تازا ترين
  • ميرپور خاص واقعي جي جاچ شروع: ڊي جي هيلٿ جي سفارش باوجود ايم ايس معطل نه ٿيو: پي ٽي آءِ ايم پي ايز ڪيس داخل ڪرائڻ لاءِ ٿاڻي تي پهتل*ڊي سي طرفان جُڙيل ڪميٽي اسپتال انتظاميا جا بيان رڪارڊ ڪيا، ڊي جي هيلٿ جاچ دوران ايم ايس کي هٽائڻ جي سفارش ڪئي، اُن تي عمل نه ٿيو*اسپتال انتظاميا طرفان ايمبولينس نه ڏيڻ کانپوءِ ٻارڙي جو لاش موٽر سائيڪل تي نيو پئي ويو ته حادثو پيش آيو، جنهن ۾ وڌيڪ 2 ڄڻا فوت ٿيا*
  • ڪراچي ۾ مظاهرو ڪندڙ هيڊ ماسترز تي پوليس ڪڙڪي پئي*مرد ۽ عورت هيڊ ماسترز سي ايم هائوس ڏانهن وڌڻ جي ڪوشش ڪئي، پوليس جي لٺبازي، چڪريون*
  • ميرپور خاص واقعي ۾ ذميوارن خلاف ڪارروائي ٿيندي: وڏو وزير*بلاول ڀٽو جي سخت موقف کانپوءِ سنڌ ورهائڻ جون ڳالهيون ڪندڙ معافيون گهري رهيا آهن: مراد علي شاهه *
  • شهدادڪوٽ پوليس طرفان مبينا مقابلي ۾ هاف فراءِ ڪيل نوجوان اسپتال ۾ فوت: وارثن جو لاش رکي ڌرڻو: مقابلو ڪوڙو قرار ۽ جاچ جو مطالبو*شهدادڪوٽ پوليس 15 ڏينهن اڳ مبينا مقابلي ۾ نوجوان طارق ڌاريجو کي زخمي ڪيو، چانڊڪا اسپتال ۾ نوجوان زخمن جا سور نه سهندي فوت*طارق شهدادڪوٽ سامان وٺڻ ويو ته پوليس مخالفن جي چوڻ تي کيس گرفتار ڪيو (وارث) مٿس 15 مختلف ڪيس داخل ٿيل آهن: پوليس *
  • غوثپور جا2نوجوان عورتاڻي آواز ۾ هرکجي اغوا ٿيڻ کان بچي ويا*نوجوان لياقت ۽ محمد عثمان دستي شاديءَ جي ڏٽي ۾ ڪچي طرف وڃي رهيا هئا ته پوليس کين روڪيو*
  • *ڪراچي ۾ آرٽيڪل 149 لاڳو ڪرڻ ۽ فروغ نسيم خلاف مختلف شهرن ۾ مظاهرا ۽ ريليون*
  • *لمس ۽ چانڊڪا ۾ ميڊيڪل جي داخلا لاءِ انٽري ٽيسٽ ورتي پئي وڃي*
  • *ميهڙ ڀرسان ٻن موٽرسائيڪلن ۾ ٽڪر: 3 سڳا ڀائر زخمي*

پاڻمرادي نوٽيس وارو مسئلو سدائين لاءِ حل ڪنداسين،اهو اختيار رڳو قومي اهميت جي معاملن ۾ استعمال ٿيندو: چيف جسٽس

سول سوسائٽي جو هڪ طبقو جڊيشل ايڪٽوزم ۾ عدم دلچسپي تي خوش نه آهي

فل ڪورٽ جي ايندڙ اجلاس ۾ سو موٽو اختيار جي استعمال بابت مسودو تيار ڪيو ويندو

اسلام آباد (بيورو رپورٽ) چيف جسٽس آف پاڪستان جسٽس آصف سعيد کوسه چيو آهي ته سول سوسائٽي جو هڪ طبقو جڊيشل ايڪٽوزم ۾ عدم دلچسپي تي ناخوش آهي، پاڻمرادو نوٽيس وٺڻ وارو اختيار قومي معاملن تي استعمال ڪيو ويندو ۽ هن مسئلي کي هڪ ڀيرو سدائين لاءِ حل ڪيو ويندو.
سُپريم ڪورٽ ۾ نئين عدالتي سال جي شروعات جي حوالي سان تقريب ٿي، جنهن کي خطاب ڪندي چيف جسٽس آصف سعيد کوسه چيو ته کيس ڀلي ڀت ڄاڻ آهي ته سول سوسائٽي جو هڪ طبقو جڊيشل ايڪٽوزم ۾ عدم دلچسپي تي ناخوش آهي. اُهو ئي طبقو ڪجهه مهينا اڳ جڊيشل ايڪٽوزم تي تنقيد ڪري رهيو هو. چيف جسٽس چيو ته اسان سمجهون ٿا ته سو موٽو تي عدالت طرفان پاسو ڪرڻ وڌيڪ محفوظ ۽ گهٽ نقصانڪار آهي. معاشري جو اُهو طبقو ڪجهه ماڻهن جي مطالبي تي پاڻمرادو نوٽيس وٺڻ کي ساراهيندو آهي. اسان آئين ۽ قانون پٽاندڙ پنهنجو ڪردار ادا ڪرڻ واري عزم تي قائم آهيون. عدالتي عمل ۾ دلچسپي رکندڙ درخواستون داخل ڪرائين، اُنهن تي فيصلو ٿيندو.
خطاب دوران چيف جسٽس آف پاڪستان چيو ته پنهنجي تقرير ۾ چئي چڪو آهيان ته سو موٽو (پاڻمرادي نوٽيس) وارو اختيار قومي اهميت جي معاملن تي استعمال ڪيو ويندو، جيڪو ڪنهن جي مطالبي تي ورتو وڃي، اُهو سو موٽو نوٽيس نه هوندو آهي. جڏهن ضرورت پئي ته عدالت پاڻمرادو نوٽيس وٺندي. سُپريم ڪورٽ جڊيشل ايڪٽوزم بدران عملي طور جڊيشلزم کي هٿي ڏئي رهي آهي. پنهنجي گهر کي صحيح ڪرڻ جو فيصلو ڪيو آهي. پاڻمرادي نوٽيس جي استعمال جي حوالي سان فل ڪورٽ جي ايندڙ اجلاس ۾ مسودو تيار ڪيو ويندو. هن مسئلي کي هڪ دفعو سدائين لاءِ حل ڪيو ويندو.

Bookmark the permalink.