تازا ترين
  • ڪراچي: سنڌ جي مختلف علائقن ۾ روڊ حادثن دوران هڪ ڄڻو فوت، ماءُ ۽ پٽ سميت 8 ڄڻا زخمي * سنڌڙي جي علائقي ھڱورنو وٽ اوور لوڊ هئڻ سبب رڪشا ڪلٽي، ڳوٺ مراد علي پھوڙ واسي پورھيت ناريو ڪولھي فوت * ٽنڊو محمد خان-بدين روڊ تي ٻارڻ اسٽاپ ويجهو تيز رفتار ڪار جو ٽڪر لڳڻ سبب موٽر سائيڪل سوار ٻه نوجوان محمد عامر ۽ ذوالقرنين سخت زخمي * دولتپور صفن ڀرسان قومي شاهراهه تي ٽرالر جي ٽڪر ۾ موٽر سائيڪل سوار نوجوان رضا حسين ۽ سندس امڙ زينب خاتون زخمي * شاھپورچاڪر ڀرسان ٻن موٽر سائيڪلز ۾ ٽڪر سبب پيرسن عورت ۽ ٻار سميت 4 ڄڻا سخت زخمي *
  • *مٺي: 12 ورهين جي نينگر مبينا طور معمولي ڳالهه تان گهروارن سان ناراض ٿي ڦاهو کائي آپگهات ڪري ڇڏيو * ڳوٺ ڦل ترائي ۾ نينگر مهيش ڀيل مبينا ڦاهو کائي زندگي جو ڏيئو اجهائي ڇڏيو *
  • *ڦلهڏيون ۾ رورل هيلٿ سينٽر تي ڪورونا وائرس کان بچاءُ واريون سهولتون نه ملڻ خلاف ڊاڪٽرز ۽ پي ايم اي طرفان احتجاج*
  • *خيرپور ۾ ملڪيت جي معاملي تان وڏي ڀاءُ هٿان ننڍو ڀاءُ قتل، جوابدار گرفتار*
  • * راڌڻ: روزاني پنھنجي اخبار نئون ڳوٺ جي رپورٽر خورشيد لاکير تي تشدد ڪندڙ ايس ايڇ او بھرام پنھور خلاف ڪيس داخل *
  • *اسلام ڪوٽ: ڪورونا وائرس پکڙجڻ جي خدشي سبب ڪراچي ۾ فوت ٿيل ڪائونسلر جي گهرن کي پوليس پاران ڪڙو، شهر به بند * گذريل ڏينهن فوتي ڪائونسلر آڪاش منجياڻي جي وارثن اسلام ڪوٽ پهچي غريب شهرين ۾ امدادي سامان ورهايو هو * اسلام ڪوٽ: انتظاميا کي فوتي ۽ سندس گهرڀاتين جي ڪورونا وائرس بابت رپورٽ جو انتظار، رپورٽ اڄ شام ملڻ جو امڪان *
  • *پوري دنيا ۾ ڪورونا وائرس سبب هن وقت تائين 42 هزار کان وڌيڪ ماڻهو حياتيون وڃائي چڪا، متاثرن جو انگ 8 لک کان وڌيڪ ٿي ويو*
  • *سنڌ ۾ لاڪ ڊائون کي 10 ڏينهن ٿي ويا: ڪراچي، حيدرآباد، سکر، لاڙڪاڻو ۽ بينظير آباد ڊويزن سوڌو ننڍن وڏن شهرن ۾ڪاروبار بند*
  • *هن وقت تائين وائرس سبب پنجاب ۾ 9، سنڌ ۾ 8، ڪي پي ۾ 6، بلوچستان ۾ هڪ ۽ گلگلت بلتستان ۾ 2 ڄڻا فوت ٿي چڪا*
  • *ڪورونا وائرس: ملڪ ۾ متاثرن جو انگ 2040 ٿي ويو*
  • *پنوعاقل: ڳوٺ هادي بخش ۾ چورن هٿان ڀاڳيو قتل، 4 گهرڀاتي زخمي، ڳوٺاڻن پاران هڪ چور مبينا طور پوليس حوالي * نوراجا لڳ ڳوٺ ۾ 4مبينا چورن مزاحمت تي عبدالطيف ڀٽو کي گوليون هڻي قتل ڪري ڇڏيو * ايس ايڇ او بائيجي ٿاڻو پاران ڪو به چور حوالي ٿيڻ کان انڪار، ڳوٺاڻن جو احتجاج*
  • *ڪورونا وائرس سبب پوري دنيا ۾ فوتين جو انگ 42 هزار کان وڌيڪ ٿي ويو * عالمي وبا جي ڪري معاشي صورتحال تمام گهڻي خراب ٿي رهي آهي:ورلڊ بينڪ *ڪورونا وائرس سبب پوري دنيا متاثر، فوتين جي انگ ۾ وڌيڪ واڌ جو خدشو *

پ پ سانگھڙ جو تعلقي صدر ۽ ساٿي قتل ڪيس مان بري

سانگهڙ. (رپورٽ:اشفاق سلهري ) پيپلزپارٽي جي تعلقي صدر، مارڪيٽ ڪميٽي جي اڳوڻي چيئرمين ممتاز شاھ ۽ ان جو ساٿي الياس قتل جي ڪيس کان بري ٿي ويا. 2018ع ۾ پاڻي جي تڪرار تان راڄڙ ۽ شاھ برادري جي وچ ۾ جهيڙو ٿي پيو هو، جنهن ۾ ٻنهي پاسي پنج کان وڌيڪ ماڻهو زخمي ٿي پيا هئا ۽ الياس راڄڙ مارجي ويو هو، جنهن جو ڪيس پيرومل ٿاڻي تي الياس راڄڙ جي پٽ محمد علي راڄڙ، ممتاز شاھ، علي شاھ، فيض محمد ڪنڍاڻي ۽ دل مراد تي ڪيس داخل ڪرايو هو. اهو ڪيس ايڊيشنل سول جج ون ۽ بعد ۾ ٽو وٽ هلي رهيو هو، ڪيس ۾ نامزد ڀنڀرا ڀائر پيرومل ۾ نامعلوم ماڻهن جي فائرنگ ۾ قتل ٿي ويا هئا، جنهن جو الزام محمد علي سميت ٻين تي لڳو هو. مخدوم جميل زمان ۽ پير صاحب پاڳاري جي جماعت سان واسطو رکندڙ مريدن جي وچ ۾ ڪيترائي ڀيرا ٺاهه جي ڪوشش ڪئي وئي، ڪجهه ڏينهن اڳ مخدوم جميل زمان ڀنڀرا ڀائرن جي فاتحه لاءِ به پهتو هو، 2 فيبروري کان اهو ڪيس ماڊل ڪورٽ ۾ منتقل ٿي ويو، جنهن جو آخري فيصلو 16 مارچ تي رکيو ويو هو پر اهو ڪالهه ٻڌايو ويو ۽ ممتاز شاھ ۽ ان جي ساٿين خلاف ڪيس خارج ڪيو ويو. ممتاز شاھ جو وڪيل طارق محبوب هو.

Bookmark the permalink.