تازا ترين
  • *ڏاهلي تعلقي ۾ ڪورونا وائرس جا وڌيڪ 14ڪيس ظاهر، متاثر گهرن ۾ آئيسوليٽ *ڇاڇرو ۽ ڏاهلي تعلقن ۾ ڪورونا جي متاثرن جو انگ143ٿي ويو*
  • *ٻانڌي ۾ ڪورونا جا وڌيڪ 7ڪيس ظاھر، متاثرن جو انگ وڌي11 ٿي ويو *سمورا متاثرن پنهنجي گهرن اندر آئيسوليٽ *3ڏينھن اڳ رورل ھليٿ سينٽر جي ملازمن سميت 50ماڻھن جا سيمپلز ورتا ويا هئا *7ڄڻن ۾ ڪورونا جي تصديق ٿي آهي: صحت کاتو*
  • *سکر: سرڪاري ڪڻڪ ۾ خرد برد ۽ اسمگلنگ ۾ ملوث جوابدارن خلاف نيب جي ڪارروائي *ڪڻڪ اسمگلنگ جي الزام ھيٺ نوشھرفيروز مان 3 ڄڻا گرفتار: نيب ذريعا *گرفتار ٿيلن ۾ عظيم آرائين، جمعا خان ۽ منور شامل آهن: نيب ذريعا *گرفتار جوابدارن تي ڪروڙين رپين جي ڪڻڪ اسمگل ڪرڻ جو الزام آهي: نيب ذريعا *
  • *جيڪب آباد ۾ مقتول نوجوان اسلم شاهه جي قاتلن جي گرفتاري لاءِ ڪيل احتجاج تي پوليس جي ڪاهه *پوليس مقتول نوجوان جي وارث عورتن ۽ ٻارڙن کي موبائل ۾ کنڀي کڻي وئي *
  • *ڪي اليڪٽرڪ کي واڌو گئس جي فراهمي باوجود بجلي جي اڻ اعلانيل لوڊشيڊنگ جاري *ملير، شاهه فيصل، ڪورنگي، قائد آباد، ناظم آباد، ڊفينس ۽ ٻين علائقن ۾ لوڊشيڊنگ *
  • *قاضي احمد ۾ وڌيڪ19 ڄڻن کي ڪورونا جي تصديق، متاثرن ۾ 5 عورتون به شامل *هڪ ڏينهن اڳ 86 ماڻهن جا سيمپلز ورتا ويا هئا، 19ڄڻن ۾ وائرس جي تصديق ٿي *
  • *نئون ڪوٽ: مٺي روڊ تي ٻن چنگچي رڪشائن وچ ۾ ٽڪر، 4 ڄڻا زخمي *اعواڻ پيٽرول پمپ ڀرسان ٻن چنگچي رڪشائن ۾ ٽڪر ٿيو، زخمي اسپتال منتقل *زخمين ۾ عمران راجپوت، عاقل، دانش راجپوت ۽ صداقت راجپوت شامل *

مورو ريلوي اسٽيشن 24 ورهين کان بند، پليٽ فارم، آفيسن تي قبضا، گھر ۽ اسڪول ٺهي ويا

ريلوي اسٽيشن جي بڪنگ واري آفيس، ٽڪيٽ گھر، ڦاٽڪن جي ڪمرن تي به قبضا، در، دريون ۽ ٻيو قيمتي سامان به چوري ٿي ويو

ريلوي لوپ لائين ٽنڊو آدم کان ڀٽ شاھ، هالا،سعيدآباد، سڪرنڊ، قاضي احمد، دولتپور، شاهپور جهانيان، مورو، مناهيُن تائين ويندي هئي

مورو: مورو ريلوي اسٽيشن تقريبن 24 سالن کان وٺي بند پيل آهي، جنهن ڪري ريلوي اسٽيشن جي بڪنگ واري بلڊنگ، ٽڪيٽ گھر سميت ريلوي جي ڪمرن، ڦاٽڪن تي ٺهيل ڪمرن ۽ پليٽ فارم تي قبضا ڪري گهر ۽ پرائمري اسڪولن جون بلڊنگون ٺاهيون ويون آهن، جڏهن ته ريلوي جي پٽڙين وارو لوھ ۽ دريون دروازا چوري ٿي وڪامجي ويا آهن. هوڏانهن ريلوي جي زمين ۽ اسٽيشن تي بنگلا، گهر ۽ دوڪان ٺهرائي ڪاروبار شروع ڪيا ويا آهن. هن ريلوي لائين کي لوپ لائين ڪري سڏيو ويندو هو. هن لوپ ريلوي لائين تي به گاڏيون هلنديون هيون. هي لوپ لائين ٽنڊو آدم کان شروع ٿيندي ڀٽ شاھ، هالا، سعيدآباد، سڪرنڊ، قاضي احمد، نواب ولي محمد، دولتپور، شاهپور جهانيان، مورو، مناهيُن، نوان جتوئي، ٺارو شاھ، درٻيلو ۽ ڪنڊيارَي بعد پڊعيدن ۾ مين لائين سان وڃي ملندي هئي، ان لوپ ريلوي لائين جي ٺاروشاھ اسٽيشن جنگشن هئي، جتي ريل گاڏيءَ کي ڪوئلو ۽ پاڻي مهيا ڪيو ويندو هو. هن لوپ لائين سان 24 سال اڳ سفري سهولتن سان گڏ وڻج واپار سميت، خط و ڪتابت پڻ واڳيل هئي. هيءَ اها اڪيلي سهوليت هوندي هئي جنهن سان عوام جو ڪار وهنوار هلندو رھندو هو. ڪراچي، حيدرآباد، سکر مان سِيڌي جي سامان سميت ٻيا وکر خريد ڪري ان ريل گاڏيءَ ذريعي موڪلبا هئا ۽ اهو سامان دوڪاندار پنهنجي دڪانن تي کڻي وڪرو ڪندا هئا، مورو جي ريلوي لائين بند ٿيڻ جي ڪري انهن شهرن سان ريلوي رابطو ختم ٿي ويو، ڪاروبار سميت ٻين سھولتن ۾ تمام گھڻيون ڏکيائون سامھون اچڻ لڳيون آهن. سروي دوران معلوم ٿيو آهي ريلوي لائين تي ريل گاڏي ۽ بس جو حادثو ٿيو ھو جنھن ۾ 14 ماڻھون اجل جو شڪار ٿيا ء ڪيترائي زخمي ٿيا، ڪافي معزور اڄ به بڻيل آھن، جنھن کانپوءِ نواز ليگ جي حڪومت ۾ ريل گاڏي کي بند ڪيو ويو، جيڪا ھن وقت تائين شروع ناھي ٿي سگھي. موجوده ريلوي وزير شيخ رشيد بند پيل ريلوي لائينن کي بحال ڪرڻ جو اعلان ڪندي ريل گاڏي شروع ڪرڻ جو چيو هو، جنھن ۾ مورو جو پڻ ذڪر ڪيو آھي، پر اڃا ان تي عمل ناهي ٿيو، جنهن ڪري شهري ريلوي اسٽيشن بحال ٿيڻ لاءِ ڊگھو انتظار ڪرڻ تي مجبور آهن.

Bookmark the permalink.