تازا ترين
  • *خيبرپختونخواهه ۾ ٽن وزيرن کي ڪابينا مان نيڪالي ڏني وئي*
  • *ڪٿي به ناهي لکيو ته 2019ع ۾ پاڪستان اندر ڪرپشن وڌي آهي: ٽرانسپيرنسي انٽرنيشنل پاڪستان وضاحتي بيان جاري ڪري ڇڏيو*
  • *ڪرمپور ڀرسان ڌاڙيل ڳوٺاڻي کي مبينا اغوا ڪري ويا: اوڳاهي ۽ تيغاڻي برادري جون ڌُريون مورچابند: فائرنگ: علائقي ۾ خوف*
  • *ٺٽو ڀرسان ڪڪڙين سان ڀريل گاڏي پوليس پڪٽ ۾ ڪاهي پئي*
  • *حيدرآباد جي گُم ڄاڻايل ناري نئون ڪوٽ ۾ پوليس کي هٿ: اغوا ڪري وڪرو ڪيو ويو هو: نجمه خاصخيلي*
  • *اڳڙا ڀرسان مبينا مقابلو: هٿياربندن جي فائرنگ ۾ 2 اهلڪار زخمي*
  • *ريلوي کاتي جا جُڳاڙ: خيرپور ۾ ٽرين پٽڙيءَ تان لهي وئي: مسافرن جون دانهون*
  • *جنازي نماز ۾ شرڪت لاءِ ويندڙ ملير واسين جي گاڏي سان حادثو پيش آيو، 8 مسافرن جي حالت ڳڻتي جوڳي*
  • *ڳاڙهو لڳ گاڏي سِم نالي ۾ ڪري پئي: 30 کان وڌيڪ زخمي*

“ميري پاس تم هو” لاءِ آڇ ناڪاري ڪردار سبب ٿڏي ڇڏي: سونيا حسين

ڪراچي (شوبز نيوز) اداڪارا سونيا حسين تازو ڏنل هڪ انٽرويو ۾ سپر هٽ ڊرامي “ميري پاس تم هو” کي ٿڏڻ ۽ شوبز ۾ پيش ايندڙ اڻوڻندڙ واقعن بابت ڳالهايو، اداڪارا سونيا حسين جي ڳڻپ پاڪستان شوبز انڊسٽري جي باصلاحيت اداڪارائن ۾ ٿئي ٿي جيڪي ڊرامن سان گڏ فلمن ۾ به پنهنجي اداڪاريءَ جا جوهر ڏيکاري چڪا آهن. اڄ ڪلهه سندس ڊرامو “عشق زهي نصيب” هلي رهيو آهي جيڪو شوقين پسند ڪري رهيا آهن. سونيا حسين تازو ئي اداڪارا ميزبان عفت عمر جي شو ۾ شرڪت ڪئي جتي هن پنهنجي ڪيريئر بابت ڳالهايو. سونيا حسين ٻڌايو ته ڪيريئر جي شروعات ۾ جڏهن هو پنهنجو نالو ٺاهڻ جي ڪوشش ڪري رهي هئي ته ان وقت اداڪار بهروز سبزواريءَ جو رويو ان سان بلڪل سٺو نه هو ۽ سيٽ تي هن کيس ڏاڍو گھٽ وڌ ڳالهايو هو جنهن تي هوءَ روئڻ لڳي هئي، ايستائين جو هن اداڪاري پڻ ڇڏڻ جو ارادو ڪيو هو. سونيا حسين پنهنجي ڪيريئر جو اڻوڻندڙ واقعو ٻڌائيندي چيو ته جڏهن هوءَ تازو انڊسٽري ۾ آئي هئي ته هڪ مشهور برانڊ لاءِ کيس ماڊل ڪاسٽ ڪيو ويو. پر پوءِ رات جو هڪ وڳي ان ايجنسيءَ جي مالڪ کيس ميسيج ڪيو ته شوٽ بابت ڪجھه ڳالهائڻو آهي ان ڪري مون سان ملڻ اچ، ڊرائيو تي ٿا هلون، ان تي مون کيس چيو ته ڊرائيو تي ڪيئن ٿي ميٽنگ ٿئي، جنهن جي جواب ۾ ان شخص ميسيج ۾ چيو ته ته توهان بهانو نه بڻايو توهان جو تعلق انڊسٽري سان آهي جنهن تي مون کيس ڪو جواب نه ڏنو. ٻئي ڏينهن ڪمرشل جي شوٽ هئي پر پوءِ خبر پئي ته راتوواهه مون کي ان پراجيڪٽ مان آئوٽ ڪيو ويو آهي. ٻئي پاسي اداڪارا ڊراما سيريل ميري پاس تم هو بابت ٻڌايو ته عائزا خان کان اڳ کيس آڇ ڪئي وئي هئي پر ڪردار جي حوالي سان ڪجهه خدشا هئا تنهن ڪري انڪار ڪري ڇڏيو هو. سونيا عائزا خان جي ڪردار جي حوالي سان ٻڌايو ته هن ڪردار ذريعي عورتن کي ناڪاري انداز ۾ پيش ڪيو ويو آهي. اسان جي معاشري ۾ عورتن جي غلط تصوير پيش ڪئي وڃي ٿي. اهو ئي سبب هو مهوش جي ڪردار لاءِ انڪار ڪري ڇڏيو.



Bookmark the permalink.