تازا ترين
  • پ پ تاريخي اي پي سي ڪوٺرائي، نواز شريف واضع۽ تفصيلي تقرير ڪئي: پ پ چيئرمين بلاول ڀٽو زرداري*گلگت بلتستان معاملي تي ڳالهائڻ لاءِ رابطو ڪيو ويو، ملڪ ۾ جمهوري آزادي چاهيون ٿا:بلاول *
  • *اسلام آباد: جعلي بئنڪ اڪائونٽس اسڪينڊل ۾ سنڌ روشن پروگرام ڪيس جي جاچ وارو معاملو *نيب راولپنڊي فرنٽ مين اياز صديقي کي ڪراچي مان گرفتار ڪري ورتو: ذريعا *اياز صديقي جعلي اڪائونٽ ۾ ڪروڙين رپيا جمع ڪرايا: نيب ذريعا*
  • *ڄام نواز علي: ڇتو ڪتو مارڻ جي ڪوشش دوران نوجوان مارجي ويو *ڳوٺ ديوان گلاب راءِ ۾ ڳوٺاڻي ڇتي ڪتي کي مارڻ لاءِ فائر ڪيو ته گولي نوجوان مادو ڪولهي کي لڳي: پوليس *پوليس واقعي واري هنڌ پهچي نوجوان جو لاش تحويل ۾ وٺي جاچ شروع ڪري ڇڏي*
  • *گهارو شهر ۾ واپاريءَ کان ڦر ڪندڙ جوابدار گرفتار نه ٿيڻ خلاف شٽربند هڙتال *2ڏينھن اڳ واپاري گڊو کان 9لک رپيا ڦر ڪرڻ بعد جوابدارن گوليون هڻي زخمي ڪيو هو *واقعي کي 48 ڪلاڪ گذرڻ باوجود پوليس جوابدار گرفتار نه ڪري سگهي آهي: احتجاج ڪندڙ واپاري*
  • *اسلام آباد: العزيزيه ۽ ايون فيلڊ ريفرنسز ۾ سزا خلاف نواز شريف جي اپيل تي ٻڌڻي *مريم نواز ۽ ڪيپٽن (ر) صفدر احتساب عدالت ۾ پهچي ويا *عدالت نواز شريف کي بري ڪرڻ واري فيصلي خلاف نيب جي اپيل تي به ٻڌڻي ڪندي *ن ليگ جي نائب صدر مريم نواز جي پيشيءَ جي موقعي تي عدالت ٻاهران سڪيورٽي جا سخت انتظام *
  • *ڀان سيدآباد: قومپرست اڳواڻ مولا بخش لغاري بيماري وگهي لاڏاڻو ڪري ويو *مولابخش لغاري جي جنازي نماز اڄ سخي سيد سليمان شاهه عيدگاهه تي ادا ڪئي ويندي*
  • *پنوعاقل پوليس جي نجي ٽارچر سيل ۾ مبينا طور تي فيصل آباد واسي وڪيل ميان اعجاز آرائين جي قتل وارو معاملو *ڊي آءِ جي لاڙڪاڻو عرفان بلوچ پوليس اهلڪارن ۽ ڪجهه خانگي ماڻھن کي وڪيل جي قتل ۾ ملوث قرار ڏئي ڇڏيو *ڊي آءِ جي لاڙڪاڻي پاران ايڊيشنل آءِ جي سکر ڏانھن انڪوائري رپورٽ موڪلي ڇڏي *وڪيل ميان اعجاز آرائين کي ڊي ايس پي مسعود مهر جي حڪم تي گرفتار ڪيو ويو: انڪوائري رپورٽ *وڪيل پوليس جي غيرقانوني حراست ۾ فوت ٿيو ۽ لاش پنجاب ۾اڇلايو ويو : انڪوائري رپورٽ *انڪوائري رپورٽ ۾ اي ايس آءِ غلام مصطفيٰ ميراڻي، ڪانسٽيبلز درگاهه ڏنو، نصير ۽ سرمد يعقوب بيگناھه قرار*
  • *سنجهورو ۾ شهرين پاران بجلي جو سڙيل ٽرانسفارمر تبديل نه ٿيڻ خلاف ڌرڻو، ٽريفڪ معطل *ڌرڻي سبب ڪيترن ئي ڪلاڪن کان شهدادپور، سانگهڙ ۽ سنجهورو روڊ تي ٽريفڪ معطل، مسافر پريشان *4مهينن کان بجلي جو ٽرانسفارمر خراب آھي، ڪيترائي ڀيرا دانهڻ باوجود تدارڪ نه ٿيو: مظاهرين*
  • *ڪراچي: سنڌ سرڪار جي 6کاتن ۾ 3 سيڪريٽريز مقرر ٿيل *اهم کاتا من پسند سيڪريٽرين کي اضافي چارج طور حوالي ڪيا ويا *تعليم، لائيو اسٽاڪ ۽ فاريسٽ کاتو مستقل سيڪريٽري کان محروم *زراعت جي سيڪريٽري رحيم سومروکي فاريسٽ جي سيڪريٽري جي اضافي چارج مليل *ثقافت کاتي سيڪريٽري اڪبر لغاري وٽ لائيو اسٽاڪ کاتي جي سيڪريٽري جي اضافي ذميواري *سنڌ ٽيڪسٽ بوڪ بورڊ جي چيئرمين احمد بخش ناريجو کي سيڪريٽري تعليم جي اضافي چارج مليل *20هين گريڊ جا ڪامورا بحران باوجود سائيڊ پوسٽن تي ويهاريل*

لاڪ ڊائون سبب زرعي معيشت ٺپ: 14 لک ٽن ڪڻڪ خريداري نه ٿي: آڳاٽو خريف به پوکجي نه سگهيو

سنڌحڪومت پاران ڪڻڪ خريداري لاءِامدادي اگھه مقررڪرڻ۽ڪڻڪ خريداري جوهدف مقررڪرڻ باوجودڪوروناسبب خريداري شروع نه ڪئي

تيار ٿيل ڪڻڪ جو فصل کرن ۽ کليل آسمان هيٺ پيل: لاڪ ڊائون سبب اوپن مارڪيٽ ۾ 1500 رپين تي ٿيندڙ ڪڻڪ جو وڪرو بند ٿي ويو

ڪراچي (رپورٽ: شاهد ميراڻي ) سنڌ ۾ ڪورونا وائرس ۽ لاڪ ڊائون سبب زرعي معيشت ٺپ، سنڌ حڪومت 14 لک ٽن ڪڻڪ جي خريداري شروع ڪرڻ ۾ ناڪام، لاڪ ڊائون سبب ڀاڻ، ٻِج ۽ زرعي دوائن جا جا دڪان بند هجڻ سبب خريف جي آڳاٽي پوکي سخت متاثر، ڪپهه جي پوکي لاءِ تيار ڪيل  40 هزار زمين تي ٻِج نه ملڻ سبب پوکي متاثر ٿيڻ جو خدشو، لاڪ ڊائون سبب ڀاڻ، ٻِج ۽ زرعي دوائن جا جا دڪان بند هجڻ سبب خريف جي آڳاٽي پوکي سخت متاثر، آبادگارن ۽ هارين جا مٿي تي هٿ اچي ويا، ان حوالي سان مليل ڄاڻ موجب سنڌ ۾ ڪورونا وائرس جا ڪيس سامهون اچڻ ۽ لاڪ ڊائون ٿيڻ کانپوءِ صوبي جي زرعي معيشت مڪمل طور تي ٺپ ٿي وئي آهي . سنڌ حڪومت پاران ڪڻڪ خريداري لاءِ امدادي اگھه مقرر ڪرڻ ۽ ڪڻڪ خريداري جو هدف مقرر ڪرڻ باوجود ڪورونا وائرس سبب ڪڻڪ جي خريداري شروع ئي ناهي ڪئي، هن وقت تائين خوراڪ کاتي پاران ڪڻڪ خريداري لاءِ خريداري سينٽر به کُلي ناهن سگھيا، جنهن ڪري سنڌ حڪومت پاران ڪڻڪ خريداري لاءِ امدادي اگھه مقرر ڪرڻ ۽ ڪڻڪ خريداري جو هدف مقرر ڪرڻ باوجود ڪورونا وائرس سبب ڪڻڪ جي خريداري شروع ئي ناهي ڪئي، آهي، هن وقت تيار ٿيل فصل کرن ۽ کليل آسمان هيٺ پيل آهي، ان سلسلي ۾ آبادگار اڳواڻ محمود نواز شاھ “پنهنجي اخبار” سان ڳالهائيندي چيو ته سنڌ خوراڪ کاتي پاران اڃا تائين خريداري مرڪز کوليا ناهن ويا، جنهن سبب ڪڻڪ جي آبادگارن کي وڏو نقصان ٿي رهيو آهي. هن چيو ته آبادگارن پاران کليل مارڪيٽ ۾ ڪڻڪ 1500 رپيا في مڻ تائين وڪرو ڪئي پي وئي پر لاڪ ڊائون بعد سرڪار ڪڻڪ جي واپارين جي دڪانن کي به بند ڪرائي ڇڏيو، جنهن سبب آبادگارن کي نقصان ٿي رهيو آهي. آبادگار اڳواڻ نواب زبير ٽالپر “پنهنجي اخبار” سان ڳالهائيندي چيو ته حڪومت کي ڀاڻ، ٻج ، پيسٽي سائيڊ ۽ ڪڻڪ جي واپارين جا دڪان کولڻ جي اجازت ڏيڻي پوندي، جيئن ڪپھه، مرچن ۽ سارين جي پوکي لاءِ آبادگارن کي ٻِج ملي سگھي. ڀينڊين، ميهن، ڪمند ۽ ٻين فصلن کي بيماريون لڳي رهيون آهن پر فصلن مان بيماري ختم ڪرڻ لاءِ دوائون نه ملڻ ڪري اسپري نه ٿا ڪري سگھون آبادگارن وڌيڪ ٻڌايو آهي ته جيڪڏهن سرڪار لاڪ ڊائون دوران زرعي معيشت کي نه سنڀالي سگھي ته اٽي، چانورن، ڀاڄين ۽ ميوات جو بحران پيدا ٿيندو، جيڪو آبادگارن لاءِ ڪورونا وائرس کان وڌيڪ خطرناڪ ثابت ٿيندو، هوڏانهن سنڌ سرڪار جو چوڻ آهي ته پنجاب جي فيڪٽرين مان باردانو ناهي مليو، جيئن ئي ملندو ته سينٽرن تي پهچائي خريداري شروع ڪئي ويندي، ان حوالي سان رابطو ڪرڻ تي زراعت واري صوبائي وزير اسماعيل راهو “پنهنجي اخبار” سان ڳالهائيندي چيو ته خريداري شروع نه ڪرڻ جو مک سبب اهو آهي ته سنڌ سرڪار پاران پنجاب جي جن فيڪٽرين کي باردانو ٺاهڻ جو آرڊر ڏنو ويو هو، انهن ڪورونا لاڪ ڊائون سبب باردانو تيار ناهي ڪيو، جيئن ئي نئون باردانو تيار ٿي سنڌ حڪومت حوالي ٿيندو، ڪڻڪ جي خريداري شروع ڪئي ويندي. اسماعيل راهو وڌيڪ چيو ته لاڪ ڊائون سبب ڪراچي ۾ سنڌ حڪومت پاران فلور مِلن کان 60 هزار ميٽرڪ ٽن اٽو ڪراچي جي دڪانن تي پهچايو ويو آهي، جڏهن ته 20 هزار اٽي جا ٿيلها سيلاني حوالي ڪيا ويا آهن. 

Bookmark the permalink.