تازا ترين
  • اتر وزيرستان ۾ دهشتگردن خلاف آپريشن ۾ 4 دهشتگرد مارجي ويا، فائرنگ جي ڏي وٺ ۾ چار فوجي جوان شهيد*
  • *حيدرآباد ڀرسان مبينا قتل ڪيل نوجوان جي وارثن لاش شيخ ڀرڪيو روڊ تي رکي ڌرڻو*
  • *ڏهرڪي لڳ ڊاٽسن جو ٽرالر سان ٽڪر، 3 واپاري زخمي،8 ٻڪريون مري ويون*
  • *ڄامشوري مان 18 ڏينهن اڳ کنڀي گم ڪيل قومپرست اڳواڻ جاويد شورو آزاد ٿي گهر پهچي ويو*
  • *پني عاقل ويجهو خوفناڪ باهه لڳڻ سبب 4 گهر سڙي ويا، اطلاع باوجود فائر برگيڊ عملو نه پهتو*
  • *بخشاپور: روهڙي کان پٿر کڻي ايندڙ ٻه ڊمپر ڊرائيورز ۽ ڪلينر اغوا*
  • *سيراڻي ۽ ڀرپاسي وارن علائقن ۾ برسات، نانگ ۽ بلائون ٻرن مان نڪري آيون*

پ پ ليڊيز ونگ بدين ۾ سرڪاري ملازمن کي عهدا مليل هئڻ جو انڪشاف

پاپوليشن ويلفيئر کاتي ۾ ايچ ايچ وي امينا کي ضلعي جي سينيئر نائب صدر جو عهدو مليل

اميناجي ڌيءَياسمين صحت کاتي۾اسٽاف نرس هئڻ سان گڏپ پ ليڊيزونگ جي عهديدار

بدين(رپورٽ: حميد سومرو) بدين ۾ سنڌ سول سروس سرونٽ قانون جي ابتڙ سرڪاري کاتن ۾ ملازم عورتن ۽ مردن کي پيپلز پارٽي جا عهدا ڏنا ويا.پ پ ضلعي بدين لاءِ ليڊيز ونگ جي عهدن تي مقرر اڳواڻن ۾ اڪثر عورتون نه رڳو حاضر سروس سرڪاري ملازم آهن، پر اهي سرڪاري کاتن مان پگھار ۽ معاوضو پڻ وصول ڪري رهيون آهن، ضلعي جي سينيئر نائب صدر امينا ملاح پاپوليشن ويلفيئر کاتي بدين ۾ ايل ايچ وي ۽ سندس ڌيءَ ياسمين ملاح صحت کاتي بدين ۾ اسٽاف نرس آهي، جڏهن ته ضلعي اطلاعات سيڪريٽري ياسمين پٺاڻ اين سي ايچ ڊي بدين ۾ ايجوڪيشن سپر وائيزر طور ڪم ڪري رهي آهي.
سرڪاري ملازم صحافي ٿي سگهن ٿا ته پوءِ سياسي عهدا ڇو نٿا سنڀالي سگهن: رمضان چانڊيو
بدين : پ پ ضلعي صدر حاجي رمضان چانڊيو پنهنجي اخبار کي ٻڌايو ته ڪي به اختلاف نه آهن، سڀ معاملا ٺيڪ ٿي ويندا، سرڪاري ملازم عورتن کي عهدا ڏيڻ واري سوال جي جواب ۾ هن چيو ته ڪيترائي سرڪاري ماستر جيڪي صحافي ٿي ويٺا آهن، انهن کي ڇو ته هٽايو وڃي، هي به سرڪار جو معاملو آهي سڀ ڪجھه ٺيڪ ٿي ويندو.
بلاول جي روڪڻ باوجود پارٽي جا عهدا سرڪاري ملازمن کي مليل آهن: فرحت بچل پرهياڙ جو الزام
بدين: ڪيتريون ئي اڳوڻيون عورت ڪارڪن ۽ عهديدار نئين باڊي ۾ عهدا نه ملڻ ۽ سندن ترقياتي ڪم نه ٿيڻ سبب پارٽي جي هاڻوڪي عهديدارن کان سخت ناراض آهن. اڳوڻي تعلقي ناظمه فرحت بچل پرهياڙ چيو ته پ پ چيئرمين بلاول ڀٽو پاران سرڪاري ملازمن کي عهدا ڏيڻ کان روڪيو پر ان باوجود عورت عهديدار سرڪاري ملازم آهن، آئون 25 سالن کان پارٽي ۾ سرگرم آهيان پر مون کي عهدو ڏيڻ بدران سرڪاري ملازم عورتن کي نوازيو ويو آهي.
آئون 10 سال اڳ رٽائرڊ ٿي وئي آهيان: امينا ملاح
بدين : پ پ ليڊيز ونگ ضلعي جي جنرل سيڪريٽري ساجده ٽالپر سرڪاري ملازم هئڻ واري الزام جي ترديد ڪندي چيو ته پارتي سان اختلاف آهن، جيڪا وڏي ڳالهه ناهي. سينيئر نائب صدرامينا ملاح جو چوڻ ته آئون 10 سال اڳ رٽائرڊ ٿي وئي آهيان، هن وقت ملازم نه آهيان، جڏهن ته ان بابت کاتي جي ڪلارڪ اصغر نوتڪاڻي سان رابطو ڪيوويو ته ان امينا ملاح جي بيان جي ترديد ڪندي چيوته امينا ملاح اسان وٽ بطور ايل ايچ وِي ڪم ڪري سرڪاري پگھار کڻي رهي آهي، جڏهن ته ضلعي جي اطلاعات سيڪريٽري ياسمين پٺاڻ پڻ تصديق ڪئي ته هو اين سي ايچ ڊي ۾ ايجوڪيشن سپر وائزر آهي.

Bookmark the permalink.