تازا ترين
  • *نواب شاهه: صحافي عزيز ميمڻ جو قتل ڪيس ڪئميرامين اويس قريشي سوڌو 5 جوابدارن خلاف داخل*
  • *جيڪب آباد: مهڪ ڪماري جي ننڍي ۾ عمر ۾ شادي ڪرائڻ جو ڪيس داخل*
  • *قبضا مافيا کي ڪير ڪجهه نٿو چوي، پر عوامي مفادن لاءِ ڪم ڪندڙن خلاف ڪيس داخل ٿيندا آهن: سنڌ هاءِ ڪورٽ*
  • *پ پ اڳواڻ سردار چانڊيو ۽ برهان چانڊيو خلاف انڪوائري مڪمل: جوابدارن جي عبوري ضمانت ۾ واڌ*
  • رستم ڀرسان ڪارنهن تهمت هيٺ عورت قتل، لاش گم،2 گرفتار*ڳوٺ سردار خادم جتوئي ڀرسان 15 ڏينهن اڳ ڀاءُ پنهنجي ڀيڻ سبحان خاتون کي قتل ڪري لاش گم ڪري ڇڏيو*
  • ڪورونا وائرس:چين ۾فوتين جو انگ 2 هزار کان وڌي ويو*هن وقت تائين 2004 ماڻهو فوت ٿي چڪا آهن، متاثرن جو انگ 74 هزار کان وڌيڪ آهي: چين*

نمرتا ڪيس: عدالتي جاچ ايندڙ هفتي مڪمل ٿيڻ جا امڪان: ڊي آءِ جي پاران رڪارڊ پيش

نمرتا ڪيس ۾ طلب ڪيو ويو، سموري معلومات سيشن جج حوالي ڪئي آهي: ايس پي بنگش

ايف آءِ آر بابت جيئن جج صاحب چوندو، ائين ڪبو (بنگش)؛ ڊاڪٽر وشال رائونڊ تي آهي

لاڙڪاڻو ( رپورٽ نثار کوکر) آصفه ڊينٽل ڪاليج جي شاگردياڻي نمرتا واقعي جي عدالتي جاچ ڪندڙ سيشن جج سان لاڙڪاڻي جي ڊي آءِ جي ۽ ايس ايس پي جي ملاقات، نمرتا جو پوسٽ مارٽم ڪندڙ وومين ميڊيڪل آفيسر ڊاڪٽر امرتا فائنل پوسٽ مارٽم رپورٽ سميت اڄ طلب. عدالتي جاچ ايندڙ هفتي مڪملٿيڻ ۽ رپورٽ پيش ٿيڻ جا امڪان، ان ڏس ۾ گڏ ڪيل معلومات موجب آصف ڊينٽل ڪاليج جي شاگردياڻي ڊاڪٽر نمرتا ڪيس جي عدالتي جاچ ڪندڙ ڊسٽرڪٽ اينڊ سيشن جج اقبال احمد ميتلو سان ڪالهه لاڙڪاڻي جي ڊي آءِ جي عرفان بلوچ ۽ ايس ايس پي مسعود بنگش ملاقات ڪئي. سيشن جج سان انهي گڏجاڻي بابت ايس ايس پي مسعود بنگش ٻڌايو ته جج صاحب جو ارادو آهي ته هو ايندڙ هفتي جوڊيشل انڪوائري مڪمل ڪري رپورٽ گهرو کاتي حوالي ڪندو. پنهنجي اخبار سان ڳالهائيندي هن چيو ته اسانکي نمرتا ڪيس ۾ طلب ڪيو ويو هو، اسان گڏ ڪيل معلومات سيشن جج حوالي ڪئي.هن چيو ته نمرتا ڪيس ۾ سي سي ٽي وي فوٽيج مددگار ناهن، انهن مان ڪا خاص ڳالهه واضح ٿي نه ملي سگهي آهي. جڏهن ته اسان موبائل فونن جي ڊيٽا، فارنزڪ ايگزامينيشن رپورٽ، ڪيميڪل رپورٽ، ڊي اين اي رپورٽ سميت گهربل سمورا دستاويز جوڊيشل انڪوائري وٽ جمع ڪرايا آهن. اسان جي انويسٽيگيشن آفيسرن جا بيان پڻ ريڪارڊ ڪيا ويا آهن.ايس ايس پي چيو ته نمرتا ڪيس جي ايف آءِ آر داخل ڪرڻ بابت جيئن جج صاحب چوندو، اسان ائين ڪنداسين. هن چيو ته هي ڪيس جيئن ته هاڻي جوڊيشل معاملو بڻجي ويو آهي، تنهنڪري اسان جوڊيشل انڪوائري جي انتظار ۾ آهيون، اها رپورٽ گهروکاتي وٽ پيش ٿيندي،.ٻئي طرف ڊاڪٽر نمرتا جي فائنل پوسٽ مارٽم رپورٽ تيار ڪندڙ ڊاڪٽر امرتا کي سڀاڻي جوڊيشل انڪوائري ڪندڙ جج فائنل پوسٽ مارٽم رپورٽ سميت طلب ڪري ورتو آهي. ٻئي طرف ڊاڪٽر نمرتا ڪيس ۾ سڀ کان پهريان ڀرپور آواز اٿاريندڙ سندس ڀاءُ ڊاڪٽر وشال فائنل پوسٽ مارٽم رپورٽ تي ڪو ڪمينٽ نه ڏنو، پنهنجي اخبار پاران رابطو ڪرڻ تي ڊاڪٽر وشال جو فون اٽينڊ ڪندڙ شخص اردو ۾ چيو ته ڊاڪٽر صاحب رائونڊ تي آهي ،توهان بعد ۾ فون ڪجو، بعد ۾ ڊاڪٽر وشال جو فون ئي بند ٿي ويو.

Bookmark the permalink.