تازا ترين
  • توهان جي اقرباپروري تباهي مچائي ڇڏي آهي، پنهنجي مقرريءَ تي جواب ڏيو: سنڌ هاءِ ڪورٽ طرفان سيڪريٽري فوڊ تي ڪاوڙ جو اظهار*خوراڪ کاتي جي سيڪريٽري لئيق احمد جي مقرري ئي غيرقانوني آهي، توهان ته سيڪشن آفيسر آهيو: چيف جسٽس احمد علي شيخ*فلور ملز مالڪن کي رهتون ۽ مارڪ اپ جي رقم فوري جمع ڪرائڻ جو حڪم: جوابدار رحمت الله شيخ جي ضمانت درخواست تي فيصلو محفوظ*

ميرپور ميونسپل ڪميٽي ۾ اختلاف تيز، چيئرمين جا سي ايم او تي ڪرپشن جا الزام

بجيٽ پيش ڪرڻ تان اختلافن بعد چيئرمين ڪامران شيخ پاران شفيق شاهه کي هٽائڻ جو مطالبو

سي ايم او اڳوڻي چيئرمين سان گڏجي 60 ڪروڙ جي ڪرپشن ڪئي پر ڪارروائي نه ٿي: ڪامران

ميرپورخاص(رپورٽ: وارث خاصخيلي) ميونسپل ڪميٽي ميرپورخاص جي چيئرمين ڪامران شيخ ۽ سي ايم او شفيق شاهه ۾ بجٽ پيش ڪرڻ واري معاملي تا اختلاف تيز ٿي ويا آهن، چيئرمين طرفان سي ايم او تي ڪرپشن جا الزام ھڻي کيس ھٽائڻ جو مطالبو ڪري ڇڏيو آهي، جڏهن ته سي ايم او شفيق شاهه الزام رد ڪندي پيش ٿيل بجٽ تي اختلاف رکندي صحيح ڪرڻ کان انڪار ڪري ڇڏيو آهي. ان ڏس ۾ ميونسپل ڪميٽي جي چيئرمين انجنيئر ڪامران شيخ پريس ڪانفرنس ڪندي الزام ھنيو آھي ته سي ايم او ميونسپل ڪميٽي کي پنهنجي جاگير سمجھي ڇڏيو آهي، ميونسپل ڪميٽي جي 20-2019ع جي سالياني بجيٽ اڪثريتي راءِ سان 42 ڪائونسلرن طرفان منظور ڪئي وئي، جڏهن ته عوام دشمن سي ايم او شفيق شاھ ان کان انڪاري بڻيل آھي. سي ايم او اڳوڻي چيئرمين سان ملي 60 ڪروڙ رپين جي ڪرپشن ڪئي آھي ۽ ميونسپل ڪميٽي جي قيمتي ملڪيتن کي ڳري رشوت عيوض ڀڳڙن مٺ تي وڪرو ڪري رھيو آھي ۽ ٽيڪس اوڳاڙڻ وارا ٺيڪا من پسند ماڻهن کي ڏنا آھن. هن وڌيڪ چيو ميونسپل ڪميٽي جي اڪائونٽ ۾ 26 ڪروڙ رپيا عوام جي ڀلائي ۽ شھر جي ترقي وارن ڪمن لاء رکيل آهن پر سي ايم او انهن پئسن کي پ پ جي اڳواڻن سان ملي نالا پروجيڪٽ جي نالي تي رقم کي ھڙپ ڪرڻ چاھي ٿو، اھڙي شڪايت جو ليٽر چيف سڪريٽري سڪريٽري بلديات ڏانھن اماڻيو ويو آهي، پر اسان کي انصاف جي اميد ناهي ڇو جو سڪريٽري ۽ وزير پ پ جا آهن. آئون وزيراعظم عمران خان ۽ اعليٰ عدليه کي اپيل ڪيان ٿو ته سي ايم او شفيق شاهه جي اهڙي غيرقانوني حرڪتن جو نوٽس وٺي ميرپورخاص جي ميونسپل ڪميٽي ۽ عوام سان انصاف ڪيو وڃي.
چيئرمين وٽ ڪرپشن جو ثبوت آهي ته عوام آڏو رکي: سي ايم او
ميرپورخاص: ميرپور خاص جي سي ايم او چيئرمين جا الزام رد ڪري ڇڏيا آهن، ان سسلسلي ۾ پنهنجي اخبار پاران رابطو ڪرڻ تي سي ايم او سيد شفيق شاھ الزامن کي رد ڪندي چيو آهي ته مون تي لڳايل سمورا الزام بي بنياد آهن بجيٽ غلط طريقي سان پيش ڪئي پئي وئي، اهو اڃان پروسس ۾ آهي پروسس مڪمل ٿيڻ بعد ان کي تسليم ڪيو ويندو، ڪرپشن ڪرڻ جو ڪو پروف چيئرمين وٽ آهن ته عوام آڏو پيش ڪري.

Bookmark the permalink.