تازا ترين
  • سنڌ ۾ ٽئين ڏينهن به برسات جو سلسلو جاري، ڪيترن ئي علائقن ۾ روڊن رستن بيٺل پاڻي نيڪال نه ٿي سگهيو*ڪراچي، سيوهڻ، فيض گنج، مورو،جوهي، ڦل خيرپور، گهوٽڪي، حيدرآباد، لاڙڪاڻو، ڪنڌڪوٽ، سکر،ن وشهروفيروز، دادو، سانگهڙ ۽ ٻين شهرن ۾ برسات *يونيورسٽي روڊ، شاهراهه فيصل، کارادر، سنڌ اسيمبلي، سنڌ هاءِ ڪورٽ ۽ ٻين روڊن تي پاڻي بيٺل هجڻ سبب شهرين کي ڏکيائيون پيش*

مٽياري ٽائون ملازمن جي مطالبن لاءِ هڙتال، شهرين پاران حمايت، ريلي

ملازمن ٽائون آفيس کان پريس ڪلب تائين ريلي ڪڍي نعرا هنيا

ٽائون آفيسر بئنڪ ۾ پگهارون ڏيڻ کان ڦري ويو: اڳواڻ

مٽياري (رپورٽ: ڪامران ميمڻ) ٽائون ڪاميٽي مٽياري جي ملازمن ٽن مهينن کان پگهارون نه ملڻ خلاف ڇهين ڏينهن به احتجاج جاري، ٽائون آفيس کان پريس ڪلب تائين ريلي ٽائون آفيسر هٽايو جا نعرا، شهرين به ملازمن جي حمايت طور احتجاج ۾ شرڪت ڪئي، مٽياري ٽائون ڪاميٽي جي ملازمن ٽن مهينن کان پگهارون نه ملڻ خلاف ستين ڏينهن تي به آفيس جي تالا بندي ڪندي ڪم ڇڏ هڙتال ڪري ٽائون آفيس کان پريس ڪلب تائين ريلي ڪڍي احتجاج ڪيو، ان موقعي تي ملازم ٽائون آفيسر هٽايو جا نعرا هڻي رهيا هئا ملازمن جي احتجاج ۾ شهري به حمايت ۾ نڪري آيا، ان موقعي تي ملازم تنظيم جي اڳواڻن نديم قائمخاني، اويس ميمڻ ۽ ٻين جو چوڻ هو ته ٽن مهينن کان ٽائون آفيسر نه هجڻ ڪري پگهارون بند هنيون جن کي جاري ڪرڻ لاءِ ايم پي اي مٽياري ۽ ضلعي چئيرمين به ٽياڪڙي ڪئي جنهن بعد ڪجهه پگهارن جو آسرو ٿيو پر عين موقعي تي ٽائون آفيسر ڦري ويو جنهن بعد اسان کي مليل خوشي وري غم ۾ تبديل ٿي وئي هنن چيو ته اسان جي ڪافي اهڙا ملازم آهن جن جو گذر سفر فقط پگهار تي آهي ٽن مهينن کان پگهارون نه ملڻ جي ڪري اهي فاقه ڪشي ڪاٽي رهيا آهن ۽ ٿڌ جي موسم هجڻ سبب ڪيترن ملازمن جا ٻار بيمار آهن انهن وٽ پنهجي ٻچن جو علاج ڪرائڻ لاءِ به ٽڪو نه آهي جنهن سبب ڪيترا ئي ملازم مايوس ٿي ويا آهن ۽ انتهائي قدم کڻڻ جو سوچي رهيا آهن هاڻ اگر اسان جي ڪنهن به ملازم کي ڪجهه به ٿيو ته انجو ذميوار ٽائون آفسير هوندو اسان اعلي اختيارين کان مطالبو ڪريون ٿا ته فوري طور تي ٽائون آفيسر کي هٽائي نئون ٽائون آفيسر مقرر ڪري اسان جو پگهارون جاري ڪيون وڃن نه ته ٻئي صورت ۾ احتجاج جو دائرو وڌايو ويندو. هوڏانهن ملازمن جي ستن ڏينهن کان جاري ڪم ڇڏ هڙتال سبب سمورو شهر گندگي جي ور چڙهي ويو آهي ۽ گٽرن اٿلڻ سبب گٽرن جو گندو پاڻي هاڻ گهرن، مسجدن ۽ اسڪولن ۾ داخل ٿي رهيو آهي ۽ ايجوڪيشن، سرڪاري اسپتال سميت ٻين آفيسن ڏانهن به رخ ڪرڻ لڳو آهي ۽ هر گهٽي ۽ چوراهن تي گندگي جا ڍير لڳي ويا آهن. شهر جي اهڙي صورتحال تي شهري تمام گھڻا پريشان ۽ ڪاوڙيل آهن پاڻي هجڻ سبب مين ڪاروباري مرڪز به بند پيل آهي ۽ اسڪول ايندڙ ويندڙ شاگردن کي به ڪافي ڏکيائون پيش اچي رهيون آهن.

Bookmark the permalink.