تازا ترين
  • ملير:ڪورونا وگهي فوت ٿي ويل صوبائي وزير مرتضيٰ بلوچ جي جنازي نماز ادا ڪئي وئي*ڳوٺ فقير محمد گڏاپ سٽي ۾ جنازي نماز ادا، سعيد غني، عاجز ڌامراهه سميت ٻيا شريڪ*
  • خانپورمھر ۾ وڌيڪ 5 ڄڻا ڪورونا جو شڪار، انگ وڌي 35 ٿي ويو*ميرپورماٿيلو:گهوٽڪي ضلعي ۾ وڌيڪ 26 ڄڻا ڪورونا ۾ مبتلا، انگ وڌي 299 ٿي ويو*
  • سکر ۾400 ڄڻن کان ورتل سيمپلز مان 40 ڄڻن کي ڪورونا جي تصديق*
  • ميرپورخاص ۾ وڌيڪ 4 ڄڻا ڪورونا جو شڪار، ضلعي اندر متاثرن جو انگ وڌي 87 ٿي ويو*
  • پنهنجا هُجن يا مخالف، نئين پاڪستان ۾ ڪير به قانون کان مٿانهون ناهي:شبلي فراز*شهباز شريف قانون کان ڀڄڻ بدران قانون کي منهن ڏئي:وفاقي وزير شبلي فراز جو ٽوئٽ*ن ليگين کي مشورو آهي ته قانون آڏو رڪاوٽون وجهي ڏوهه نه ڪيو وڃي:شبلي فراز*
  • ڪراچي: صوبائي وزير مرتضيٰ بلوچ ڪورونا وگهي فوت*
  • حيدرآباد: سينيٽر مولا بخش چانڊيو سميت 5 گهر ڀاتي ڪورونا ۾مبتلا*مولا بخش چانڊيو، سندس زال ۽ پُٽ سميت 5 ڄڻن کي ڪورونا وائرس هجڻ جي تصديق ٿي وئي*ڪورونا وائرس جي تصديق بعد پاڻ ۽ گهر ڀاتين کي آئسوليٽ ڪيو آهي: مولا بخش چانڊيو*
  • کنڊ اسڪينڊل تان ڌيان هٽائڻ لاءِ ڊرامو رچايو ويو آهي: مريم اورنگزيب*نيب نيازي ڳٺ جوڙ کان عوام واقف آهي: ن ليگ ترجمان*نيب شهباز شريف کي گرفتار ڪيو ته عوام بني گالا مان عمران خان کي گرفتار ڪندو: مريم اورنگزيب*نيب جون ڪارراويون صرف مخالف ڌر خلاف پيون ٿين: راڻا ثناءُ الله*
  • لاهور: نيب ٽيم شهباز شريف جي گهر مان ناڪام واپس رواني ٿي وئي*
  • لاهور: نيب ٽيم اپوزيشن ليڊر شهباز شريف جي رهائشگاهه ۾ داخل ٿي وئي*لاهور پوليس جي وڏي نفري به شهباز شريف جي گهر ٻاهران موجود*شهباز شريف جي امڪاني گرفتاري جو ٻڌندي ئي نواز ليگ اڳواڻ به پهچي ويا*لاهور: نواز ليگ اڳواڻن ۽ ڪارڪنن جو شهباز شريف جي رهائشگاهه آڏو مظاهرو، ڌرڻو*
  • *گمبٽ ۾ گيسٽرو تي ضابطو نه آيو، 21 ڄڻا اسپتال ڀيڙا *گيسٽرو مريضن ۾عورتون، ٻارڙا ۽ نوجوان شامل *
  • *اينٽي ڪرپشن پاران ڊائريڪٽر ايلمينٽري اينڊ سيڪنڊري ڪراچي حامد ڪريم خلاف جاچ شروع *اينٽي ڪرپشن حامد ڪريم کي 3 جون تي سموري رڪارڊ سميت طلب ڪري ورتو *
  • *حيدرآباد: جعلي ڊوميسائل ٺهڻ خلاف نوجوانن جو پريس ڪلب سامهون احتجاج *ڪوڙا ڊوميسائيل رد ڪري ملوث عملدارن خلاف ڪارروائي ڪئي وڃي: مظاهرين *
  • *بدين مان چونڊيل ايم پي اي تاج محمد ملاح جي ڪورونا ٽيسٽ رپورٽ پازيٽو اچي وئي*
  • *ڊکڻ :ڳوٺ دڙي جاکري ٻاهران ڪار مان گولي لڳل لاش هٿ *مقتول جي سڃاڻپ اشتياق پٺاڻ ولد نظام الدين پٺاڻ طور ٿي،لاش اسپتال منتقل *

ٽنڊوالهيار: احساس ڪفالت جا 18 سينٽر بند، هلندڙ 9 سينٽرز تي خلق ڪڙڪي پئي، پيهه، پوليس بيوس

ضلعي ۾ احساس ڪفالت پروگرام جي رقم ڏيڻ لاءِ ٽوٽل 27 سينٽر کوليا ويا

انتظاميا 18 سينٽر اوچتو بند ڪري ڇڏيا، رڳو 9 سينٽرز تان مستحقن کي رقم ڏني پئي وڃي

ٽنڊوالهيار (رپورٽ: نياز خاصخيلي) ٽنڊوالهيار ضلعي ۾ انتظاميا احساس ڪفالت پروگرام جا 18 سينٽر بند ڪري ڇڏيا، 9 سينٽرز تي خلق ڪڙڪي پئي، سخت پيهه، پوليس بيوس بڻيل، ڪورونا پکڙجڻ جو خدشو. خبر موجب ٽنڊو الهيار ضلي ۾ احساس ڪفالت پروگرام جي رقم ڏيڻ لاءِ ٽوٽل 27 سينٽر کوليا ويا هئا، جن مان انتظاميا 18 سينٽر اوچتو بند ڪري ڇڏيا آهن ۽ هن وقت رڳو 9 سينٽرز تي مستحقن کي رقم ڏني پئي وڃي. بند ڪيل سينٽرز ۾ بڪيراشريف، سنجر چانگ، ڪامارو شريف، ڌڱاڻو بوزدار، بيگن جروار، مسو بوزدار، سٽي ٽنڊوالهيار، درياهه خان مري، مسڻ وڏا، مبارڪ جروار، مال خان ٿيٻو، پراڻي مير آباد، خير محمد جروار، ٺارو لغاري، اميد علي دل ۽ ٻيا شامل آهن. ان ڏس ۾ احساس ڪفالت سينٽر جي انچارج جو چوڻ آهي ته اسان ضلعي انتظاميا جي چوڻ تي سينٽر بند ڪيا آھن، جيڪي هاڻي نه کوليا ويندا. رابطو ڪرڻ تي ٽنڊوالهيار جي ڊپٽي ڪمشنر رشيد زرداري چيو ته ماڻهن جي رش گهٽجڻ سبب 18 سينٽر بند ڪيا ويا آھن، هن چيو ته وڌيڪ جيڪو مٿان کان حڪم ملندو، ان تحت آئينده جو لائحه عمل جوڙيو ويندو. هوڏانهن سوين مستحق صبح جو ڄاڻايل سينٽرز تي پهتا ته اهي بند پيل هئا، جنهن ڪري هو پريشان ٿي ويا ۽ فوري طور کليل سينٽرز جو رخ ڪيو، جنهن ڪري انهن سينٽرز تي مرد توڙي عورت مستحقن جو وڏو انگ ٽٽڻ سبب سخت پيهه ٿي وئي، ان ڏس ۾ پوليس فاصلو رکڻ توڙي ٻين سرڪاري حڪمن تي عمل ڪرائڻ ۾ مڪمل طور ناڪام ٿي وئي. سخت پيهه سبب گرمي ۽ ٻوسٽ سبب ڪيترين ئي عورتن جي طبعيت پڻ خراب ٿي وئي، جڏهن ته رش جي نتيجي ۾ ڪورونا وائرس جي پکڙجڻ جو پڻ خطرو ٿي پيو آهي.

Bookmark the permalink.