاف اي جي سنڌ کي رپورٽ پيش ڪندڙ انسپيڪٽر کي شوڪاز نوٽيس جاري، 7 ڏينهن ۾ وضاحت طلب * ڪراچي: اوهان جونيئر آهيو، ڪنهن سينيئر خلاف ڪيئن ٿا انڪوائري رپورٽ جمع ڪرائي سگهو؟ نوٽيس *
  • *حيدرآباد/ڄامشورو: 15 ڏينهن کان گم ڄاڻايل مهراڻ يونيورسٽي جي شاگرد جو حيدرآباد ويجهو لاش هٿ، وارثن کي دوستن تي شڪ * حيدرآباد/ڄامشورو: شاگرد فتح راجپوت جو لاش اڪرم واهه مان هٿ آيو، پوسٽ مارٽم بعد وارثن حوالي * حيدرآباد/ڄامشورو: پٽ دوست جي دعوت تي ڪوٽڙي ويو هو، شڪ آهي ته دوستن کيس قتل ڪيو: شير سومار *
  • *ڪراچي: آءِ جي سنڌ ڪليم امام اسلام آباد طلب: سڀاڻي وزيراعظم عمران خان کي بريفنگ ڏيندو*
  • *اسلام آباد: سنڌ ۾ اتحادين کي اعتراض: آءِ جي لاءِ سنڌ سرڪار کان نوان نالا طلب * اسلام آباد: آءِ جي تبديليءَ وارومامرو وفاقي ڪابينا جي ايجنڊا مان خارج: وڏي وزير سان ڳالهين جو ٽاسڪ گورنر حوالي *
  • *لاڙڪاڻي ۾ چوري ٿيل 3 ڪلو سون مان 31 تولا متاثر دڪاندار کي واپس: ايس ايس پي لاڙڪاڻو مسعود بنگش اهو نه ٻڌايو ته سون ڪٿان هٿ ڪيو * لاڙڪاڻو: 31 تولا سون سوڌو چوري ٿيل ٻيو سامان ملي ويو آهي: دڪاندار عبدالله شيخ *
  • *مون خلاف سازش ٿي آهي، سولائيءَ سان وڃڻ واروناهيان: آءِ جي سنڌ*
  • *هالا ڀرسان 7 ڄڻڻ جي قتل جو ڪيس داخل: جوابدار ڌُر گهر خالي ڪري فرار*
  • *پشاور ڀرسان مسجد جو امام مبينا طور 14 ورهين جي ڇوڪري کي اغوا ڪري ويو*
  • *ريل سڙڻ جي واقعي بعد 19 ماڻهن خلاف ڪارروائي ڪئي(شيخ رشيد) وڏن خلاف ڪارروائي ڪڏهن ٿيندي:چيف جسٽس*
  • *سرڪلر ريلوي ٽريڪ جي بحالي لاءِ وڌيڪ وقت نه ڏنو ويندو:سپريم ڪورٽ*

چڪ جي واحد شهيد بينظير ڀٽو لائبريري لاوارث بڻيل: سوين ڪتاب ۽ تصويرون چوري

عثمان سيٺار جي وفات کانپوءِ نئون انچارج مقرر نه ٿيو، لائبريري لاوارثي جو شڪار

سارسنڀال نه هئڻ سبب ماڻهو شيشا ڀڃي تاريخي تصويرون ۽ سوين ڪتاب چوري ڪري ويا

چڪ (رپورٽ: آزاد انور مهر) چڪ شهر جي واحد لائبريري انتظامي بي ڌياني سبب اجڙي وئي، سوين ڪتاب چوري، ٻنهي پاسن کان حددخليون. ان سلسلي ۾ چڪ جي واحد شهيد بينظير ڀٽو لائبريري انتظامي لاپراوهي سبب شهر جي نوجوانن لاءِ بي لاڀ بڻيل آهي. لائبريري انچارج مقرر نه هئڻ سبب هيستائين سون جي تعداد ۾ ڪتاب چوري ٿي چڪا آهن، لائبريري ۾ باقي گهٽ ڪتاب وڃي بچيا آهن. جڏهن ته اخبارون نه هئڻ برابر آهن، جنهن سبب نوجوان مطالعي کان محروم ٿي رهيا آهن. علم ۽ ادب سان چاهه رکندڙ ماڻهن لائبريري وڃڻ بند ڪري ڇڏيو آهي. واضح رهي ته لائبريري انچارج محمد عثمان سيٺار جي وفات کان پوءِ نئون انچارج مقرر ناهي ڪيو، جنهن سبب لائبريري لاوارثي جو شڪار آهي. لائبريري جي رکوالي نه هئڻ ڪري ماڻهو شيشا ڀڃي تاريخي تصويرون ۽ ڪيترائي تاريخي ۽ ادبي ڪتاب چوري ڪيا ويا آهن، اهڙي صورتحال سبب ادبي حلقن ۾ ڳڻتي جي لهر پکڙيل آهي، ٻئي طرف ماضي ۾ مختلف ادبي ۽ سياسي تنظيمن پاران پنهنجي مدد پاڻ تحت شاهه عبدالطيف لائبريري قائم ڪئي هئي اها به زبون ٿي تباهه ٿي وئي آهي. اتان سڄاڻ ڌرين سوين ڪتاب کڻي امانت طور شهيد بينظير لائبريري ۾ رکيا پر هاڻ اها به غير فعال ٿي وئي آهي. ٻئي پاسي لائبريري اڳيان ۽ ڀرپاسي ۾ حددخليون به وڌي ويون آهن، شهر جي سياسي سماجي اڳواڻن غلام قادر مهر، استاد راهي، فقير جاويد شيخ، سرڪش مهر، گلزيب، ارسلان جماڻي، ڪاظم سيٺار ۽ ٻين ڊي سي سي شڪارپور کان مطالبو ڪيو آهي ته شهر جي واحد شهيد بينظير ڀٽو لائبريري جي مرمت ڪرائي پڙهندڙن لاءِ سهولتون ڏنيون وڃن ته جيئن نوجوان نسل هوٽلن تي ويهڻ بدران لائبريري مان لاڀ حاصل ڪري سگهي.



Bookmark the permalink.