تازا ترين
  • لاڙڪاڻي ۾ وڌيڪ 45 ڄڻا ڪورونا جو شڪار، ضلعي ۾ وائرس سٽيلن جو انگ 265 ٿي ويو
  • ڪنڊيارو: سهڙا مائينر ۾ وهنجندي ٻه ڀائر ٻڏي ويا،هڪ جو لاش هٿ
  • *ڪنري ڀرسان نوجوان مبينا طور ڦاھو کائي آپگهات ڪري ڇڏيو *25ورهين جي گلجي ڪولھي ڦاهو کائي زندگي جو انت آندو *ڳوٺاڻن پاران پوليس کي اطلاع، واقعي جو ڪارڻ معلوم نه ٿي سگھيو *
  • *نئون ڪوٽ ۾ رورل هيلٿ سينٽر جي ٽن ملازمن سميت 4 ڄڻا ڪورونا جو شڪار *ڳوٺ چوڌري محمود واسي ٽي بي جو مريض به ڪورونا جو شڪار ٿي ويو *
  • *ڇاڇرو ۾ سنڌ سيڪريٽريٽ جي ملازم سميت 2 ڄڻا ڪورونا جو شڪار *ڪورونا متاثرن کي سندن گهرن ۾ آئيسوليٽ ڪيو ويو*
  • *شيخ ڀرڪيو ۾ بي ايڇ يو سينٽر جا 6 ملازم ڪورونا جو شڪار، او پي ڊي بند *ٽن ليڊي هيلٿ ورڪرز سميت 6ڄڻن کي ڪورونا جي تصديق بعد گهرن ۾ آئيسوليٽ ڪيو ويو *
  • *جهول ڀرسان 10 ورهين جي نينگري مرگهي جو دورو پوڻ سبب واهه ۾ ڪري ٻڏي فوت*
  • *احمدپور ويجهو نامعلوم شرپسند زميندار جي هڪ ايڪڙ تي بيٺل ڪيلن جو باغ وڍي فرار *ڪيلن جو باغ وڍي لکين روپين جو نقصان پهچايو ويو: راجا ارباب سنديلو *
  • *ڳڙهي خيرو ويجهو نوجوان بيماريءَ کان تنگ اچي مبينا آپگهات ڪري ڇڏيو *ڳوٺ مھيندرو ڪٽوھر واسي امداد علي ڪٽوهر پاڻ تي بندوق جو فائر ڪري مبينا آپگهات ڪيو *
  • *ٻيلو شھر ۾ صحت مرڪز جا 3ملازم ڪورونا جو شڪار، متاثرن جو انگ 8 ٿي ويو *صحت مرڪز جي 9 ملازمن مان ٽن جي ٽيسٽ رپورٽ پازيٽو اچي وئي*
  • *عمرڪوٽ: بيواهه راحيلا راجپوت کي ساهرن پاران تشدد ڪري گهران ڪڍڻ وارو ماملو، ايس ايس پي جو نوٽيس *بيواهه راحيلا راجپوت جي فرياد تي ڪيس داخل *ڪيس ۾ زيب النسا عرف بلو، اسامه منصور ۽ سندس زال شائسته جوابدار نامزد *
  • *پيرجوڳوٺ: پريالوءِ اسپتال جي 12ملازمن ۾ڪورونا جي تصديق *تعلقي ڪنگري ۾ ڪورونا متاثرن جو انگ 65 ٿي ويو*
  • *سنجهورو ۾ ڪورونا جا وڌيڪ 11ڪيس ظاهر، متاثرن جو انگ 31 ٿي ويو *ڪورونا متاثرن ۾ صحت کاتي جا 8 ملازم به شامل*
  • *بدين ۾برسات بعد بند ٿيل بجلي 12 ڪلاڪن کان بحال نه ٿي، رهواسي تڪليفن جو شڪار *نندو،کوسڪي، شادي لارج جي سوين ڳوٺن جي بجلي بند، رهواسي سخت گرمي سبب بيحال *سخت گرمي ۾بجلي بندش سبب سخت پريشان آهيون، بجلي بحال ڪرائي وڃي: رهواسي *

ٺٽي ۾ 20 کان مٿي ڪريڪس تي بااثرن جا قبضا، مهاڻن کان مبينا ڀتو ۽ زوري سستي مڇي وٺڻ جو انڪشاف

جنگيسر تڙ، ٻاٻيو، ڦاٽ، سڄڻ واري، کاروڇاڻ، جوهو، ڪيٽي بندر، پارڙو ۽ ٻين تڙن تي مڇي جي نيلاميوارين مڏين تان مهاڻن جي مالڪي ختم

ڀتو وٺندڙن کي مبينا طور سياسي پٺڀرائي حاصل هجڻ ڪري هتان جي پوليس پڻ انهن خلاف ڪنهن به قسم جي ڪارروائي ڪرڻ کان بيوس بڻيل

ٺٽو ( رپورٽ : اسماعيل ميمڻ ) ٺٽي جي جنگيسر کان ڀنڀور تائين 20 کان مٿي سامونڊي تڙن ( ڪريڪس ) تي بااثر ڌرين غير قانوني طور تي پنهنجي مالڪي ڄاڻائي هزارين مهاڻن کان روانو جي بنياد تي لکين رپيا ڀتي جي اوڳاڙي شروع ڪري ڇڏي آهي، جڏهن ته مهاڻن کان زوري سستي اگھه تي مڇي خريد ڪري مختلف شهرن ۾ وڪرو ڪئي وڃي ٿي. ان ڏس ۾ ان ڏس ۾ هٿ ڪيل رپورٽ مان معلوم ٿيو آهي ته ٺٽي جي سامونڊي تڙن جنگيسر، ٻاٻيو، ڦاٽ، سڄڻ واري، کاروڇاڻ، جوهو، ڪيٽي بندر، پارڙو سميت 20 کان مٿي سامونڊي ڪريڪس توڙي مختلف تڙن تي بااثرن جا قبضا آهن. معلوم ٿيو آهي ته ٺٽي جي سامونڊي تڙن توڙي ڪريڪسن مختلف مڇين جي نيلامي وارين مڏين تي غير قانوني طور مالڪي ڏيکاري وڃي ٿي ۽ قبضي گير مڇي ماري ايندڙ مهاڻن کان سستي اگھ تي مڇي وٺي ڪراچي ۽ ٻين شهرن جي واپارين کي ڳري اگھن ۾ مچي وڪرو ڪري هڪ پاسي لکين رپيا ڪمائي رهيا آهن، ان کان سواءِ مڇي ماريندڙ مهاڻن کان ڀتي جي اڳاڙي شروع ڇڏي آهي، ڀتو نه ڏيڻ تي مڇي ماريندڙ مهاڻن کي مارڻ سميت طرحين جون اذّيتون ڏئي سخت تشدد ذريعي انساني تذليل جو نشانو بڻايو ويندو آهي. ڀتي جي وصولي ڪندڙن کي سياسي پٺڀرائي حاصل هجڻ ڪري هتان جي پوليس پڻ انهن خلاف ڪارروائي ڪرڻ قاصر آهي. اهو پڻ معلوم ٿيو آهي ته سامونڊي تڙن جي غير قانوني مالڪن ۽ مڇي مافيائن مڇي جي نسل ڪشي ڪرڻ لاءِ ڪيترن مڇي ماريندڙن کي 10 کان 15 هزار رپين عيوض پابندي مڙهيل بولي رڇ جي اجازت ڏئي ڇڏي آهي، جنهن سان مڇيءَ جي نسل ڪشي ٿي رهيو آهي ۽ روزانو سوين ٽن ننڍي مچي مارائي پئي وڃي.

Bookmark the permalink.