تازا ترين
  • سنڌ جي مختلف شهرن ۾ٻئي ڏينهن به وقفي وقفي سان برسات جو سلسلو جاري، ڪرنٽ لڳڻ جي واقعن ۾ 6 ڄڻا فوت*لانڍيم سعود آباد، لياري، بدين، ڍورو نارو ۽ ٻين علائقن ۾آمنا سومرو، فيصل ۽ بابر حياتيون وڃائي ويٺا*صوبائي وزير امتياز شيخ طرفان مختلف علائقن ۾ڪرنٽ لڳڻ سبب ٿيل جاني نقصان تي افسوس جو اظهار*
  • آصف زرداري جي درخواست رد، فرد جرم لاڳو ڪرڻ جو حڪم*پارڪ لين ريفرنس ۾ احتساب عدالت سومر تي فرد جرم لاڳو ڪرڻ جو حڪم ڏئي ڇڏيو*

هٿياربندن گهر تي حملو ڪري تشدد ڪيو: گهوٽڪي ۾ عورت عدالت پهچي وئي

گهوٽڪي (رپورٽر) گهوٽڪي ڀرسان هٿياربندن هڪ گهر تي حملو ڪري ڀاتين تي تشدد بعد سونا زيور، روڪ رقم ۽ ٻيو سامان کڻي گهر کي باهه ڏئي ڇڏي، واقعي خلاف عورت عدالت پهچي وئي، عدالت پوليس کان 2 ڊسمبر تائين رپورٽ طلب ڪري ورتي، ڳوٺ مريد خان شر جي رهواسڻ عورت مسمات متل خاتون شر پنهنجي وڪيل اڪرم سمون معرفت ڊسٽرڪٽ اينڊ سيشن جج گهوٽڪي جي عدالت ۾ درخواست ڏني، عورت ڄاڻايو ته جيوڻ شر، ريشم شر، شاهمراد شر، ۽ ٻين گهر تي حملو ڪري 2 لک رپين جي ماليت جا سونا زيور، روڪ رقم ۽ ٻيو سامان کڻي ويا، گهر کي باهه ڏني وئي، عورت کي پاتل زيور به لاٿا ويا، جوابدارن خلاف ڪاروائي ڪري انصاف فراهم ڪيو وڃي، گهوٽڪي جي عدالت عورت جي اهڙي درخواست ٻڌڻ جوڳي قرار ڏيندي کينجو ٿاڻي جي پوليس کان 2 ڊسمبر تي رپورٽ طلب ڪري ورتي.

Bookmark the permalink.