تازا ترين
  • *ملڪ ۾ ڪورونا وائرس وڌيڪ 67 ڄڻن کان حياتيون کسي ورتيون*
  • *سنڌ جي مختلف شهرن ۾ رولو ۽ ڇتن ڪتن جو آزار گهٽجي نه سگهيو، 20 کان وڌيڪ ٻاڙن ۽ عورتن کي ڇتن ڪتن ڏاڙهي زخمي ڪري ڇڏيو*لاڙڪاڻي ۾ ڪتن ٻن ٻارڙن سميت 4 ڄڻن کي ڏاڙهي وڌو، متاثرن ۾ 6 ورهين جي خوشبو شيخ، 13 سالن جو ناصر، 50 سالن جو اختيار ۽ ٻيا شامل*موري ۾ راند ڪندڙ نينگر کي رولو ڪتي ڏاڙهي زخمي ڪري ڇڏيو، زخمي نينگر کي سندس والد کڻي اسپتال پهتو جتي وئڪسين نه ملڻ ڪري واپس گهر روانو ٿي ويو*

ميرپور ماٿيلو: جهيڙي ۾ ٽن ڄڻن جي قتل ڪيس جو 11 سالن کانپوءِ فيصلو: 5 جوابدارن کي 3 -3 ڀيرا عمر قيد جي سزا

2008ع ۾ جهيڙي دوران سڪندر، فرمان ۽ سرهاڻ بوزدار مارجي ويا هئا

گهوٽڪي (رپورٽر) ميرپور ماٿيلو ۾ بوزدار ۽ گڏاڻي برادري جي ٻن ڌُرين ۾ خوني جهيڙي دوران 3 ڄڻن جي قتل ڪيس جو 11سالن کانپوءِ فيصلو اچي ويو. عدالت 5 جوابدارن کي 3-3 ڀيرا عمر قيد جي سزا ٻڌائي ڇڏي آهي. گهوٽڪي جي ماڊل ڪرمنل ڪورٽ ۾ ٽن ڄڻن سڪندر علي بوزدار، فرمان بوزدار ۽ سرهاڻ بوزدار جي قتل ڪيس تي ٻڌڻي ٿي، جنهن دوران پوليس جوابدارن کي پيش ڪيو ۽ فريادي به پيش ٿيا. ڌرين جا دليل ٻڌڻ بعد ماڊل ڪورٽ فيصلو ڏنو ۽ ڏوهه ثابت ٿيڻ تي 5 جوابدارن کي 3 -3 ڀيرا عمر قيد جي سزا ٻڌائي ڇڏي، جڏهن ته جوابدارن مٿان 5-5 لک رُپيا ڏنڊ به رکيو ويو آهي.
سزا مليل جوابدارن ۾ قائم الدين گڏاڻي، محمد پناهه گڏاڻي، عباس گڏاڻي، محمد الياس عرف محمد خان گڏاڻي، هزارو گڏاڻي شامل آهن. عدالت مان سزا ملڻ بعد سمورن جوابدارن کي سينٽرل جيل سکر منتقل ڪيو ويو آهي.
واضح رهي ته 11 سال اڳ 2008ع ۾ موٽر سائيڪل جي چوريءَ جي مامري تي گڏاڻي ۽ بوزدار برادري جي ٻن ڌورين ۾ خوني جهيڙو ٿيو، جنهن دوران مٿي ڄاڻايل 3 ڳوٺاڻا مارجي ويا هئا. ميرپور ماٿيلو ٿاڻي تي ڪيس داخل ٿيڻ بد جوابدارن کي گرفتار ڪيو ويو هو.

Bookmark the permalink.