تازا ترين
  • *ميهڙ ۾ ٽن ڏينهن کان نوجوان گُم: وارثن کي اغوا جو شڪ*
  • *روهڙي ۾ سڱاوتي تڪرار تان جيڪب آباد واسي ڪُهي قتل*

ٺٽي مان جديد ليب منتقل ڪرڻ جون تياريون: سامان ذاتي استعمال ۾ آڻڻ جو انڪشاف

سماجي تنظيم تعليم کي هٿي وٺرائڻ واسطي اسڪول ۾ جديد ريورس ليب کولڻ جو فيصلو ڪيو

ليب لاءِ 11 ليپ ٽاپ، جديد ڪئمرائون، جنريٽر، ڪتاب، فرنيچر ۽ ٻيو سامان فراهم ڪيو ويو

ٺٽو (رپورٽ: اسماعيل ميمڻ) ٺٽي جي استادن ۽ شاگردن جي تعليمي مھارتن ۾ اضافي آڻڻ توڙي سکيا جي جديد طريقن ذريعي تعليم کي ھٿي وٺرائڻ واسطي سنڌي پرائمري ڪلسٽر اسڪول ٺٽي ۾ کلندڙ جديد ريسورس ليب منتقل ڪرڻ جون تياريون شروع ٿي ويون آهن. سنڌي ٻولي جي مھارتن وسيلي ضلعي جي 178، پرائمري اسڪولن ۾ ڪم ڪندڙ غير سرڪاري تنظيم جي سھڪار سان ٺٽي جي سنڌي پرائمري ڪلسٽر اسڪول جي عمارت ۾ جديد ريسورس ليب کولڻ جو فيصلو ڪيو ويو. جديد ليب ۾ 11 ليپ ٽاپ، جنريٽر، 11 ڪمپيوٽر ٽيبل، 2 ڊيجيٽل ڪئمرائون، ھڪ ملٽي ميڊيا، 2 ڪتابن جا رينڪ ۽ 20 کان مٿي ڪرسين سميت جديد ريسورس ليب جي قيام لاءِ گھربل سامان جي فراھمي ڪئي وئي آھي.سنڌي پرائمري اسڪول ۾ استادن توڙي شاگردن جي صلاحيتن ۾ اضافي لاءِ قائم ليب کي ٺٽي شھر مان ٻئي ھنڌ منتقل ڪرڻ جون تياريون شروع ڪيون ويون آهن. تعليمي کاتي جي عملدارن پاران مختلف جواز ڄاڻائي منصوبو ناڪام بڻائڻ جي ڪوششن جو انڪشاف ٿيو آهي. معلوم ٿيو آھي ته تعليم کاتي جي عملدارن ليب لاءِ مليل قيمتي سامان ذاتي ڪمن لاءِ استعمال ڪرڻ جي تياري ڪري ورتي آهي.مليل ڄاڻ موجب ليب جي ٻئي هنڌ منتقلي سان منصوبي جي مڪمل ناڪامي جو امڪان آھي. هوڏانهن سڄان ڌرين، شھري اتحاد جي اڳواڻ جاويد ميمڻ، رشيد جاکرو، منصور جلالاڻي، زبير ميمڻ ۽ ٻين تعليم کاتي ٺٽي جي عملدارن پاران ٺٽي شھر جي قديمي سنڌي پرائمري اسڪول جي عمارت ۾ کلندڙ جديد ريسورس ليب جي ٻئي ھنڌ منتقلي جي مذمت ڪندي وس وارن کان ليب منتقل نه ڪرڻ جي گهر ڪئي آهي.

Bookmark the permalink.