تازا ترين
  • *ملڪ ۾ ڪورونا وائرس وڌيڪ 67 ڄڻن کان حياتيون کسي ورتيون*
  • *سنڌ جي مختلف شهرن ۾ رولو ۽ ڇتن ڪتن جو آزار گهٽجي نه سگهيو، 20 کان وڌيڪ ٻاڙن ۽ عورتن کي ڇتن ڪتن ڏاڙهي زخمي ڪري ڇڏيو*لاڙڪاڻي ۾ ڪتن ٻن ٻارڙن سميت 4 ڄڻن کي ڏاڙهي وڌو، متاثرن ۾ 6 ورهين جي خوشبو شيخ، 13 سالن جو ناصر، 50 سالن جو اختيار ۽ ٻيا شامل*موري ۾ راند ڪندڙ نينگر کي رولو ڪتي ڏاڙهي زخمي ڪري ڇڏيو، زخمي نينگر کي سندس والد کڻي اسپتال پهتو جتي وئڪسين نه ملڻ ڪري واپس گهر روانو ٿي ويو*

لاڙڪاڻي ۾ ٻارڙي حسنين کي ڪُتن ڏاڙهيو، اُن جي طبيعت ڪيئن آهي (سنڌ هاءِ ڪورٽ) 7-8 ڪُتن کيس ڏاڙهيو: صحت کاتي جو سيڪريٽري

سنڌ هاءِ ڪورٽ ۾ رولو ڪُتن جي آزار ۽ وئڪسين نه ملڻ خلاف درخواست تي ٻڌڻي

توهان ڪُتن لاءِ هاسٽل پيا ٺاهيو، سٺي ڳالهه آهي، ايترا ماڻهو فُٽ پاٿن تي پيل آهن، اُنهن جو ڇا ٿيندو؟ سڌ هاءِ ڪورٽ جا ڪيس ۾ ريمارڪس

ڪراچي (اسٽاف رپورٽر) سنڌ هاءِ ڪورٽ لاڙڪاڻي ۾ ڪُتي ڏاڙهيل نينگر (حسنين) جي طبيعت بابت پُڇا ڪندي چيو آهي ته ڪُتن جا هاسٽل ٺاهيا پيا وڃن، سٺي ڳالهه آهي، پر فُٽ پاٿ تي ايترا ماڻهو سُتل آهن؟ اُنهن جو ڇا؟
سنڌ هاءِ ڪورٽ ۾ رولو ڪُتن جي آزار ۽ اسپتالن ۾ ڪُتي ڏاڙهڻ واري وئڪسين نه ملڻ خلاف درخواستن تي ٻڌڻي ٿي، جنهن دوران ڪراچي جي ڪلفٽن، فيصل ڪئنٽونمينٽ بورڊز، ڪي ايم سي ۽ ڊي ايم سي ملير طرفان رپورٽ پيش ڪئي وئي، جڏهن ته ڪئنٽونمينٽ بورڊ منهوڙا طرفان رپورٽ جمع نه ڪرائي وئي. ٻڌڻيءَ دوران مڪاني کاتي جي سيڪريٽري عدالت کان مهلت گهري ته پي سي ون جي منظوري لاءِ هڪ مهيني جو وقت گهرجي، جڏهن ته عدالت پُڇيو ته ڇا صوبي ۾ ڪُتي جي ڏاڙهڻ وارن واقعن ۾ گهٽتائي آئي آهي؟ جنهن تي درخواستگذار چيو ته واقعن ۾ گهٽتائي ته ٿي آهي پر سٽي ڪورٽ ۾ به ڪُتا آهن، جنهن جي ڪري سائلن کي پريشاني ٿي رهي آهي.
ٽاسڪ فورس کانپوءِ ڪهڙي اپاءَ ورتا پيا وڃن؟
ٻڌڻيءَ دوران عدالت پُڇيو ته ٽاسڪ فورس ته ٺاهي وئي، هاڻي ڪهڙا اپاءِ ورتا پيا وڃن؟ جنهن تي مڪاني کاتي جي سيڪريٽري عدالت کي آگاهه ڪيو ته گذريل ڏينهن ٽاسڪ فوري جو پهريون اجلاس ٿيو، جنهن تي عدالت پُڇيو ته پهرئين اجلاس ۾ ڪهڙي اڳڀرائي ٿي؟ سيڪريٽري لوڪل گورنمينٽ آگاهه ڪيو ته رولو ڪُتن کي پڪڙڻ لاءِ جديد مڪينزم تي خيالن جي ڏي وٺ ٿي، 192 وٽرنري اسپتال ۽ ڊسپينسريز آهن، جتي ائنٽي ريبيز جي وئڪسين جي فراهمي ۽ نسل ڪشي جي حوالي سان علاج ٿيندو. اسپتالن ۾ ڪُتي جي ڏاڙهڻ واري وئڪسين جي فراهمي يقيني بڻائي پئي وڃي، پالتو ڪُتن جي حوالي سان به اين جي اوز سان گڏجي قدم کنيا ويندا.
ڪُتن جا هاسٽل پيا ٺاهيو، فُٽ پاٿ تي ماڻهو پيا آهن
مڪاني کاتي جي سيڪريٽري سان مخاطب ٿيندي عدالت ريمارڪس ۾ چيو ته ڪُتن جا هاسٽل ٺاهي رهيا آهيو، اها سٺي ڳالهه آهي، پر ايترا ماڻهو فُٽ پاٿ تي پيل آهن، اُنهن جو ڇا؟ صحت کاتي جي سيڪريٽري عدالت کي آگاهي ڏني ته هڪ ڪُتي کي ريسڪيو ڪيو، جنهن کي پنهنجي مالڪ 3 گوليون هنيو هيون. عدالت پُڇيو ته توهان کي قانونسازي ڪرڻي آهي، اُن ۾ دير ڇو ٿي رهي آهي؟
لاڙڪاڻي ۾ وئڪسين هئي يا نه؟
ڪُتي ڏاڙهيل ٻارڙي حسنين جي هاڻي طبيعت ڪئين آهي؟
ٻڌڻيءَ دوران ريمارڪس ڏيندي عدالت چيو ته ڪُتي ڏاڙهڻ واري وئڪسين جو اشو آيو آهي، لاڙڪاڻي ۾ ٻارڙي جو واقعو ٿيو آهي، ٻڌايو ته لاڙڪاڻي ۾ وئڪسين هئي يا نه هئي؟ مڪاني کاتي جي سيڪريٽري چيو ته ٻارڙي کي 7-8 ڪُتن ڏاڙهيو آهي، جنهن جو علاج ٿي رهيو آهي. عدالت پُڇيو ته ٻارڙي (حسنين) جي حالت هاڻي خطري کان ٻاهر آهي يا نه؟ سيڪريٽري لوڪل گورنمينٽ چيو ته ٻارڙي جو اين آءِ سي ايڇ ۾ علاج ٿي رهيو آهي، انڊس اسپتال ۽ عائشه چندريگر اينيمل شيلٽر جي مدد سان وئڪسينيشن ڪري رهيا آهيون.

Bookmark the permalink.