تازا ترين
  • ڪراچي پوليس جو سربراهه غلام نبي ميمڻ ڪورونا وائرس ۾ مبتلا ٿي ويو*ايڊيشنل آءِ جي غلام نبي ميمڻ ڪورونا جي تصديق بعد گهر ۾ آئسوليٽ ٿي ويو*
  • ڪراچي ۾ لاپتا ٿيل علي عمران 22 ڪلاڪن کانپوءِ ظاهر، گهرڀاتين سان فون تي رابطو*
  • *راڌڻ: پوليس اھلڪار نديم لاشاري جي ڪيس جو مک جوابدار گرفتار *سيھڙ پوليس ڳوٺ گھارو ۾ ڇاپو هڻي جوابدار جوابدار طالب سرگاڻي کي گرفتار ڪري ورتو*
  • *ٽنڊو محمد خان ويجهو رڪشا ۽ موٽرسائيڪل وچ ۾ ٽڪر،4ڄڻا زخمي *مير غلام علي پارڪ سامهون رڪشا ۽ موٽرسائيڪل وچ ۾ ٽڪر ٿي پيو *حادثي ۾ شاهه رخ ڀٽي، اڪبر پرهياڙ، قربان بروهي ۽ فاروق گنمڀير زخمي*
  • *دادو: ڇاڻو شاهه آباد پاڙي ۾ ذهني توازن ٺيڪ نه هجڻ ڪري ناري پنجن سالن کان گهر اندر زنجيرن سان ٻڌل *ڌيءُ جو ذهني توازن ٺيڪ ناهي، غربت سبب علاج نه ڪرائي سگهيا آهيون: پيءُ گل محمد سهارڻ *ڌيءُ جا زنجير کوليون ٿا ته ماڻهن سان وڙهي ٿي، ڌيءُ جي علاج ۾ مدد ڪئي وڃي: ماءُ *
  • *بلاول ڀٽو زرداري جو لاهور ۾ احتجاج تي ويٺل بلوچستان جي شاگردن واري معاملي تي بيان *پٺ تي پيل علائقن جي شاگردن کي ننڍيون مراعتون به نه ڏيڻ ذهني طور پوئتي ڌڪڻ برابر آهي: بلاول *هڪ شاگرد جي ٻئي صوبي ۾ تعليم حاصل ڪرڻ ثقافتي تبديلي جو سبب بڻجندو آهي: بلاول*
  • *مدئجي ويجهو اڻڄاتل گاڏي جي ٽڪر ۾ موٽرسائيڪل سوار نوجوان فوت *مگسي لاڙي ڀرسان اڻڄاتل گاڏي جي ٽڪر ۾ موٽرسائيڪل سوار غلام شبير ڌاريجو زخمي ٿي پيو *زخمي غلام شبير ڌاريجو کي اسپتال نيو پئي ويو ته هن رستي ۾ دم ڏئي ڇڏيو*
  • *گهوٽڪي ۾ ميونسپل ملازمن جو پگهارون نه ملڻ خلاف زرعي دوائون هٿن ۾ کڻي انوکو احتجاج *ملازمن پگهارون جاري نه ٿيڻ جي صورت ۾ آپگهات ڪرڻ جو چتاءُ ڏئي ڇڏيو *جيڪڏهن پگهارون جاري نه ٿيون ته آپگهات ڪنداسين، ذميوار چونڊيل نمائندا ۽ لاڳاپيل آفيسر هوندا: ملازم*
  • *سنڌ جي ٻيٽن بابت جاري ڪيل آرڊيننس خلاف حيدرآباد ۾ عوامي پورهيت تحريڪ طرفان احتجاج *سنڌ جا ٻيٽ سنڌ جي ملڪيت آهن، ٻيٽن تي ڪنهن به قسم جي تعمير جي اجازت نه ڏينداسين: اڳواڻ *وفاقي حڪومت سنڌ جي حقن تي ڌاڙا هڻڻ بند ڪري: اڳواڻ *وفاق سنڌ جي وسيلن تي قبضا ڪرڻ جي سازشن ۾ مصروف آهي: اڳواڻ *
  • *فيض گنج: صادق آباد مان مبينا اغوا بعد قيد ڪيل ناري ڳوٺ نور آباد ۾ پهچي وئي، تحفظ جي اپيل *عطا محمد اغوا ڪري زبردستي نڪاح ڪري گهر ۾ رسن سان ٻڌي ڇڏيو: بشرا خاتون *بس تي هوسٽ طور ڪم ڪندي هيس، هڪ عورت نوڪري ڏيارڻ بهاني گهرائي عطا محمد حوالي ڪيو: دانهون *جوابدار خلاف ڪيس داخل ڪري انصاف ڪرايو وڃي: بشرا خاتون *بشرا سان شادي ڪئي آهي، الزام ڪوڙا آهن: اغوا جي الزام هيٺ آيل عطاءَ محمد*
  • *لاهور هاءِ ڪورٽ ۾ چيئرمين نيب جي رمضان شگر مل جو قرض رجسٽرڊ ڪرائڻ خلاف اپيل رد *عدالت ايس اي سي پي کي شگر مل جو قرض رجسٽرڊ ڪرڻ جو حڪم ڏنو هو: فيصلو *هاءِ ڪورٽ جي قرض رجسٽرڊ ڪرڻ خلاف نيب چيئرمين اپيل داخل ڪرائي هئي: فيصلو *چيئرمين نيب جي اپيل ٻڌڻي جوڳي ناهي، ان ڪري رد ڪئي وئي: فيصلو*
  • *چوھڙجمالي ڀرسان پورهيت جو لاش هٿ، اسپتال منتقل *35سالن جو لال چندر واپاريءَ وٽ بورچي طور ڪم ڪندو هو*
  • *ڪراچي: پوليو جي عالمي ڏينهن تي ڪراچي جي علائقي ڪلفٽن مان سائيڪل ريلي *ڪراچي: سائيڪل ريلي ۾ مردن توڙي عورتن جو وڏو انگ شامل *ريلي 2 تلوار کان سمنڊ ڪناري ويندي, جتان واپس 2 تلوار پهچي ختم ٿيندي*
  • *خيرپورناٿن شاھه ويجهو ڪڪڙ شاخ کي30فوٽ گهارو پئجي ويو *ڳوٺ مصري چانڊيو وٽان ڪڪڙ شاخ کي 30فوٽ گهارو پوڻ سبب ساريالو فصل پاڻي هيٺ اچي ويو *اطلاع ڏيڻ باوجود آبپاشي عملدار گهاري واري هنڌ نه پهتا، ڳوٺاڻا گهارو ٻڌڻ ۾ مصروف*
  • *رائونتي: قتل ٿيل ناري شبيران شر جو لاش پوليس پاران حدبندي جو تڪرار ڄاڻائي ڳولڻ کان انڪار *گذريل رات جوابدارن ڪارنهن الزام هيٺ ناري کي قتل ڪرڻ بعد لاش درياهه ۾ لوڙهي ڇڏيو: چو ٻول*

مهانگائي جو نئون طوفان: 94 دوائن جي قيمتن ۾ 264 سيڪڙو واڌ: کاڄرو تيل، کير ۽ ٻارن جو کاڌو به مهانگا

حياتيون بچائيندڙ 94 دوائن جي اگهن ۾ 9 کان 264 سيڪڙو تائين اضافو ٿيندو

2021ع تائين دوا ساز ڪمپنيون اگهن ۾ وڌيڪ اضافو نه ڪري سگهنديون
غير معياري دوائون

اسلام آباد (رپورٽ: ايم بي سومرو) وفاقي حڪومت عوام جون رڙيون ڪڍرائي ڇڏيون، انساني جانيون بچائيندڙ 94 دوائن جي قيمتن ۾ 264 سيڪڙو تائين واڌ، کاڄرو تيل، گيهه، کير ۽ ٻارن جي کاڌي جي اگهن ۾ به اضافو، وفاقي ڪابينا جي منظوري کانپوءِ زندگي بچائيندڙ 94 دوائن جي قيمتن ۾ 9 کان 262 سيڪڙو
تائين واڌ، نوٽيفڪيشن جلد جاري ٿيڻ جو امڪان، جڏهن ته يوٽيلٽي اسٽورز ڪارپوريشن گيهه سميت مختلف شين جي قيمتن ۾اضافي جو نوٽيفڪيشن جاري ڪري ڇڏيو آهي، يوٽيلٽي اسٽورز پاران جاري ڪيل نوٽيفڪيشن مطابق کاڄرو تيل جي في ليٽر قيمتن ۾ 17 رپيا، گيهه جي في ڪلو جي قميتن ۾ 4 رپيا، کير جي في ليٽر تي 5 رپيا اضافو ڪيو ويو آهي، کير جي قيمتن ۾ اضافي کان پوءِ کير جو في ليٽر 147 کان وڌي 152 رپيا، جڏهن ته ٻارن جي سيري ليڪ ۾ 20 کان 38 رپيا اضافو ڪيو ويو آهي، اهڙي ريت ڪافي ، ڪپڙا ڌوئڻ واري پائوڊر، ڊي وائيٽنر جي قيمتن ۾ اضافي سبب شيمپو جي قيمتن ۾ به 9 کان 20 رپين تائين واڌ ڪئي وئي آهي، هوڏانهن وفاقي ڪابينا پاران 94 دوائن جي قيمتن ۾ اضافي جي منظوري کانپوءِ صحت وزارت جي ذميوار ذريعن انڪشاف ڪندي ٻڌايو آهي ته 94 دوائن جي قيمتن ۾ 9 کان 262 سيڪڙو تائين اضافو ڪرڻ لاءِ ڊرگ ريگيوليٽري اٿارٽي پاران نوٽيفڪيشن جاري ڪرڻ جي تياري آخري مرحلي ۾ داخل ٿي وئي آهي، نوٽيفڪيشن جلد جاري ٿيڻ جو امڪان آهي، جن 94 دوائن جي قيمتن ۾ واڌاري جي ڪابينا منظوري ڏني آهي انهن ۾ بخار، مٿي جي سور، دل جي مرض، مليريا، شگر، ڳلي جي خارش، زڪام، پيٽ جي سور، اکين ۽ ڪنن جا ڊراپس، ڏندن ۽ رت جي انفيڪشن جي دوائن، چمڙي، عورتن جي ويم دوران استعمال ٿيندڙ دوائون به شامل آهن، جن دوائن جي قيمتن ۾ اضافو ڪرڻ جي منظوري ڪابينا ڏنيون آهن انهن ۾ 26 امپورٽيڊ دوائون به شامل آهن، ڪابينا جي منظوري کانپوءِ دوائن جي قيمتن ۾ واڌ بعد دوائن جون ڪمپيون جون 2021 تائين انهن قيمتن ۾ وڌيڪ اضافو نه ڪري سگهنديون، هوڏانهن وزيراعظم جي صحت بابت خصوصي معاون ڊاڪٽر فيصل سلطان ان حوالي سان ميڊيا سان ڳالهائيندي چيو آهي ته جيڪو زندگي بچائڻ جي دوائن جي قيمتن ۾ اضافي جو ذڪر ٿي رهيو آهي، اهي پراڻي فارمولي واريون دوائون آهن، انهن جي قيمتن ۾ مناسب تبديلي نه اچڻ ڪري اهي مارڪيٽ مان گم ٿي وڃن ٿيون ۽ نتيجي ۾ اهي دوائون بليڪ تي وڪرو ٿين ٿيون، ضروري هو ته قيمتون اهڙيون هجن، جيڪي سڀني جي پهچ ۾ هجن ۽ ماڻهن کي اهي دوائون آساني سان ملي به سگهن، حڪومت ۽ ڊرگ ريگيوليٽري اٿارٽي جو ڪم دوائن جي دستيابي کي يقيني بنائڻ آهي، مارڪيٽ مان اڻ لڀ دوائن جي قيمتن ۾ ٿوري اضافي جي ضرورت هئي، دوائن جي قيمتن ۾ ايتري اضافي جي منظوري ڏني وئي آهي ته جيئن ماڻهن تائين پهچي سگهن، هن چيو ته اسان دوا ڪمپنين جي دٻاءَ ۾ نه آيا آهيون، هڪ نئين دوائن جي پاليسي تي ڪم ڪري رهيا آهيون، صحت جي تمام ادارن ۾ سڌارا آڻي رهيا آهيون، جن دوائن جي قيمتن ۾ اضافي جي منظوري ڏني وئي آهي، انهن جي لسٽ ويب سائيٽ تي ڏني ويندي.

Bookmark the permalink.