تازا ترين
  • سنڌ ۾ ماڪڙ جي تباهي نه روڪڻ خلاف عدالت ۾ وڃڻ جو فيصلو*ايوانِ زراعت سنڌ طرفان وفاق ۽ سنڌ سرڪار خلاف سنڌ هاءِ ڪورٽ سان رابطو ڪرڻ جو فيصلو ڪيو ويو*
  • *گهوٽڪي ۾ رولو ڪُتن نينگر ۽ نوجوان کي ڏاڙهي وڌو: اسپتال ۾ وئڪسين نه ملي*
  • *ٿر ۾ بُک ۽ بيمارين وڌيڪ وڌيڪ 4 ٻارڙا فوت: هلندڙ سال 789انگ ٿي ويو*
  • *مٺي ۾ پورهيت جي گهر کي باهه:الهه تلهه سڙي رک*
  • *حڪومت آرمي چيف جي مدي بابت قائل ڪري، استعيفائون ڏئي سگهون ٿا: اختر مينگل*

ٺارو شاهه ۾ 3 ڏينهن اڳ گُم ٿيل نينگر جي وارثن جو عدالت سان رابطو: پوليس جا ڪيس داخل ڪرڻ بدران متاثر ڌُر تي الزام

پوليس نه نينگر ارمان کي ڳوليو ۽ نه ئي اغوا جو ڪيس داخل ڪري ٿي: وارث

ارمان جا وارث مخالف ڌُر کي ڦاسائڻ گهرن ٿا (پوليس) عدالت طرفان پوليس طلب

نوشهروفيروز (رپورٽر) ٺاروشاهه ڀرسان ڳوٺ مٺوسولنگي جو رهواسي 8 سالن جو نينگر ارمان 3 ڏينهن کان پراسرار نموني گم آهي، وارثن اغوا جو شڪ ظاهر ڪري ڇڏيو. نينگر جي ڏاڏي مسمات مٺڻ پنهنجي ڌيءُ سان گڏجي پريس ڪلب پهتي ۽ دانهيو ته پوليس نينگر جي بازيابي لاءِ ڪنهن به قسم جي مدد نه ڪري رهي آهي. هُنن ارمان جي اغوا جو شڪ ظاهر ڪندي چيو ته جيڪڏهن کيس بازياب نه ڪرايو ويو ته جوابدار معصوم نينگر کي قتل ڪري ڇڏيندا.
ٻئي پاسي پوليس جو چوڻ آهي ته نينگر جي ڏاڏي پنهنجي مائٽن خلاف اغوا جو ڪيس داخل ڪرڻ لاءِ آئي هئي،جِن سان سندن ڪارنهن جو پُراڻو تڪرار هلندڙ آهي. پوليس متاثر ڌُر جو ڪيس داخل ڪرڻ ۽ نينگر کي ڳولڻ بدران الزام هنيو آهي ته ارمان جا وارث مخالف ڌُر کي ڦاسائڻ جي ڪوشش ڪري رهيا آهن.
ٻئي پاسي نينگر جي ڏاڏي اغوا جو ڪيس داخل ڪرائڻ لاءِ عدالت سان به رابطو ڪري ورتو آهي. سيشن جج نوشهروفيروز جي عدالت ۾ داخل درخواست ۾ استدعا ڪئي وئي آهي ته عدالت کي ڪيس داخل ڪرڻ جو حڪم ڏنو وڃي. اُن کانپوءِ عدالت ٺارو شاهه پوليس کي 9 ڊسمبر تي طلب ڪري ورتو آهي.

Bookmark the permalink.