تازا ترين
  • خورشيد شاهه خلاف آمدني کان وڌيڪ اثاثا ڪيس، ٻڌڻي 5 آڪٽوبر تائين ملتوي*
  • آصف زرداري جي اپيلن تي فيصلو 23 سيپٽمبرتي ٻڌايو ويندو*نيب جيڪي الزام لڳايا، انهن سان واسطو ئي ناهي، آصف زرداري جي وڪيل دليل مڪمل ڪري ورتا *

ٽنڊو آدم ۾ ڪجهه سال اڳ هندو ناري سان پسند جي شادي ڪندڙ پورهيت جو لاش هٿ: جسم تي تشدد جا نشان

نوجوان فرحان انصاري هڪ ڏينهن اڳ گُم ٿي ويو، ٻئي ڏينهن لاش مليو

پُٽ ڪجهه سال اڳ هندو ڇوڪري برکا سان پسند جي شادي ڪئي هئي: محمد عثمان

ٽنڊوآدم/ڄام نواز علي(ن پ ا) ٽنڊي آدم مان ھڪ ڏينھن پهريان گم ٿيل پورھيت جو تشدد ٿيل لاش ھٿ، وارثن پاران قتل جو شڪ ظاھر، چانھيا پاڙي جي رھواسي 35 ورهين جي پورھيت فرحان انصاري جو لاش ٻيراني ڀرسان ميرا موري وٽان تشدد ٿيل مليو، لاش کي پوليس ٽنڊو آدم اسپتال آندو، مقتول جي پيءُ محمد عثمان انصاري ٻڌايو ته منھجو پٽ گذريل ڏينھن شام جو گھر جو سامان وٺڻ لاءِ نڪتو ۽ واپس نه وريو، اڄ ان جو لاش مليو آهي، هُن وڌيڪ ٻڌايو ته منھجي پٽ ڪجھه سال اڳ برکا نالي ھندو ڇوڪري کي مسلمان ڪري شادي ڪئي هئي، جنهن مان کيس چئن نياڻين جو اولاد آهي، منھنجي پٽ کي قتل ڪيو ويو آھي اسان جو ڪيس داخل ڪيو وڃي، پوليس جو چوڻ آهي ته نوجوان کي گھٽا ڏئي قتل ڪيو ويو آھي، مائٽ ڪيس داخل ڪرائيندا ته اسان ڪيس داخل ڪري جاچ ڪنداسين.

Bookmark the permalink.