تازا ترين
  • *ڊپٽي ڪمشنر ملير پاران چئن مهينن کان گلشن حديد ۾ لڳايل لاڪ ڊائون هڪ هفتي لاءِ ختم ڪري ڇڏيو *ڊي سي ملير ايم پي اي ساجد جوکيو ۽ واپاري اڳواڻن سان ڳالهين بعد اهڙو فيصلو ڪيو *ڪورونا ڪيس وڌڻ جي صورت ۾ ٻيهر لاڪ ڊائون ڪيو ويندو: ڊي سي ملير *
  • *لاڙڪاڻي ۾ ڳوٺاڻن جو بااثرن جي مبينا زيادتين خلاف ڌرڻو، ٽائرن کي باهيون *ڳوٺ نهال واسين بااثرن خلاف جناح باغ چوڪ تي ٽائرن کي باھيون ڏئي روڊ بلاڪ ڪري ڇڏيو *بااثر گهر ۾ گهڙي عورتن تي وحشياڻو تشدد ڪري ڀڃ ڊاهه ڪئي: مظاهرين *
  • *نواب ولي محمد ويجهو وونئڻن جي فصل کي اسپري ڪرڻ دورن بيهوش ٿي ويل نينگر دم ڏئي ڇڏيو *ڳوٺ حسين بخش چانڊيو ۾10 ڏينهن اڳ نينگر عمران چانڊيو فصل کي اسپري دوران بيهوش ٿي ويو هو *نينگر اڄ نوابشاهه اسپتال ۾ دم ڏنو*
  • *مٽياري: عدالت پاران محب کوسو قتل ڪيس ۾ ٻن جوابدارن جي ضمانت واري درخواست رد *جوابدار علي محمد کوسو ۽ خان محمد کوسو عدالت ۾ وڪيل معرفت ضمانت لاءِ درخواست داخل ڪرائي هئي *2019 ۾ کوسا برادري جي ٻن ڌرين ۾ جهيڙي دوران محب کوسو مارجي ويو هو *مقتول جي ڌيءُ عائشه کوسو جي فرياد تي نيو سعيدآباد ٿاڻي تي ڪيس داخل ڪيو ويو هو*
  • *سڪرنڊ ۾ آبادگارن پاران پاڻي کوٽ خلاف ايريگيشن آفيس اڳيان ڌرڻو، ٽائرن کي باهيون*
  • *سنڌڙي: هوٽل مان هڪ شخص جو لاش هٿ، اسپتال منتقل *مگسي ھوٽل مان پيرونمل واسي 50ورھين جي شاھنواز ڳاھو جو لاش هٿ *
  • *ٽنڊوغلام علي ويجهو نوجوان ڦاهو کائي آپگهات ڪري ڇڏيو *ديھه واڳھريجي ۾ 26 ورهين جي اشوڪ پٽ اجمل ٺاڪر بيماري کان تنگ اچي زندگي جو ڏيئو اجهايو*
  • *مٺياڻي رورل هيلٿ سينٽر جون 4 ليڊي هيلٿ ورڪرز ڪورونا جو شڪار *ڪورونا ۾ مبتلا ليڊي هيلٿ ورڪرز کي سندن گهرن ۾ آئيسوليٽ ڪيو ويو *مٺياڻي ۾ ڪورونا متاثرن جو انگ وڌي 10 ٿي ويو*
  • *ميرپورخاص ضلعي ۾ ڪورونا وائرس جا وڌيڪ 50ڪيس ظاھر، متاثرن جو انگ 850 ٿي ويو*
  • *ڪوٽ غلام محمد ۾ چوپائي مال جي پڙي لڳائي وئي، مالوندن ۽ واپارين جي پيهه *مال پڙي تي سوين مالوند ۽ واپاري پهچي ويا، سماجي وٿي وارا اصول نظرانداز*
  • *ڪشمور ضلعي ۾ ڪورونا وائرس جا وڌيڪ 26 ڪيس ظاهر، متاثرن جو انگ 489 ٿي ويو *ڪجهه ڏينهن اڳ 169ماڻهن جا سيمپل ورتا ويا هئا، 26ڄڻن ۾ وائرس جي تصديق ٿي: فوڪل پرسن*
  • *ڪرمپور :ڳوٺ عمران خان بجاراڻي وٽ نصير شاخ کي 15فوٽ گهارو پئجي ويو *گهاري سبب سوين ايڪڙن تي پوکيل ساريالو فصل ۽ ٻيجارو پاڻي هيٺ اچي ويو *اطلاع باجود آبپاشي عملو نه پهتو،ڳوٺاڻا پنهنجي مدد پاڻ تحت گهارو بند ڪرڻ ۾ رُڌل *
  • *ڪراچي: ڊيري فارم ائسوسيئيشن جي صدر جو ڪمشنر ڪراچي کي چئلينج *کير جي اگهن ۾ واڌ وارو فيصلو واپس نه ورتو آهي: ڊيري فارم ائسوسيئيشن صدر *دٻاءُ وجهڻ جي ڪوشش ڪئي ته سُپر هاءِ وي ۽ نيشنل هاءِ وي تي مينهون بيهاري ڇڏينداسين: شاڪر عمر گجر*
  • *جوهي ۾ پاڻي کوٽ خلاف آبادگارن پاران احتجاجي ريلي ڪڍي وئي *پڇڙي جي آبادگارن هڪ ڪلو ميٽر ريلي ڪڍڻ بعد علامتي بک هڙتال تي ويهي رهيا *
  • *ڄامشورو ۾ وڌيڪ 17ڪورونا جا ڪيس ظاھر، متاثرن جو انگ وڌي 865ٿي ويو *گذريل ڏينھن 113ماڻهن جا سيمپلز ورتا ويا هئا، 17 ڄڻن ۾ وائرس جي تصديق ٿي *متاثرن ۾ مانجھند، ٿاڻوبولاخان واسي ۽ ڪوٽڙي جا رهواسي شامل آھن *

نينگري جي سنگسار جا ثبوت نه مليا: راند ڪندي شمع کي مٿي ۾پٿر لڳو: ساٿي ٻارڙا

پوليس جنازي نماز پڙهائيندڙ مولوي کي ساڻ ڪري ڳوٺ شاهي مڪان پهتي، ٻارڙن کان بيان ورتا ويا

والدين کان به 24 ڪلاڪن کان جاچ ۾ قتل بابت ڪو اعترافي بيان نه آيو، نينگري جي ماءُ پيءُ کان ڌار ڌار پڇا ڳاڇا

دادو/واهي پانڌي (رپورٽ: فتاح شيخ+ عابد لاشاري)واهي پانڌي پوليس کي جاچ ۾ نينگري گل شمع جي قتل واقعي جو سراغ نه مليو ، ڳوٺ شاھ مڪان پهتل واهي پانڌي پوليس کي ٻارڙن ٻڌايو ته هوراند کيڏي رهيا هئا ته مٿان جبل تان ڪريل پٿر گل شمع کي لڳو ، مقتول نينگري جي ماءُ ليلان کي جاچ لاءِ ليڊيز پوليس حوالي ڪري دادو پهچايو ويو، نينگري جي پيءُ کي به جوهي ٿاڻي تي منتقل ڪيو ويو. واهي پانڌي پوليس پاران سوشل ميڊيا تي واهي پانڌي ڀرسان ڳوٺ شاھي مڪان ۾ 9 سال جي نينگري گل شمع رند کي سنگسار ڪري قتل ڪرڻ واري پوسٽ کي جواز بڻائي نينگري جي پيءُ علي بخش رند، جنازي نماز پڙهائيندڙ مولوي سميت 5 ڄڻن خلاف ايف آءِ آر داخل ڪري گرفتاريون ڪرڻ وارو معاملو تڪراري بڻجي ويو آهي. ڪالهه ڊي ايس پي جوهي پير بخش چانڊيو جي اڳواڻي ۾ واهي پانڌي پوليس 9 سال جي گل شمع جي جنازي نماز پڙهائيندڙ مولوي ممتاز لغاري کي ساڻ ڪري شاهي مڪان پهچي واقعي واري هنڌ جو معائنو ڪيو جتي پوليس کي رت جا نشان مليا ۽ اهلڪارن اتي موجود ٻارڙن کان واقعي بابت پڇا ڪئي، جن اهلڪارن کي ٻڌايو ته هو اتي راند کيڏي رهيا هئا ته مٿان جبل تان پٿر ڪريو جيڪو گل شمع کي لڳو ۽ هوءَ فوت ٿي وئي جنهن کانپوءِ پوليس نينگري گل شمع جا واقعي واري وقت پاتل ڪپڙا وارثن کان وٺي نينگري جي پيءُ علي بخش رند ۽ ماءُ ليلان کي ٻي معصوم ڌيءُ سميت حراست ۾ وٺي واهي پانڌي ٿاڻي تي آڻي کائن 24 ڪلاڪن تائين جاچ ڪئي پوءِ به پوليس کي نينگري کي قتل ڪرڻ جو ڪو به سراغ نه ملي سگهيو آهي. پوليس ذريعن موجب گل شمع جي ماءُ ليلان کي معصوم ڌيءُ سميت وڌيڪ پڇا لاءِ ليڊيز پوليس حوالي ڪري دادو منتقل ڪيو ويو آهي. پوليس ذريعن موجب نينگري جي پيءُ علي بخش کي پڻ جوهي ٿاڻي تي منتقل ڪيو ويو آهي. دادو پوليس کيرٿر جي علائقي شاهي مڪاني ۾ مبينا سنگسار ڪيل نينگري جي قبر ڪشائي لاءِ عدالت کي درخواست ڏئي ڇڏي مئجسٽريٽ جي نگراني ۾ نينگري جي قبر ڪشائي ڪري لاش جو پوسٽ مارٽم ڪيو ويندو ٻئي نينگري جي قبر تي پھري لاءِ پنج اهلڪار مقرر ڪيا ويا آهن. واهي پانڌي پوليس پاران سرڪاري مدعيت ۾ گل شمع جي قتل جي داخل ڪيل ايف آءِ آر ۾ جوابدار طور نامزد ڪيل تاج محمد رستماڻي ۽ ٻين جي گرفتاري لاءِ سندن گهرن تي ڇاپا هنيا آهن پر آخري اطلاعن وڌيڪ ڪا گرفتاري عمل ۾ ناهي آئي.

Bookmark the permalink.