تازا ترين
  • ڪراچي جي مختلف علائقن ۾ هلڪي ۽ تيز برسات، موسم خوشگوار*سُپر هاءِ وي، نارٿ ڪراچي، ڊفينس ۽ ڪلفٽن سوڌو ڀرپاسي ۾ وسڪارو* برسات کانپوءِ هيٺائين علائقن ۾ پاڻي بيهڻ شروع، انتظاميه الرٽ*
  • سنڌ ۽ بلوچستان جي ساحلي پٽيءَ تي گجگوڙ سان برسات جو امڪان، شهري ٻوڏ جو خطرو، وڏي وزير چونڊيل نمائندن جي ڊيوٽي لڳائي ڇڏي*برسات دوران سنڌ ۽ مڪران جي ساحل تي سامونڊي ويرون طوفان جيان هونديون: موسميات کاتو*صوبائي وزير ناصر شاهه جي ڪي ايم سي، ڊي ايم سيز، واٽر بورڊ، واسا ۽ ٻين لاڳاپيل ادارن کي متحرڪ رهڻ جي هدايت*

ٽنڊو محمد خان ۾ ڪورونا وائرس جا وڌيڪ 2 ڪيسز سامهون اچڻ کانپوءِ انگ 21 ٿي ويو

ٽنڊو محمدخان (ن پ ا) ٽنڊو محمد خان ۾ ڪورونا وائرس جا وڌيڪ 2 ڪيسز سامهون اچڻ کانپوءِ انگ 21 ٿي ويو، ميهڙ تعلقي ۾ به تبليغي جماعت جي 6 ڄڻن کي ڪورونا جي تصديق ٿيڻ تي کين آئيسوليشن وارڊ منتقل ڪيو ويو آهي. ڊي ايڇ او ٽنڊو محمد خان ڊاڪٽر يوسف جهيجو جو چوڻ آهي ته ڪورونا وائرس جا وڌيڪ 2 ڪيسز سامهون اچڻ کانپوءِ شهر ۾ مريضن جو انگ وڌي 21 ٿي ويو. ڊاڪٽر يوسف جهيجو موجب ڪورونا متاثرن ۾ڊسٽرڪٽ اسپتال جو اڳوڻو ايم ايس ۽ اڳوڻي ڊي ايڇ او جي پُٽ ۾ به ڪورونا جي تصديق ٿي آهي. ڊي ايڇ او موجب ٻنهي متاثر مريضن کي سول اسپتال جي آئيسوليشن وارڊ منتقل ڪيو ويو ، جتي ڪورونا مريضن جو انگ 21 ٿي ويو آهي. ٻئي پاسي ميهڙ تعلقي ۾تبليغي جماعت جي 6 ڄڻن ۾ڪورونا وائرس جي تصديق ٿيڻ کانپوءِ شهر جا مک لنگهه بند ڪيا ويا آهن. ڊي ايڇ او دادو ڊاڪٽر زاهد ڏاوڇ جو چوڻ آهي ته فريد آباد ۽ راڌڻ جي مختلف مسجدن ۾ ترسيل 6 تبليغين ۾ ڪورونا وائرس تصديق ٿي آهي. ڊاڪٽر زاهد ڏاوڇ موجب متاثر مريضن کي دادو اسپتال منتقل ڪري کين آئيسوليشن وارڊ ۾ داخل ڪيو ويو آهي. ڊي ايڇ او موجب ميهڙ تعلقي جي مختلف شهرن ۾ ترسيل تبليغ جماعت جي 97 ڄڻن کي صحتياب قرار ڏئي کين بسن ذريعي خيبرپختونخوا روانو ڪيو ويو آهي. ميهڙ تعلقي ۾ تبليغي جماعت جي 6 ڄڻن ۾ڪورونا وائرس جي تصديق ٿيڻ کان پوءِ پوليس شهر مک روڊ رستا بند ڪري رڪاوٽون وجهي ڇڏيون آهن..

Bookmark the permalink.