تازا ترين
  • *جيڪب آباد ۾ مقتول نوجوان اسلم شاهه جي قاتلن جي گرفتاري لاءِ ڪيل احتجاج تي پوليس جي ڪاهه *پوليس مقتول نوجوان جي وارث عورتن ۽ ٻارڙن کي موبائل ۾ کنڀي کڻي وئي *
  • *ڪي اليڪٽرڪ کي واڌو گئس جي فراهمي باوجود بجلي جي اڻ اعلانيل لوڊشيڊنگ جاري *ملير، شاهه فيصل، ڪورنگي، قائد آباد، ناظم آباد، ڊفينس ۽ ٻين علائقن ۾ لوڊشيڊنگ *
  • *قاضي احمد ۾ وڌيڪ19 ڄڻن کي ڪورونا جي تصديق، متاثرن ۾ 5 عورتون به شامل *هڪ ڏينهن اڳ 86 ماڻهن جا سيمپلز ورتا ويا هئا، 19ڄڻن ۾ وائرس جي تصديق ٿي *
  • *نئون ڪوٽ: مٺي روڊ تي ٻن چنگچي رڪشائن وچ ۾ ٽڪر، 4 ڄڻا زخمي *اعواڻ پيٽرول پمپ ڀرسان ٻن چنگچي رڪشائن ۾ ٽڪر ٿيو، زخمي اسپتال منتقل *زخمين ۾ عمران راجپوت، عاقل، دانش راجپوت ۽ صداقت راجپوت شامل *

هالا ڀرسان ٻن ڀينرن کي مارڻ جي ڪوشش ڪندڙ ڀاءُ سوڌو 2 ڄڻا گرفتار: جاچ ۾ ڏوهه جو اعتراف

ڀينرن جو ڪردار ٺيڪ نه هو، تنهن ڪري ڪهاڙيون هڻي مارڻ پئي چاهيو: صاحب ڏنو ماڇي

سالي کي چيو ته غلطي ٿي ويندي آهي، ڀينرن کي نه مار: جوابدار جي گرفتار ڀيڻويي جو بيان

هالا (ن پ ا) هالا ڀرسان ڪردارٺيڪ نه هجڻ جو الزام هڻندي ڀاءُ هٿان زخمي ڪيل 2 ڀينرن جي حالت ڳڻتي جوڳي، ڪراچي ۽ حيدرآباد جي اسپتالن ۾ داخل، هالا پراڻا ٿاڻي جي حد اڇي مسجد ڀرسان ڳوٺ ميهار ماڇي ۾ اءُ صاحب ڏنو ماڇي پنهنجين ٻن ڀيڻن خيربانو زال فدا ماڇي ۽ هوا زال غلام حيدر ماڇي کي ڪهاڙيون هڻي زخمي ڪيو هو، زخمي عورتن جي چاچي قادر بخش ماڇي جي فرياد تي نارين جي ڀاءُ صاحب ڏنو ماڇي ۽ ٻنهي نارين جي مڙسن فدا ماڇي ۽ غلام حيدر ماڇي مٿان ڪيس داخل ڪيو ويو، قادربخش ماڇي ڪيس ۾ ڄاڻايو ته نارين جي ڀاءُ صاحب ڏنو ماڇي ڀائٽين جي مڙسن جي چرچ تي ڇوڪرين کي زخمي ڪيو آهي، هالا پراڻا پوليس ڪيس جي مک جوابدار ۽ نارين جي ڀاءُ صاحب ڏنو ماڇي ۽ ان جي ڀيڻوئي غلام حيدر ماڇي کي گرفتار کي گرفتار ڪري ورتو.
جوابدارن جو وڊيو بيان
زخمي نارين جي ڀاءُ صاحب ڏنو بيان ڏيندي چيو ته مون پنهنجي ڀينرن کي پاڻ ڪهاڙيون هنيون آهن، هُنن جو ڪردار ٺيڪ نه هو، اسان کي مائٽن ۾ بدنام ڪري رهيون هيون، پيءُ جي عزت نه پيون ڪن، هُن چيو ته چئي چئي ٿڪجي پياسين پر نه سڌريون، واقعي ۾ مون سان ڪو به گڏ ڪونهي، آئون اڪيلو آهيان، 5، 6 ڀيرا هُنن کي سمجهايو پر نه مڙيون ان کانپوءِ ٻنهي کي ڪهاڙيون هنيون، گرفتار ڪيل ٻي جوابدار غلام حيدر ماڇي چيو ته مون صاحب کي سمجهايو ته نه مار ڀينرن کي، انسان آهن، غلطيون ڪنهن کان به ٿي سگهن ٿيون، صاحب ڏنو نه مڙيو، منهنجي گهر واري کي ڪهاڙيون هڻي قتل ڪرڻ جي ڪوشش ڪئي، مون کي به ڌڪا ڏنا.

Bookmark the permalink.