تازا ترين
  • *گمبٽ: ٽريڪٽر ٽرالي جو موٽرسائيڪل کي ٽڪر: عورت مجاهدان شيخ فوت، نينگري جويه شيخ سميت 3 زخمي*
  • *روهڙي: بيماري ۽ بي روزگاري کان تنگ اچي نوجوان 30 ورهين جي سيد منصور حسين پٽ غلام شاھ درياهه ۾ ٽپو ڏئي ڇڏيو*
  • *لاڙڪاڻو: رتوديرو ڀرسان راولپنڊي واسڻ عورت لاوارث حالت ۾ هٿ، ٽرسٽ حوالي*
  • *ڪنڌڪوٽ واسي نوجوان غلام مصطفيٰ پٽ پير بخش گولو جي اغوا جي تصديق، وارثن سان فون تي رابطو، بازيابي لاءِ ڪوششون وٺڻ تي زور * ڪنڌڪوٽ: مغوي نوجوان غلام مصطفيٰ گولو پنهنجي چاچي کي فون ڪري اغوا بابت ٻڌايو * ڪنڌڪوٽ: نوجوان 15 ڏينهن اڳ عورتاڻي آواز تي هرکجي ڪنڌڪوٽ ڀرسان کنڀجي ويو هو *
  • *لکي غلام شاهه ويجهو اسڪول ۾ شاگردياڻي زيبا ڌيءُ استاد جاويد علي ڪلوڙ بيهوش، اسپتال ۾ دم ڏئي ڇڏيو*
  • *تنگواڻي ويجهو چوري دوران هٿياربندن هٿان مارجي ويل نوجوان جي خون جو جرڳو: 27 لک رپيا ڏنڊ، ڌريون کير کنڊ * تنگواڻي: سردار محبوب خان بجاراڻي جي سرپئنچي ۾ جرڳو، شاهه محمد جعفري تي الزام ثابت * تنگواڻي: جوابدار ڌر ڏنڊ جي رقم مان 2 لک رپيا ادا ڪري ڇڏيا، رهيل رقم ٽن قسطن ۾ ادا ڪندي *
  • چيف جسٽس طرفان پي آءِ سي ۾ هنگامن تي افسوس جو اظهار*وڪيل ۽ ڊاڪٽرز معتبر پيشا آهن، اُميد ته مستقبل ۾ به وري نه ٿيندو: چيف جسٽس آصف سعيد کوسه*
  • نواز ليگ اڳواڻ احسن اقبال کي سوڙهو ڪرڻ جون تياريون: نيب جا نارووال ۾ ڇاپا*
  • اٽارني جنرل انور منصور کي هٽائڻ لاءِ سُپريم ڪورٽ ۾ درخواست*انور منصور جي عمر 65 سالن کان وڌيڪ آهي: درخوست ۾ صدر، وزيراعظم ۽ ٻين کي ڌُر بڻايو ويو *

ٽنڊو محمد خان ۾ عوام کي پاڻي، صحت، تعليم ۽ روڊن جي سهولت نه ملي، انتظاميا ناڪام

حيدرآباد ضلعي کي اپريل 2005ع ۾ورهائي ٽنڊو محمد خان کي ضلعو بڻايو ويو

شهر جي 3 لک آبادي پيئڻ جي صاف پاڻي کان محروم، سرڪار پيئڻ جي پاڻي جي رٿابندي نه ڪئي

ٽنڊو محمد خان : ٽنڊو محمد خان ضلعي جي ٺهڻ کي 14 سال گذرڻ باوجود شهرين کي پيئڻ جي پاڻي، صحت، تعليم، روڊن جي سهولت نه ملي سگهي آهي، گندگي ۽ حددخلين سبب شهري عذاب ڀوڳڻ تي مجبور آهن. پنهنجي اخبار جي ڪيل سروي رپورٽ موجب حيدرآباد ضلعي کي اپريل 2005ع ۾ورهائي ٽنڊو محمد خان کي ضلعو بڻايو ويو، حڪومتون تبديل ٿيڻ ۽ 14 سال گذرڻ باوجود ٽنڊو محمد خان مسئلن جي انبار ۾ ڦاٿل آهي، عوام جا بنيادي مسئلا حل نه ٿي سگهيا آهن، ٽنڊو محمد خان جي 3 لک آبادي پيئڻ جي صاف پاڻي کان محروم آهي، ضلعي حڪومت پيئڻ جي صاف پاڻي جي رٿابندي نه ڪري سگهيون، ڊرينيج سسٽم 50 سال اڳ جو هئڻ ڪري مڪمل طور تي ناڪاره بڻجي چڪو آهي، شهر جي مختلف علائقن سومرا محلا، ٽالپور ڪالوني، دولهه جو پڙ، بهراڻي پاڙو، پيپلز ڪالوني، شوڪت ڪالوني، گلشن فيز ڪالوني سميت 19 وارڊن اندر گندگي جا ڍير لڳل آهن. جڏهن ته ڊرينيج جي ناڪاره هئڻ ڪري ڄاڻايل علائقن اندر گهٽين ۾ پاڻي بيهڻ سبب شهرين ڏکيائي جو شڪار آهن. ضلعي ۾ 45 ڪروڙ روپين جي لاڳت سان سول اسپتال تعمير ڪئي وئي، اسپتال جي او پي ڊي ۾ روزانو 300 کان وڌيڪ مريض اچن ٿا پر انهن کي علاج جي بهترين سهولت توڙي دوائون فراهم نه ٿيون ڪيون وڃن، اسپتال ۾ ڪتي جي چڪ ۽ نانگ جي ڏنگ کان بچاءُ جي ويڪسين پڻ اڻلڀ آهن، اسپتال ۾ ڪيترائي شعبا بند پيل آهن ۽ سرجن نه هئڻ جي برابر آهن، اسپتال ۾ مقرر 30 کان وڌيڪ ڊاڪٽر گم آهن ۽ هڪ ڊاڪٽر دبئي ۾ رهائش اختيار ڪرڻ جا اطلاع آهن، جنهن جو پگهار هر مهيني اسپتال مان جاري ٿي رهيو آهي. سول اسپتال ۾ سرجن ڊاڪٽر نه هئڻ سبب آپريشن نه ٿا ٿين، صرف ليڊي ڊاڪٽرياڻيون ڳورهاري عورتن جا آپريشن ڪن ٿيون. ضلعي ۾ تعليمي صورتحال خراب آهي، 2 سو کان وڌيڪ اسڪول بند پيل آهن، ڪيترن ئي اسڪولن ۾ سهولتون اڻلڀ آهن. فرنيچر جي کوٽ، ڇتين ۽ ديوارن جا چاپڙ ڪرڻ روزانو جو معمول بڻجي ويو آهي. ٽنڊو محمد خان شهر سميت ضلعي جي ٽنهي تعلقن ٽنڊو محمد خان، بلڙي شاهه ڪريم ۽ ٽنڊو غلام حيدر جا 50 کان وڌيڪ جي سرڪاري اسڪولن جو ڪم ٺيڪيدار اڌ ۾ ڇڏي ويا آهن، ضلعي ۾ سوين ٻارڙا تعليم جي زيور کان محروم آهن. ايجوڪيشن ورڪس کاتي جي ايڪسين انعام الله قريشي ٻڌايو ته ايم پي اي جي اسڪيم مان هيل تائين ڪابه اسڪيم موجود نه آهي جڏهن ته نان اي ڊي پي فنڊ روائيز رڪجڻ سبب ضلعي اندر اسڪولن جا مرمتي ڪم اڌ ۾ رڪيل آهن جيئن ئي سنڌ سيڪريٽريٽ مان فنڊ روائيز ٿي ويندا ته جلد ڪم شروع ڪيا ويند. ٽنڊو محمد خان شهر توڙي تعلقي بلڙي شاهه ڪريم، ٽنڊو غلام حيدر ڀرپاسي جا روڊ رستا به تباهه ٿيل آهن، روڊن جي تباهي سبب عوام کي سفر ۾ گهڻي ڏکيائي ٿئي ٿي ۽ ڪجهه منٽن جو سفر ڪلاڪن ۾ طئي ٿئي ٿو.

Bookmark the permalink.