تازا ترين
  • ڪراچي جي مختلف علائقن ۾ هلڪي ۽ تيز برسات، موسم خوشگوار*سُپر هاءِ وي، نارٿ ڪراچي، ڊفينس ۽ ڪلفٽن سوڌو ڀرپاسي ۾ وسڪارو* برسات کانپوءِ هيٺائين علائقن ۾ پاڻي بيهڻ شروع، انتظاميه الرٽ*
  • سنڌ ۽ بلوچستان جي ساحلي پٽيءَ تي گجگوڙ سان برسات جو امڪان، شهري ٻوڏ جو خطرو، وڏي وزير چونڊيل نمائندن جي ڊيوٽي لڳائي ڇڏي*برسات دوران سنڌ ۽ مڪران جي ساحل تي سامونڊي ويرون طوفان جيان هونديون: موسميات کاتو*صوبائي وزير ناصر شاهه جي ڪي ايم سي، ڊي ايم سيز، واٽر بورڊ، واسا ۽ ٻين لاڳاپيل ادارن کي متحرڪ رهڻ جي هدايت*

پوليس ۽ ڏوهارين ۾ جرڳو، اهلڪارن تي جڙتو مقابلي ۾ همراهه کي مارڻ جو ڏوهه ثابت، 25 لک ڏنڊ

مقابلي ۾ عبدالغني جي مارجڻ ۽ چئن ڄڻن جي زخمي ٿيڻ واري معاملي جو جرڳو ڪيو ويو

جرڳو چڱن مڙسن سجاد سومرو، وڏيرو عبدالغني مهر ۽ در محمد مهر جي سرپئنچي ۾ ڪيو ويو

چڪ (رپورٽ: آزاد انور مهر) چڪ لڳ ڪچي واري علائقي ۾ پوليس مقابلي ۾ مارجي ويل ڏوهاري جو جرڳو، پوليس اهلڪارن مٿان 25 لک روپيا ڏنڊ، ٺاهه بعد اهلڪار بدنام ڌاڙيل خلاف شاهديون ڦيرائيندا. خبر موجب محمود آباغ ٿاڻي جي حد ۾ ساڍا چار سال اڳ مبينا پوليس مقابلي ۾ مارجي ويل ڏوهاري عبدالغني پٽ شھزادو مهر ۽ ليمو پٽ ھزاري، منظور پٽ هزاري ۽ شھمور مهر جي زخمي ٿيڻ واري واقعي جو سومرا برادري جي چڱي مڙس سجاد بشير سومرو، وڏيرو عبدالغني مهر، محمد عثمان مهر ۽ در محمد مهر جي سرپئنچي ۾ جرڳو ڪچي واري علائقي ۾ ٿيو، جنهن ۾ پوليس اهلڪار هيڊ محرر عبدالجبار سولنگي، علي سومرو، عاشق سومرو، نواب مغل،نديم مڱڻھار ۽ ٻين مٿان ڏوهاري کي جڙتو مقابلي ۾ مارڻ جو ڏوھ ثابت ٿيو، جنهن بعد مٿن 15 لک خون جي بها، 5 لک ٽن زخمين جا ۽ پنج لک پوليس پاران ڪاهيل ڍورن ۽ ٻئي خرچ جا مقرر ڪيا ويا. ذريعن موجب جرڳي ۾ پوليس مقابلي ۾ مارجي ويل عبدالغني مهر جي مبينا پلاند ۾ ڌاڙيلن هٿان شھيد ٿيل پوليس اهلڪار پنجاب واسي اي ايس آءِ محمد ٻڌراهه ۽ ٺاروشاهه واسي هيڊ ڪانسٽيبل غلام رسول سهتو جي ڪيس ۾ نامزد ڌاڙيل منظور ڪٻرو مهر خلاف شاهديون ڦيرائڻ جو اهلڪارن کي پڻ پابند بڻايو ويو. پوليس اهلڪارن جرڳي جي فتوى قبول ڪندي ڏنڊ واري رقم مان ڏيڍ لک روپيا ٿڏي تي ادا ڪيا، جڏهن ته باقي رقم جولاءِ مهيني ۾ ادا ڪئي ويندي. جرڳي بعد ڌرين ۾ ٺاهه ٿي ويو.

Bookmark the permalink.