تازا ترين
  • *اين سي او سي جي هدايت تي سنڌ ۽ پنجاب سرڪار عوامي اجتماعن جي حوالي سان اخلاقي ضابطه جاري ڪري ڇڏيا*
  • *ٻنهي جهانن جَي سردار حضرت محمد ﷺ جن جِي ولادت جو اڄ جشن ملهايو پيو وڃي، عاشقن طرفان دُرود ۽ سلام سان نبي ڪريم ﷺ کي ڀيٽا پيش*

مختلف قبيلن جي 70 کان وڌيڪ ڏوهارين ڏوهن جي دنيا کي الوداع چئي ڇڏيو: هٿيار ڦٽا ڪري ڇڏيا

ڪنڌڪوٽ ۾ تقريب دوران ڏوهارين عام توڙي جديد هٿيار رينجرز حوالي ڪيا

ڊي آءِ جي عرفان بلوچ ڏوهن جي دنيا ڇڏيندڙن کي اجرڪ ۽ ٽوپيون پارايون

ڪنڌڪوٽ (رپورٽر)ڪشمور ايٽ ڪنڌڪوٽ جي مختلف قبيلن سان واسطو رکندڙ 70 کان وڌيڪ ڏوهارين هٿيار ڦٽا ڪري ڇڏيا. ڪنڌڪوٽ ۾ شھباز رينجرس 82 ونگ هيڊڪواٽر ۾ تقريب دوران ڏوهارين ڏوهن جي دنيا کي الوداع ڪيو ۽ هٿيار ڦٽا ڪيا. تقريب جي صدارت سيڪٽر هيڊڪواٽر شهباز رينجرس سکر جي ڪمانڊرڪرنل محمدسجاد، ڪمانڊر ونگ ڪرنل محمد عامر، ڊي آءِ جي لاڙڪاڻو عرفان بلوچ، ڊي سي ڪشمور ايٽ ڪنڌڪوٽ منور علي مٺياڻي، ايس ايس پي ڪشمور ڪنڌڪوٽ اسد رضا شاهه ۽ ٻين شرڪت ڪئي. ان موقعي تي مختلف قبيلن تيغاڻي، جاگيراڻي، سبزوئي، جتوئي، سرڪي، نندواڻي سيمت مختلف برادري جي 70 ڏوهارين عام توڙي جديد هٿيار رينجرز جي ڪرنل محمد ساجد حوالي ڪيا ۽ ڏوهن جي دنيا کي ڇڏڻ جو اعلان ڪيو. انهن ۾ ساٿي تيغاڻي، مبارڪ پٽ فيروز تيغاڻي،نور محمد پٽ علي محمد تيغاڻي، نثار پٽ ارباب سبزوئي، عبدالمجيد ولد جيوڻ جاگيراڻي، عبدالقادر سندراڻي، سونو پٽ سعيد احمد جعفري، غلام اڪبر پٽ گل محمد ميراڻي ۽ ٻيا شامل آهن. تقريب دوران رينجرز ڪرنل ۽ ڊي آءِ جي لاڙڪاڻو ڏوهن جي دنيا ڇڏيندڙن کي اجرڪ ۽ ٽوپيون پارايون.

Bookmark the permalink.