تازا ترين
  • ميرپور خاص واقعي جي جاچ شروع: ڊي جي هيلٿ جي سفارش باوجود ايم ايس معطل نه ٿيو: پي ٽي آءِ ايم پي ايز ڪيس داخل ڪرائڻ لاءِ ٿاڻي تي پهتل*ڊي سي طرفان جُڙيل ڪميٽي اسپتال انتظاميا جا بيان رڪارڊ ڪيا، ڊي جي هيلٿ جاچ دوران ايم ايس کي هٽائڻ جي سفارش ڪئي، اُن تي عمل نه ٿيو*اسپتال انتظاميا طرفان ايمبولينس نه ڏيڻ کانپوءِ ٻارڙي جو لاش موٽر سائيڪل تي نيو پئي ويو ته حادثو پيش آيو، جنهن ۾ وڌيڪ 2 ڄڻا فوت ٿيا*
  • ڪراچي ۾ مظاهرو ڪندڙ هيڊ ماسترز تي پوليس ڪڙڪي پئي*مرد ۽ عورت هيڊ ماسترز سي ايم هائوس ڏانهن وڌڻ جي ڪوشش ڪئي، پوليس جي لٺبازي، چڪريون*
  • ميرپور خاص واقعي ۾ ذميوارن خلاف ڪارروائي ٿيندي: وڏو وزير*بلاول ڀٽو جي سخت موقف کانپوءِ سنڌ ورهائڻ جون ڳالهيون ڪندڙ معافيون گهري رهيا آهن: مراد علي شاهه *
  • شهدادڪوٽ پوليس طرفان مبينا مقابلي ۾ هاف فراءِ ڪيل نوجوان اسپتال ۾ فوت: وارثن جو لاش رکي ڌرڻو: مقابلو ڪوڙو قرار ۽ جاچ جو مطالبو*شهدادڪوٽ پوليس 15 ڏينهن اڳ مبينا مقابلي ۾ نوجوان طارق ڌاريجو کي زخمي ڪيو، چانڊڪا اسپتال ۾ نوجوان زخمن جا سور نه سهندي فوت*طارق شهدادڪوٽ سامان وٺڻ ويو ته پوليس مخالفن جي چوڻ تي کيس گرفتار ڪيو (وارث) مٿس 15 مختلف ڪيس داخل ٿيل آهن: پوليس *
  • غوثپور جا2نوجوان عورتاڻي آواز ۾ هرکجي اغوا ٿيڻ کان بچي ويا*نوجوان لياقت ۽ محمد عثمان دستي شاديءَ جي ڏٽي ۾ ڪچي طرف وڃي رهيا هئا ته پوليس کين روڪيو*
  • *ڪراچي ۾ آرٽيڪل 149 لاڳو ڪرڻ ۽ فروغ نسيم خلاف مختلف شهرن ۾ مظاهرا ۽ ريليون*
  • *لمس ۽ چانڊڪا ۾ ميڊيڪل جي داخلا لاءِ انٽري ٽيسٽ ورتي پئي وڃي*
  • *ميهڙ ڀرسان ٻن موٽرسائيڪلن ۾ ٽڪر: 3 سڳا ڀائر زخمي*

هيرآباد ۾ درسگاهون ۽ سماجي خدمتن لاءِ ادارا جوڙيا ويا

ميران اسڪول، ڪملا ديوي اسڪول ۽ گورنمينٽ ڪاليج تعمير ڪيو ويو

حيدرآباد (رپورٽر) هيرآباد ۽ عامل ڪالوني جي اصلوڪا رهواسي علم جا به پياسا هئي. انهن پنهنجي ٻارڙن کي پڙهائڻ لاءِ هن علائقي ۾ ڪيتريون ئي درسگاهون قائم ڪيون جن ۾ ميران اسڪول، ڪملا ديوي اسڪول، گورنمينٽ ڪاليج ۽ ٻيا ادارا شامل هئا. ميران اسڪول ”ميران ٻائي“ جي نالي سان قائم ڪيو ويو. هن اسڪول جو قيام ساڌو ٿانور داس ۽ ان جي ٻين ساٿين جي محنت جي نتيجي ۾ عمل هيٺ آيو. ساڌو ٿانور داس کي ٽيئل واسواڻي به سڏيو وڃي ٿو. ميران ٻائي محبت ۽ عقيدت جو اوهڃاڻ هئي. هن اسڪول جي هر ڪلاس روم تي انهن ماڻهن جا نالا اڄ به اڪريل آهن جن ماڻهن هن اسڪول جي اڏاوت ۾ حصو ورتو هو. تاريخ سان دلچسپي رکندڙ ماڻهو ميران اسڪول جي اڏاوت جي حوالي سان اهو به ٻڌائين ٿا ته هي اسڪول جڏهن جوڙيو پئي ويو تڏهن سنڌ ۽ هند جي مختلف علائقن مان پنڊت، ساڌو، سنت، فقير ۽ پوڄاري حيدرآباد گهرايا ويا هئا جن هن اسڪول جي هر سر تي ويدن ۽ گيتا مان اشلوڪ ۽ منتر پڙهي خير ۽ برڪت جون دعائون گهريون هيون. هيرآباد ۽ عامل ڪالوني ۾ رڳو اسڪولن جي قيام ئي عمل ۾ نه آندو ويو هو پر هتي سماجي خدمتن جي حوالي سان ٻيا پلاٽ به مختص ڪيا ويا. انهن پلاٽن تي گرلز گائيڊ جو ادارو قائم ٿيو. ان سان لڳو لڳ ناري سڀا جو قيام عمل ۾ آندو ويو اهو ادارو هاڻي ليڊيز ڪلب سڏجي ٿو. هن عمارت جي اڏاوت 1938ع ۾ شروع ٿي ۽ ٻن سالن دوران يعني 1940ع ۾ اها عمارت جڙي راس ٿي. ان ئي ڪلب ۾ حيدرآباد جي بنهه مشهور شخصيت دادي ليلان عورتن لاءِ موسيقي جا ڪلاس شروع ڪيا. ناري سڀا جي هن اداري تي مسز چترياڻي جوت سنگهه جو نالو اڄ به اڪريل نظر اچي ٿو. ان کانسواءِ 1899ع ۾ هيرآباد اندر ئي جانور جي اسپتال جو قيام عمل ۾ آندو ويو. گڏوگڏ مختلف هنڌن تي پارڪ به جوڙيا ويا جن پارڪن ۾ شام ڌاري هيرآباد جي سونهن پلٽجي پوندي هئي.

Bookmark the permalink.