تازا ترين
  • *ٺٽو: مڪلي باءِ پاس تي خوفناڪ حادثو، نينگر سميت ڪراچي واسي 3 ڄڻا فوت، 4 زخمي*
  • *سکر پوليس پاران همايون مان اغوا ڪيل نينگر شيراز چنا کي بازياب ڪرائڻ جي دعويٰ، جوابدار مشتاق شاهه گرفتار*
  • *عمرڪوٽ ۾ اسڪولي شاگردن ۽ شاگرياڻين کي هراسان ڪرڻ ۽ سندن وڊيو ٺاهڻ جي الزام هيٺ هڪ جوابدار گرفتار، ڪيس داخل * عمرڪوٽ: شهرين جي شڪايت تي جوابدار احد پٺاڻ کي گرفتار ڪري ڪيس داخل ڪيو ويو آهي: پوليس * عمرڪوٽ: شاگردن ۽ شاگردياڻين کي تنگ ڪيو ويندو آهي، ٻين جوابدارن کي به گرفتار ڪيو ويندو *
  • *مورو ڀرسان گهر اندر پراسرار نموني گولي لڳڻ سبب 13 سالن جي نينگري نظيران ڌيءُ محمد بخش لاشاري مارجي وئي، وارثن آپگهات قرار ڏئي ڇڏيو * مورو: نينگري نظيران ڌيءُ محمد بخش لاشاري کي قتل ڪيو ويو آهي: چئوٻول *
  • *گمبٽ ۽ ٽنڊو مستي ويجهو روڊ حادثا: نينگري بيبي خيريت بلوچ ۽ زوهيب پٽ خان محمد سومرو فوت، 4 ڄڻا احسان علي بلوچ، بيبي مناحل، بيبي هادي ۽ ثمينه زخمي*
  • *لنڊن: ڪمپيوٽر ۾ ڪٽ، پيسٽ، فائينڊ ۽ ري پليس ايجاد ڪندڙ سائنسدان لاڏاڻو ڪري ويو*
  • *گهوسٽ اسڪولن جون تصويرون سوشل ميڊيا تي رکي اُتان جي چونڊيل نمائندن کي ڳوليو: فاطمه ڀٽو 12 سالن کان بند پيل سر شاهنواز اسڪول جي تصوير شيئر ڪري ڇڏي * سجاول جي سرڪاري بوائز اسڪول تي منهنجي ڏاڏي جو نالو آهي، جيڪو 12 سالن کان بند آهي، اها آهي عملي ڪرپشن: فاطمه ڀٽو * جنهن علائقي ۾ اسڪول بند آهي، اُتان جي ايم اين ايز ۽ ايم پي ايز کي ڳوليو، اڃا ڪيترا نسلن ائين يرغمال بڻيل رهندا: سوشل ميڊيا تي اپيل *
  • *باڊهه ۾ پ پ ايم پي اي جي سرپئنچيءَ ۾ جرڳو: پسند جي پرڻي تان ٻٽي قتل جو هڪ جوابدار تي 20 لک ڏنڊ: متاثرن جو 4 جوابدارن سان ٺاهه کان انڪار * باڊهه: مقتول نوجوان فياض ۽ غازي ٻرڙو جي وارثن طرفان عدالت ۾ ڪيس تان هٿ کڻڻ بعد ڏنڊ جا 15 لک رُپيا ڏنا ويندا: جرڳي ۾ فتويٰ * باڊهه: فتويٰ موجب جوابدار سليم ڏيرو ڏنڊ جي رقم ڀريندو، ناري مريم ڏيرو ۽ فياض ٻرڙو طرفان پسند جي شاديءَ بعد ڌُرين ۾ تڪرار ٿيو هو *
  • *ڪراچي: آءِ جي موٽرويز اي ڊي خواجه نارڪوٽڪس ڪنٽرول ڊويزن جو سيڪريٽري مقرر*
  • *ڪراچي/حيدرآباد: پٽ جي شادي تي ايڏو خرچ؟ ڊي ايس پي ٽنڊوآدم محمد ايوب بروهي کي نوٽيس * ڪراچي/حيدرآباد: ايڊيشنل آءِ جي حيدرآباد ولي الله دل دعوت کائڻ بعد ڊي ايس پي ٽنڊوآدم محمد ايوب بروهي کي نوٽيس جاري ڪري ڇڏيو، معاملو نيب ڏانهن موڪلڻ جي وارننگ *
  • توهان جي اقرباپروري تباهي مچائي ڇڏي آهي، پنهنجي مقرريءَ تي جواب ڏيو: سنڌ هاءِ ڪورٽ طرفان سيڪريٽري فوڊ تي ڪاوڙ جو اظهار*خوراڪ کاتي جي سيڪريٽري لئيق احمد جي مقرري ئي غيرقانوني آهي، توهان ته سيڪشن آفيسر آهيو: چيف جسٽس احمد علي شيخ*فلور ملز مالڪن کي رهتون ۽ مارڪ اپ جي رقم فوري جمع ڪرائڻ جو حڪم: جوابدار رحمت الله شيخ جي ضمانت درخواست تي فيصلو محفوظ*

ٺٽي ڀرسان رڪشا تي فائرنگ ۾ 2 ڄڻا قتل: لاش رکي ڌرڻو

بروهي برادري جي ماڻهن قومي شاهراهه تي لاش رکي ڌرڻو هنيو: جوابدارن جي گرفتاري جو مطالبو

ٺٽو (رپورٽر) ٺٽي ڀرسان هٿياربندن جي چنگچي رڪشا تي فائرنگ، 2 ڄڻا مارجي ويا، هڪ زخمي، 3 محفوظ رهيا، لاش رکي ڌرڻو، جھمپير ستيون روڊ تي درگاھ ستيون ڀرسان 3 موٽر سائيڪل سوار ھٿيار بندن چنگجي رڪشاءَ ۾ ويندڙن تي مٿان فائرنگ ڪري ڏني، نتيجي ۾ بروھي برادري سان تعلق رکندڙ 2 ڄڻا ڳوٺ پير حنيف شاھ مڪلي واسي نوجوان محمد رمضان پٽ عظيم ۽ نور محمد پٽ مير محمد بروھي ٿڏي تي مارجي ويا، ھڪ ڄڻو مارو بروھي زخمي ٿي پيو، چنگچي رڪشا ۾ سوار وڌيڪ سوار 3 ڄڻا معجزاڻي طور بچي ويا، واقعي واري ھنڌ تان ھٿيار بند ڪاروائي بعد موٽر سائيڪل ذريعي فرار ٿي ويا، واقعي جو ڪارڻ بروھي برادري جي ٻنھي ڌرين ۾ سڱاوتي تڪرار ڄاڻايو پيو وڃي. ٺٽو پوليس پاران ٻنھي مقتولن جي لاشن کي ضروري ڪاروائي لاءِ سول اسپتال ٺٽو پھچايو ويو، زخمي کي وڌيڪ علاج لاءِ ڪراچي روانو ڪيو ويو، ٻئي پاسي اطلاع ملڻ تي سول اسپتال ۾ وڏي انگ ۾ بروھي برادري جا ماڻھو پڻ پهتا، بروھي برادري جي مارجي ويل ٻن نوجوانن جي وارثن مقتولن جي لاشن کي پريس ڪلب ٺٽي آڏو قومي شاهراهه تي رکي ڌرڻو هنيو، سخت احتجاج ڪيوويو، مقتولن جي قتل ۾ ملوث جوابدارن جي فوري گرفتاري جو مطالبو ڪرڻ بعد لاشن کي مڪلي ڏانھن نيو ويو.

Bookmark the permalink.