تازا ترين
  • *کڏڙو بس اسٽاپ تي ٻن موٽر سائيڪلن ۾ ٽڪر، 3 ڄڻا سخت زخمي *محمدرمضان خاصخيلي،لال محمد بروهي ۽ علي محمد بروهي ڳڻتي جوڳي حالت ۾ اسپتال منتقل*
  • *خانواهڻ ويجهو ڦر مزاحمت تي جوابدارن گوليون هڻي اهلڪار کي زخمي ڪري ڇڏيو *پير مسافر وٽ 3هٿياربندن اهلڪار سڪندر ڪلھوڙو کان موٽرسائيڪل ڦر ڪرڻ جي ڪوشش ڪئي *مزاحمت تي جوابدارن اهلڪار کي گوليون هڻي زخمي ڪري ڇڏيو، اسپتال منتقل*
  • *ملڪ ۾ کاڌي پيتي جي شين جي اگهن ۾ واڌ بابت شماريات کاتي جا انگ اکر جاري *گوشت3.9 ۽ کنڊ3.8 سيڪڙو مهانگي ٿي: شماريات کاتو *جولائي ۾ سالياني بنياد تي شهري علائقن ۾ ٽماٽر سئو سيڪڙو مهانگو ٿيو:شماريات کاتو *پٽاٽا63 سيڪڙو ۽ دال مڱ 46.25سيڪڙو مهانگي ٿي: شماريات کاتو *ڪڻڪ28.52۽ اٽو 18.52 سيڪڙو مهانگو ٿيو: شماريات کاتو *
  • *لاڙڪاڻو: مبينا طور اغوا ٿيل نينگري جي بازيابي لاءِ وارثن جو پاڪ ڪتاب کڻي احتجاج *27جولائي تي جتوئي برادري جا هٿياربند گهر گهڙي نياڻي ماجده کي اغوا ڪري ويا: وارثن جو الزام*
  • *فريدآباد: ڳوٺ عبدالله شاھه گودڙيو ۾ ڪرنٽ لڳڻ سبب 3 ٻارڙن جي ماءُ فوت *گهر اندر پکي مان ڪرنٽ لڳڻ سبب 26 ورهين جي گمبُل زال رب رکيو چانڊيو فوت*
  • *صدرجي ڀٽيون ويجهو زميندار تي حملو، 2 ڄڻا زخمي، هڪ ڄڻو مبينا اغوا *هٿياربندن جي حملي ۾ زميندار ولي شاهه ۽ ربنواز ناريجو زخمي، امير ناريجو مبينا اغوا*
  • *ڪراچي: جوهر چورنگي ويجهو جي ڊي سي فائونڊيشن وٽان نامعلوم پيرسن جو لاش هٿ *لاش ايڌي ايمبولينس ذريعي جناح اسپتال منتقل، سڃاڻپ نه ٿي سگهي*
  • *سيوھڻ: درگاھه قلندر کي کولرائڻ لاءِ دڪاندارن ۽ پورهيتن جو27هين ڏينهن به احتجاج *درگاھه قلندر کي ايس او پي تحت کولي بک ۽ بدحالي کان بچايو وڃي: دڪاندار ۽ پورهيت *

لياري ۾ شهيد راڻي جي نالي سان ميڊيڪل ڪاليج ۾ ڪرپشن، اقربا پروري ۽ اختيارن جي ناجائز استعمال جو انڪشاف: عدالتي جاچ مڪمل

سنڌ هاءِ ڪورٽ ۾ ميگا ڪرپشن اسڪينڊل جي عدالتي جاچ رپورٽ پيش، پرنسپال انجم رحمان ڪرپشن ۾ مُک ذميوار قرار ڏنو ويو

پرنسپال ٽن ڀينرن کي 14 کان 19هين گريڊ ۾ نوڪريون وٺرائي ڏنيون، سرڪاري مشينري نجي اسپتال ۾ استعمال ٿيندي رهي: رپورٽ

ڪراچي (اسٽاف رپورٽر) لياري ۾ شهيد بينظير ڀٽو جي نالي سان قائم ٿيل ميڊيڪل ڪاليج جي پرنسپال طرفان وڏي پئماني تي ڪرپشن، اقربا پروري ۽ اختيارن جي ناجائز استعمال جو انڪشاف ٿيو آهي. سنڌ هاءِ ڪورٽ ۾ شهيد بينظير ڀٽو ميڊيڪل ڪاليج لياري ۾ ميگا ڪرپشن جي حوالي سان عدالتي جاچ جي رپورٽ پيش ڪئي وئي آهي. عدالتي جاچ ۾ ڪاليج جي پرنسپال انجم رحمان کي ڪرپشن ۽ بي ضابطگين جو ذميواري قرار ڏنو ويو آهي، جڏهن ته اهو انڪشاف ڪيو ويو آهي ته پرنسپال پنهنجي ٽن ڀينرن کي 19هين گريڊ ۽ ٻن ڀائرن کي 14 ۽ 15 گريڊ ۾ ڀرتي ڪرايو.
رپورٽ ۾ انڪشاف ڪيو ويو آهي ته پرنسپال ڪاليج جا اڏاوتي ٺيڪا پنهنجي والد جي فرم کي الاٽ ڪرايا، سندس هڪ ڀيڻ ڊاڪٽر سحر فاطمه پرڏيهه ۾ نوڪري ڪري رهي آهي. رپورٽ موجب پرنسپال انجم رحمان لياري ميڊيڪل ڪاليج جي پگهار سان گڏ ٻيون رعايتون به وٺندي رهي آهي، سندس هڪ ڀيڻ ڪاليج ۾ ملازمت هجڻ باوجود گلشن اقبال ۾ نجي اسپتال هلائي رهي آهي.
شهيد بينظير ڀٽو ميڊيڪل ڪاليج لياري ۾ ميگا ڪرپشن جي عدالتي جاچ ۾ اهو به انڪشاف ٿيو آهي ته پرنسپال جي ڀيڻ پنهنجي نجي اسپتال ۾ ڪاليج جي سرڪاري مشينري استعمال ڪندي آهي، جڏهن ته اُنهي پرنسپال سنڌ هاءِ ڪورٽ مان اسٽي آرڊر حاصل ورتو آهي. واضح رهي ته سنڌ هاءِ ڪورٽ ۾ 12 ڊسمبر تي ميگا ڪرپشن ڪيس جي ٻڌڻي ٿي رهي آهي.

Bookmark the permalink.