تازا ترين
  • ميرپور خاص واقعي جي جاچ شروع: ڊي جي هيلٿ جي سفارش باوجود ايم ايس معطل نه ٿيو: پي ٽي آءِ ايم پي ايز ڪيس داخل ڪرائڻ لاءِ ٿاڻي تي پهتل*ڊي سي طرفان جُڙيل ڪميٽي اسپتال انتظاميا جا بيان رڪارڊ ڪيا، ڊي جي هيلٿ جاچ دوران ايم ايس کي هٽائڻ جي سفارش ڪئي، اُن تي عمل نه ٿيو*اسپتال انتظاميا طرفان ايمبولينس نه ڏيڻ کانپوءِ ٻارڙي جو لاش موٽر سائيڪل تي نيو پئي ويو ته حادثو پيش آيو، جنهن ۾ وڌيڪ 2 ڄڻا فوت ٿيا*
  • ڪراچي ۾ مظاهرو ڪندڙ هيڊ ماسترز تي پوليس ڪڙڪي پئي*مرد ۽ عورت هيڊ ماسترز سي ايم هائوس ڏانهن وڌڻ جي ڪوشش ڪئي، پوليس جي لٺبازي، چڪريون*
  • ميرپور خاص واقعي ۾ ذميوارن خلاف ڪارروائي ٿيندي: وڏو وزير*بلاول ڀٽو جي سخت موقف کانپوءِ سنڌ ورهائڻ جون ڳالهيون ڪندڙ معافيون گهري رهيا آهن: مراد علي شاهه *
  • شهدادڪوٽ پوليس طرفان مبينا مقابلي ۾ هاف فراءِ ڪيل نوجوان اسپتال ۾ فوت: وارثن جو لاش رکي ڌرڻو: مقابلو ڪوڙو قرار ۽ جاچ جو مطالبو*شهدادڪوٽ پوليس 15 ڏينهن اڳ مبينا مقابلي ۾ نوجوان طارق ڌاريجو کي زخمي ڪيو، چانڊڪا اسپتال ۾ نوجوان زخمن جا سور نه سهندي فوت*طارق شهدادڪوٽ سامان وٺڻ ويو ته پوليس مخالفن جي چوڻ تي کيس گرفتار ڪيو (وارث) مٿس 15 مختلف ڪيس داخل ٿيل آهن: پوليس *
  • غوثپور جا2نوجوان عورتاڻي آواز ۾ هرکجي اغوا ٿيڻ کان بچي ويا*نوجوان لياقت ۽ محمد عثمان دستي شاديءَ جي ڏٽي ۾ ڪچي طرف وڃي رهيا هئا ته پوليس کين روڪيو*
  • *ڪراچي ۾ آرٽيڪل 149 لاڳو ڪرڻ ۽ فروغ نسيم خلاف مختلف شهرن ۾ مظاهرا ۽ ريليون*
  • *لمس ۽ چانڊڪا ۾ ميڊيڪل جي داخلا لاءِ انٽري ٽيسٽ ورتي پئي وڃي*
  • *ميهڙ ڀرسان ٻن موٽرسائيڪلن ۾ ٽڪر: 3 سڳا ڀائر زخمي*

هيرآباد جي سونهن اجڙي وئي، رستا ڌوئي عطر ڇَٽِڻ ماضي ٿي ويو، پوش وسندي جو زوال

حيدرآباد جي علائقي هيرآباد جو قيام 19 هين صدي جي شروع ۾ عمل هيٺ آيو، وسندي ۾ صاحبِ حيثيت ماڻهن کي پلاٽ الاٽ ڪيا ويا

پلاٽن تي عاليشان ڪالوني قائم ٿي، سينٽرل جيل کان مارڪيٽ تائين ڪالوني جا ٻه بلاڪ هئا، ٻنهي بلاڪن کي ڌار ڪرڻ لاءِ وڏا رستا ٺاهيا ويا

حيدرآباد(رپورٽ: فيض کوسو) حيدرآباد جي هيرآباد پنهنجون حسناڪيون وڃائي چڪي، ڏينهن ۾ ٻه دفعا گهٽيون ۽ رستا پاڻي سان ڌوپجڻ ۽ عطر عنبير جي ڇڻڪار ماضي جو قصو بڻجي وئي، اڪثر تاريخي عمارتن جي جاءِ تي پلازه کڙا ٿي ويا، باقي بچيل عمارتون پنهنجي حال ۾ بيحال، گهوڙن جي ٽاپ ٽاپ گاڏين جي بي سُري آواز ۾ دٻجي وئي، هيرآباد جي سونهن جو سُٽ منجهي پيو، شهر جي پوش وسندي عروج کان زوال تائين پهتل. ”پنهنجي اخبار“ جي هڪ رپورٽ موجب آزاد سنڌ جي آخري دور ۾ سنڌ جي گادي واري شهر جي حيثيت رکندڙ حيدرآباد جي هيرآباد واري علائقي جي حسناڪين جو ذڪر هاڻي ماضي جو هڪ قصو بڻجي ويو آهي ڇاڪاڻ ته هيرآباد هاڻي اها هيرآباد ئي نه رهي آهي جنهن جون گهٽيون ۽ رستا روز ڏينهن ۾ ٻه ڀيرا صاف ٿي پاڻي سان ڌوپجندا هئا ۽ جتي شام جي پهر ۾ سندريون هار سينگار ڪري پسار لاءِ نڪري پونديون هيون ۽ انهن سندرين جي حسن جا جلوا پسڻ لاءِ ماڻهو ڪنهن نه ڪنهن بهاني اچي هيرآباد ۾ ڳاهٽ ٿيندا هئا. هيرآباد ۾ هاڻي سڀ ڪجهه بدلجي ويو آهي ايتري حد تائين جو هتي ٺهيل پراڻين شاندار عمارتن کي ڊاهي پٽ ڪيو ويو آهي ۽ انهن جاءِ تي فليٽ اڏي شهر جي سونهن ۽ سوڀيا کي ميرانجهڙو ڪيو ويو آهي. خود هيرآباد جي رهائشي علائقي جي رستن ۽ گهٽين ۾ دڪان اڏي ان کي ڪمرشل علائقو بڻايو ويو آهي. اڳي جتي رڳو گهوڙن جي ٽاپ جو سُريلو آواز ٻڌڻ لاءِ ملندو هو اتي هاڻي ٽريفڪ جو بي سُري آواز ماڻهن جون ڄڻ ته متيون منجهائي ڇڏي ٿو. ماڻهن جي مَت سان گڏ هيرآباد جي سونهن جو سُٽ به منجهي پيو آهي ۽ ڊهڻ کان بچي ويل عمارتون اداسي ۽ ويچارگي جي عالم ۾ پنهنجي اوج ۽ عروج تي ماتم ڪندي نظر اچن ٿيون. هيرآباد جو قيام 19 هين صدي جي شروعات ۾ عمل هيٺ آيو هو. ان وقت حيدرآباد شهر بنهه محدود شهر هو جنهن کي پکيڙ ڏيڻ لاءِ هيرآباد جي ڪالوني جوڙڻ جو منصوبو رٿيو ويو هو. هن وسندي ۾ صاحبِ حيثيت ماڻهن کي رهائش لاءِ پلاٽ الاٽ ڪيا ويا هئا جن انهن پلاٽن تي هڪ عاليشان ڪالوني قائم ڪئي جنهن کي بعد ۾ هيرآباد جو نالو ڏنو ويو. ماضي جي هيرآباد ۽ عامل ڪالوني جي بيهڪ به ڏاڍي خوبصورت هئي. ان جي شروعات سينٽرل جيل کان ٿيندي هئي ۽ مارڪيٽ تائين ان جو دنگ ٿيندو هو. مارڪيٽ تائين هيرآباد جا ٻه بلاڪ هئا، ٻنهي بلاڪن کي ڌار ڪرڻ لاءِ ٻه وڏا رستا جوڙيا ويا. هڪڙي رستي کي هاڻي ڀرڳڙي روڊ ۽ ٻئي رستي کي جيل روڊ يا هيرآباد روڊ سڏيو وڃي ٿو، ان ئي روڊ تي حيدرآباد جي ضلعي حڪومت 2008ع ڌاري پڪي قلعي جو عڪس به جوڙايو هو. سينٽرل جيل ۽ هيرآباد توڙي عامل ڪالوني کي جدا ڪرڻ لاءِ نيشنل هاءِ وي قائم ڪيو ويو جڏهن ته مارڪيٽ ۽ هيرآباد کي جدا ڪرڻ لاءِ اي ون هوٽل وارو روڊ قائم ٿيو. اي ون هوٽل واري روڊ تي بيهي نور محمد هاءِ اسڪول ۽ حيدرآباد جي سول اسپتال جو نظارو به ڪري سگهجي ٿو. حيدرآباد جي ٽئين بلاڪ کي ڌار ڪرڻ لاءِ وري هڪ ٻيو روڊ به جوڙيو ويو جنهن کي اڳي مياڻي روڊ ۽ هاڻي پرنس علي روڊ سڏيو وڃي ٿو.

Bookmark the permalink.