تازا ترين
  • *کڏڙو بس اسٽاپ تي ٻن موٽر سائيڪلن ۾ ٽڪر، 3 ڄڻا سخت زخمي *محمدرمضان خاصخيلي،لال محمد بروهي ۽ علي محمد بروهي ڳڻتي جوڳي حالت ۾ اسپتال منتقل*
  • *خانواهڻ ويجهو ڦر مزاحمت تي جوابدارن گوليون هڻي اهلڪار کي زخمي ڪري ڇڏيو *پير مسافر وٽ 3هٿياربندن اهلڪار سڪندر ڪلھوڙو کان موٽرسائيڪل ڦر ڪرڻ جي ڪوشش ڪئي *مزاحمت تي جوابدارن اهلڪار کي گوليون هڻي زخمي ڪري ڇڏيو، اسپتال منتقل*
  • *ملڪ ۾ کاڌي پيتي جي شين جي اگهن ۾ واڌ بابت شماريات کاتي جا انگ اکر جاري *گوشت3.9 ۽ کنڊ3.8 سيڪڙو مهانگي ٿي: شماريات کاتو *جولائي ۾ سالياني بنياد تي شهري علائقن ۾ ٽماٽر سئو سيڪڙو مهانگو ٿيو:شماريات کاتو *پٽاٽا63 سيڪڙو ۽ دال مڱ 46.25سيڪڙو مهانگي ٿي: شماريات کاتو *ڪڻڪ28.52۽ اٽو 18.52 سيڪڙو مهانگو ٿيو: شماريات کاتو *
  • *لاڙڪاڻو: مبينا طور اغوا ٿيل نينگري جي بازيابي لاءِ وارثن جو پاڪ ڪتاب کڻي احتجاج *27جولائي تي جتوئي برادري جا هٿياربند گهر گهڙي نياڻي ماجده کي اغوا ڪري ويا: وارثن جو الزام*
  • *فريدآباد: ڳوٺ عبدالله شاھه گودڙيو ۾ ڪرنٽ لڳڻ سبب 3 ٻارڙن جي ماءُ فوت *گهر اندر پکي مان ڪرنٽ لڳڻ سبب 26 ورهين جي گمبُل زال رب رکيو چانڊيو فوت*
  • *صدرجي ڀٽيون ويجهو زميندار تي حملو، 2 ڄڻا زخمي، هڪ ڄڻو مبينا اغوا *هٿياربندن جي حملي ۾ زميندار ولي شاهه ۽ ربنواز ناريجو زخمي، امير ناريجو مبينا اغوا*
  • *ڪراچي: جوهر چورنگي ويجهو جي ڊي سي فائونڊيشن وٽان نامعلوم پيرسن جو لاش هٿ *لاش ايڌي ايمبولينس ذريعي جناح اسپتال منتقل، سڃاڻپ نه ٿي سگهي*
  • *سيوھڻ: درگاھه قلندر کي کولرائڻ لاءِ دڪاندارن ۽ پورهيتن جو27هين ڏينهن به احتجاج *درگاھه قلندر کي ايس او پي تحت کولي بک ۽ بدحالي کان بچايو وڃي: دڪاندار ۽ پورهيت *

واهي پانڌي ۾ نينگري گُل شمع واقعي جا تڪراري اطلاع مليا هئا: ڊي آءِ جي حيدرآباد

تڪراري اطلاع ملڻ کانپوءِ رڳو جاچ شروع ڪرڻ لاءِ ايف آءِ آر داخل ڪئي، پوسٽ مارٽم ڪنداسين: دادو ۾ ڳالهيون

دادو (رپورٽر) ڊي آءِ جي حيدرآباد چيو آهي ته واهي پانڌي ۾ نينگري گل سمع سان پيش آيل واقعي بابت تڪراري اطلاع ملڻ کانپوءِ ايف آءِ آر داخل ڪئي وئي، هاڻي قانوني طور جاچ شروع ڪئي وئي آهي، پوسٽ مارٽم رپورٽ کانپوءِ اصل حقيقتون جو پتو پئجي سگهندو.
ڊي آءِ جي حيدرآباد نعيم احمد شيخ دادو پهچڻ بعد ميڊيا سان ڳالهائيندي چيو ته پوليس کي اطلاع مليو ته واهي پانڌي ڀرسان نينگري گل سمع کي هڪ رٿابندي تحت پٿر هڻي ماريو ويو آهي، ڇاڪاڻ جو واقعي جي حوالي سان تڪراري اطلاع اچي رهيا هئا، تنهن قانون موجب جاچ شروع ڪرڻ لاءِ سرڪار جي مدعيت ۾ ايف آءِ آر داخل ڪئي ۽ واقعي جي جاچ شروع ڪري ڇڏي آهي.
گهڻ رُخي جاچ ڪئي پئي وڃي
هڪ سوال جي جواب ۾ هُن چيو ته ايف آءِ آر داخل ڪرڻ کانپوءِ نينگري جي والدين ۽ جنازي نماز پڙهندڙ مولوي کي گرفتار ڪيو ويو آهي، واقعي جي گهڻي رُخي جاچ ڪئي پئي وڃي ۽ اصل حقيقتون جيڪي به هونديون، اُهي منظرعام تي آنديون وينديون. جاچ جي سلسلي ۾ ساڻس گڏ ڪمشنر حيدرآباد به دادو آيو آهي.
پوسٽ مارٽم کانپوءِ خبر پئجي سگهندي
هڪ ٻئي سوال جي جواب ۾ ڊي آءِ جي حيدرآباد چيو ته نينگري گل سمع جي پوسٽ مارٽم جي حوالي سان قبر ڪُشائي لاءِ عدالت اجازت ڏني آهي، اُن حوالي سان بورڊ به جوڙيو ويو آهي، قبر ڪُشائي بعد پوسٽ مارٽم ڪيو ويندو ۽ پوسٽ مارٽم رپورٽ اچڻ کانپوءِ ئي وڌيڪ حقيقتن جي خبر پئجي سگهندي.
ڊي آءِ جي سنگسار واري مامري تي جواب گول ڪري ويو
اُن موقعي تي صحافين سوال ڪيو ته جيڪڏهن ڪاري قرار ڏئي گل سمع کي سنگسار ڪيو ويو ته جنهن کي ڪارو قرار ڏنو ويو، اُهو اڃا تائين ظاهر ڇو نه ٿيو آهي؟ اهڙي سوال تي ڊي آءِ جي حيدرآباد جواب گول ڪري ويو ۽ چيو ته هاڻي هي هاءِ پروفائيل ڪيس ٿي ويو آهي، سڀني جي نظر هن ڪيس تي آهي ۽ واقعي جي شفاف جاچ ڪري اصل حقيقتون منظرعام تي آنديون وينديون. جيڪڏهن واقعو سنگسار جو نه آهي ۽ ڪو ٻيو آهي، اهو به منظرعام تي آندو ويندو.

Bookmark the permalink.