تازا ترين
  • لاڙڪاڻي ۾ وڌيڪ 45 ڄڻا ڪورونا جو شڪار، ضلعي ۾ وائرس سٽيلن جو انگ 265 ٿي ويو
  • ڪنڊيارو: سهڙا مائينر ۾ وهنجندي ٻه ڀائر ٻڏي ويا،هڪ جو لاش هٿ
  • *ڪنري ڀرسان نوجوان مبينا طور ڦاھو کائي آپگهات ڪري ڇڏيو *25ورهين جي گلجي ڪولھي ڦاهو کائي زندگي جو انت آندو *ڳوٺاڻن پاران پوليس کي اطلاع، واقعي جو ڪارڻ معلوم نه ٿي سگھيو *
  • *نئون ڪوٽ ۾ رورل هيلٿ سينٽر جي ٽن ملازمن سميت 4 ڄڻا ڪورونا جو شڪار *ڳوٺ چوڌري محمود واسي ٽي بي جو مريض به ڪورونا جو شڪار ٿي ويو *
  • *ڇاڇرو ۾ سنڌ سيڪريٽريٽ جي ملازم سميت 2 ڄڻا ڪورونا جو شڪار *ڪورونا متاثرن کي سندن گهرن ۾ آئيسوليٽ ڪيو ويو*
  • *شيخ ڀرڪيو ۾ بي ايڇ يو سينٽر جا 6 ملازم ڪورونا جو شڪار، او پي ڊي بند *ٽن ليڊي هيلٿ ورڪرز سميت 6ڄڻن کي ڪورونا جي تصديق بعد گهرن ۾ آئيسوليٽ ڪيو ويو *
  • *جهول ڀرسان 10 ورهين جي نينگري مرگهي جو دورو پوڻ سبب واهه ۾ ڪري ٻڏي فوت*
  • *احمدپور ويجهو نامعلوم شرپسند زميندار جي هڪ ايڪڙ تي بيٺل ڪيلن جو باغ وڍي فرار *ڪيلن جو باغ وڍي لکين روپين جو نقصان پهچايو ويو: راجا ارباب سنديلو *
  • *ڳڙهي خيرو ويجهو نوجوان بيماريءَ کان تنگ اچي مبينا آپگهات ڪري ڇڏيو *ڳوٺ مھيندرو ڪٽوھر واسي امداد علي ڪٽوهر پاڻ تي بندوق جو فائر ڪري مبينا آپگهات ڪيو *
  • *ٻيلو شھر ۾ صحت مرڪز جا 3ملازم ڪورونا جو شڪار، متاثرن جو انگ 8 ٿي ويو *صحت مرڪز جي 9 ملازمن مان ٽن جي ٽيسٽ رپورٽ پازيٽو اچي وئي*
  • *عمرڪوٽ: بيواهه راحيلا راجپوت کي ساهرن پاران تشدد ڪري گهران ڪڍڻ وارو ماملو، ايس ايس پي جو نوٽيس *بيواهه راحيلا راجپوت جي فرياد تي ڪيس داخل *ڪيس ۾ زيب النسا عرف بلو، اسامه منصور ۽ سندس زال شائسته جوابدار نامزد *
  • *پيرجوڳوٺ: پريالوءِ اسپتال جي 12ملازمن ۾ڪورونا جي تصديق *تعلقي ڪنگري ۾ ڪورونا متاثرن جو انگ 65 ٿي ويو*
  • *سنجهورو ۾ ڪورونا جا وڌيڪ 11ڪيس ظاهر، متاثرن جو انگ 31 ٿي ويو *ڪورونا متاثرن ۾ صحت کاتي جا 8 ملازم به شامل*
  • *بدين ۾برسات بعد بند ٿيل بجلي 12 ڪلاڪن کان بحال نه ٿي، رهواسي تڪليفن جو شڪار *نندو،کوسڪي، شادي لارج جي سوين ڳوٺن جي بجلي بند، رهواسي سخت گرمي سبب بيحال *سخت گرمي ۾بجلي بندش سبب سخت پريشان آهيون، بجلي بحال ڪرائي وڃي: رهواسي *

“پهرين حصي مان ڪٽيل 7 ارب ڏيو” سنڌ سرڪار وفاق لاءِ ٽيڪس اوڳاڙڻ کان انڪار ڪري ڇڏيو

ڪراچي (رپورٽ: دودو چانڊيو) “پهرين حصي مان ڪٽيل 7 ارب ڏيو” سنڌ سرڪار وفاق لاءِ ٽيڪس اوڳاڙڻ کان انڪار ڪري ڇڏيو. سنڌ جي وڏي وزير سيد مراد علي شاهه اعلان ڪندي چيو آهي ته سنڌ سرڪار وفاق لاءِ صوبي مان ود هولڊنگ ٽيڪس وصول نه ڪندي، وفاق لاءِ ٽيڪس به اوڳاڙيون ۽ مٿان وري چيو پيو وڃي ته انڪم ٽيڪس جمع ڪرايو وڃي. سنڌ اسيمبلي ۾ ڏنل بيان ۽ هڪ خانگي ٽي وي چينل سان ڳالهائيندي وڏي وزير چيو ته آئين صوبن کي اجازت ٿو ڏئي ته هو ود هولڊنگ ٽيڪس جيڪڏهن وصول نه ڪرڻ چاهين ته اها سندن مرضي آهي. سنڌ سرڪار ٽيڪس وصول ڪري وفاق کي ڏيندي هئي پر وفاقي سرڪار ڪافي سال پهرين سنڌ جي حصي مان سڌي ريت 7 ارب رپيا اهو چئي ڪٽي ڇڏيا ته سنڌ ٽيڪس اوڳاڙي صحيح نه ڪئي آهي، سنڌ سرڪار ان سلسلي ۾ ڪافي ڀيرا وفاق کي خط به لکيو پر وفاقي سرڪار ان جو ڪو به جواب نه ڏنو، سنڌ سرڪار ۽ وفاق وچ ۾ ان ٽيڪس معاملي تي نواز شريف جي دور کان وٺي اختلاف هلندڙ آهن. سنڌ ڪابينا گذريل اجلاس ۾ اهو فيصلو ڪيو هو ته ود هولڊنگ ٽيڪس ايندڙ مالي سال کان سنڌ وصول نه ڪندي. فيبروري 2020 ۾ سنڌ سرڪار لکت ۾ وفاق کي اهڙي آگاهي ڏئي ڇڏي هئي ته جولاءِ کانپوءِ ٽيڪس اسان وصول نه ڪنداسين. هن چيو ته مون سي سي آءِ سميت سمورن فورمن تي اهو معاملو کنيو پر اسان جي نه ٻڌي وئي، اسان وفاق کي لکيو هو ته جيستائين سنڌ جا ڪٽوتي ٿيل 7 ارب رپيا واپس نه ٿا موٽايو تيستائين اسان ود هولڊنگ ٽيڪس وصول نه ڪنداسين ۽ مون ان سلسلي ۾ ڪالهه به وفاق کي خط لکيو آهي، اسان آئين ۾ مليلن اختيارن تحت اهو فيصلو ڪيو آهي ته وفاق لاءِ ود هولڊنگ ٽيڪس وصول نه ڪنداسين. ان سلسلي ۾ رابطو ڪرڻ تي ايڪسائيز ۽ ٽيڪسيشن واري صوبائي وزير مڪيش ڪمار چاولا چيو ته ود هولڊنگ ٽيڪس سنڌ گڏ ڪري وفاق کي ڏيندي رهي آهي پر جڏهن وفاق سنڌ پاران ڪيل وصولين تي بي اعتمادي جو اظهار ڪيو ۽ سنڌ جي حصي مان 7 ارب رپيا ڪٽي ڇڏيا ته ان کانپوءِ مجبور ٿي سنڌ سرڪار اهو فيصلو ڪيو آهي ته هاڻي ٽيڪسن جي وصولي اسان نه ڪنداسين.

Bookmark the permalink.