تازا ترين
  • اتر وزيرستان ۾ دهشتگردن خلاف آپريشن ۾ 4 دهشتگرد مارجي ويا، فائرنگ جي ڏي وٺ ۾ چار فوجي جوان شهيد*
  • *حيدرآباد ڀرسان مبينا قتل ڪيل نوجوان جي وارثن لاش شيخ ڀرڪيو روڊ تي رکي ڌرڻو*
  • *ڏهرڪي لڳ ڊاٽسن جو ٽرالر سان ٽڪر، 3 واپاري زخمي،8 ٻڪريون مري ويون*
  • *ڄامشوري مان 18 ڏينهن اڳ کنڀي گم ڪيل قومپرست اڳواڻ جاويد شورو آزاد ٿي گهر پهچي ويو*
  • *پني عاقل ويجهو خوفناڪ باهه لڳڻ سبب 4 گهر سڙي ويا، اطلاع باوجود فائر برگيڊ عملو نه پهتو*
  • *بخشاپور: روهڙي کان پٿر کڻي ايندڙ ٻه ڊمپر ڊرائيورز ۽ ڪلينر اغوا*
  • *سيراڻي ۽ ڀرپاسي وارن علائقن ۾ برسات، نانگ ۽ بلائون ٻرن مان نڪري آيون*

ٽنڊو ڄام يونيورسٽي جي رٽائرڊ ملازمن جو پينشن لاءِ احتجاج

ٽنڊوڄام (ن پ ا ) سنڌ زرعي يونيورسٽي جي رٽائرڊ پروفيسر، آفيسر ۽ ملازمن کي رهتون ادا نه ٿيون، احتجاجي تحريڪ ٻئينهفتي ۾ داخل ٿي وئي. سائوٽا جي اڳوڻي صدر سريش ڪمار پروفيسر علي نواز ميراڻي، پروفيسر ولي محمد ڀٽي، ڪرم علي پنو، علي نواز شاهاڻي ۽ ٻين ڪئي، هنن چيو ته ٽي تاريخ گذرڻ باوجود به ريگيولر ملازمن کي پگهارون ناهن ٿيون ته اسان کي ڪٿان رهتون ادا ڪيون وينديون . اڳواڻن مطالبو ڪيو ته فوري طور زرعي يونيورسٽي جي وائيس چانسلر ڊاڪٽر مجيب صحرائي ۽ ڊائريڪٽر فنانس انيل ڪمار کي هٽائي، زرعي يونيورسٽي جي سمورن آڪائونٽس جي نيب کان جانچ ڪرائي وڃي ته خبر پئجي ويندي ته مالي بحران ڪيئن ٿيو، سنڌ زرعي يونيورسٽي مان رٽائر ڪري ويندڙ پنهنجي وقت جي سينئر پروفيسرس، آفيسرس ۽ ملازمن پاران کين تازي سالياني بجيٽ ۾ وڌايل 15 سيڪڙو پينشن، 2013 ۾ وڌيل پگهار جي اڍائي سيڪڙو ڊفرنس، شفٽنگ الائونس نه ڏيڻ ۽ پنهنجي عمر جا 60 سال مڪمل ٿيڻ بعد رٽائر ٿيندڙ استادن، آفيسرن ۽ ملازمن کي قسطن ۾ گريجوئٽي ڏيڻ خلاف اي ايم شيخ آڊيٽوريم هال کان وائيس چانسلر سيڪريٽريٽ تائين ريلي ڪڍڻ بعد علامتي بک هڙتال ڪئي، هنن الزام هنيو ته يونيورسٽي ۾ ڪرپشن ۽ غلط پلاننگ جي ڪري ڪروڙين روپين جي خساري ۾ هلي ويئي هن چتاءُ ڏنو ته هلندڙ هفتي رهتون ادا نه ڪيو ويو ته احتجاج تحريڪ جي ٻي مرحلي جو آغاز ڪيو ويندو

Bookmark the permalink.