تازا ترين
  • *نواب شاهه: صحافي عزيز ميمڻ جو قتل ڪيس ڪئميرامين اويس قريشي سوڌو 5 جوابدارن خلاف داخل*
  • *جيڪب آباد: مهڪ ڪماري جي ننڍي ۾ عمر ۾ شادي ڪرائڻ جو ڪيس داخل*
  • *قبضا مافيا کي ڪير ڪجهه نٿو چوي، پر عوامي مفادن لاءِ ڪم ڪندڙن خلاف ڪيس داخل ٿيندا آهن: سنڌ هاءِ ڪورٽ*
  • *پ پ اڳواڻ سردار چانڊيو ۽ برهان چانڊيو خلاف انڪوائري مڪمل: جوابدارن جي عبوري ضمانت ۾ واڌ*
  • رستم ڀرسان ڪارنهن تهمت هيٺ عورت قتل، لاش گم،2 گرفتار*ڳوٺ سردار خادم جتوئي ڀرسان 15 ڏينهن اڳ ڀاءُ پنهنجي ڀيڻ سبحان خاتون کي قتل ڪري لاش گم ڪري ڇڏيو*
  • ڪورونا وائرس:چين ۾فوتين جو انگ 2 هزار کان وڌي ويو*هن وقت تائين 2004 ماڻهو فوت ٿي چڪا آهن، متاثرن جو انگ 74 هزار کان وڌيڪ آهي: چين*

هالا پوليس پاران 4 ڏينهن اڳ بدنام ڏوهاري ڄاڻائي ماريل نوجوان جو لاش وارثن کي نه مليو، ماءُ عدالت پهچي وئي

پوليس پٽ دوست علي جو لاش نه ٿي ڏئي، وٺرائي ڏيو ته تدفين ڪرايان: مسمات ڇٽان مري

دوست علي جي ماءُ لاش وصول ڪرڻ لاءِ قانوني گهرجون پوريون ناهن ڪيون: پوليس

مٽياري(رپورٽر) هالا پوليس پاران بدنام ڏوهاري ڄاڻائي مقابلي ۾ ماريل نوجوان جو لاش اڃا تائين وارثن کي نه مليو، سندس ماءُ عدالت پهچي وئي. مسمات ڇٽان زال حاجي نظام ٻرڙو ڊسٽرڪٽ اينڊ سيشن جج مٽياري جاويد احمد ڪيريو جي عدالت ۾ درخواست داخل آهي، جنهن ۾ هن موقف اختيار ڪيو ته هالا پوليس منهجي پٽ دوست علي کي مقابلو ڄاڻائي ماري ڇڏيو آهي، پوليس پٽ جو لاش نه ٿي ڏئي. هن عدالت کي استدعا ڪئي ته پوليس کان پٽ جو لاش وٺرائي ڏنو وڃي ته جيئن سندس تدفين ڪرائي سگهان. رابطو ڪرڻ تي ايس ايڇ او هالا شاهد ملڪ ٻڌايو ته مارجي ويل بدنام ڏوهاري دوست علي جي ماءُ لاش وصول ڪرڻ لاءِ قانوني گهرجون پوريون نه ڪيون ۽ لاش وٺڻ لاءِ سڌي سول اسپتال حيدرآباد جي سرد خاني پهتي هئي، اتان کيس پوليس جو ليٽر وٺي اچڻ جو چئي واپس موٽايو ويو. عدالت ۾ پٽيشن داخل ڪرائڻ کان 2 ڏينهن اڳ مسمات ڇٽان الزام مڙهيو هو ته سندس ڏير جو پٽ قانوني گهرجون پوريون ڪرڻ لاءِ هالا ٿاڻي تي ويو هو پر پوليس ليٽر ڏيڻ بدران کيس حراست ۾ وٺي ڇڏيو. واضح رهي ته 4 نومبر تي هالا ويجهو فصل مان ٽنڊو آدم واسي شخص دوست علي مري جو لاش هٿ آيو هو، جنهن کي پوليس ڏوهاري ڄاڻائي مقابلي ۾ مارڻ جي دعويٰ ڪئي هئي. پوليس جو چوڻ آهي ته دوست علي خلاف مختلف ٿاڻن تي ڪيس داخل ٿيل آهن.

Bookmark the permalink.