تازا ترين
  • اتر وزيرستان ۾ دهشتگردن خلاف آپريشن ۾ 4 دهشتگرد مارجي ويا، فائرنگ جي ڏي وٺ ۾ چار فوجي جوان شهيد*
  • *حيدرآباد ڀرسان مبينا قتل ڪيل نوجوان جي وارثن لاش شيخ ڀرڪيو روڊ تي رکي ڌرڻو*
  • *ڏهرڪي لڳ ڊاٽسن جو ٽرالر سان ٽڪر، 3 واپاري زخمي،8 ٻڪريون مري ويون*
  • *ڄامشوري مان 18 ڏينهن اڳ کنڀي گم ڪيل قومپرست اڳواڻ جاويد شورو آزاد ٿي گهر پهچي ويو*
  • *پني عاقل ويجهو خوفناڪ باهه لڳڻ سبب 4 گهر سڙي ويا، اطلاع باوجود فائر برگيڊ عملو نه پهتو*
  • *بخشاپور: روهڙي کان پٿر کڻي ايندڙ ٻه ڊمپر ڊرائيورز ۽ ڪلينر اغوا*
  • *سيراڻي ۽ ڀرپاسي وارن علائقن ۾ برسات، نانگ ۽ بلائون ٻرن مان نڪري آيون*

ٽنڊو غلام حيدر واسي اڍائي مهينن کان بجليءَ کان محروم: 4 ڪلاڪن تائين ڌرڻو

ٽنڊو غلام حيدر (ن پ ا) ٽنڊو غلام حيدر ۾ 200 کان مٿي ڳوٺن جي اڍائي مهينن کان بجلي بند هجڻ خلاف ڳوٺاڻن پاران سخت احتجاج ڪيو ويو، حيسڪو تلهار پاران 200 کان مٿي ڳوٺن جي اڍائي مهينن کان بجلي بند ڪئي وئي آهي، طاهر خاصخيلي، حاجي خان چانڊيو، ڪوڙو خان لاشاري ۽ ٻين ڳوٺن جي بجلي اڍائي مهينن کان بند پيل آهي، ڳوٺاڻن پاران خميسو ٿيٻو جي اڳواڻي ۾ حاجي خان بس اسٽاپ تي احتجاج ڪري حيدرآباد، بدين روڊ 4 ڪلاڪ بند ڪيو ويو، ڌرڻي سبب روڊ جي ٻنهي پاسن کان گاڏين جون قطارون لڳي ويون، مسافرن کي پريشاني کي منهن ڏيڻو پيو، ايمرجنسي ۾ مريض کڻي ويندڙ ايمبولينسز ۾ مريض تڙپندا رهيا، ڪافي دير کانپوءِ پوليس انتظاميه سان ڳالهيون ڪري مظاهرين کي خاطري ڪرائڻ بعد روڊ کولرايو.

Bookmark the permalink.