تازا ترين
  • *سکر: وفاقي حڪومت جون مھانگائي گھٽ ڪرڻ لاءِ دعوائون ڌوڙ، دال جو اگهه مرغي برار ٿي ويو *سکر: يوٽيلٽي ڪارپوريشن 200کان وڌيڪ شين جي اگهن ۾ واڌ ڪري ڇڏي *سکر: ڪوڪنگ آئل 10 ليٽر تي 200 کان 250 روپين تائين اضافو *سکر: دال ماش جي في ڪلو قيمت 15روپين جي اضافي کانپوءِ 250 روپيا ٿي وئي*
  • *روهڙي: فرانس ۾ گستاخ خاڪا شايع ٿيڻ خلاف ناموسِ رسالت ريلي ڪڍي وئي، سوين ماڻهو شريڪ *روهڙي: ريلي ۾ شرڪت ڪندڙن جي فرانس حڪومت خلاف ڇتي نعريبازي *
  • قومي اسيمبلي جي اجلاس مان اپوزيشن ميمبرز جو واڪ آئوٽ *قومي اسيمبلي جو اجلاس، اپوزيشن پاران ڪورم جي نشاندهي *اسان چاهيون ٿا ايوان کي رولز جي مطابق هلايو وڃي: نويد قمر *اسان کي ٻڌايو وڃي ته اسان ڪهڙي رولز جي خلاف ورزي ڪئي آهي: اسپيڪر*
  • *لاهور هاءِ ڪورٽ ۾ “ڪورونا کان ڊڄڻو ناهي وڙهڻو آهي” جي سلوگن خلاف ڪيس جي ٻڌڻي*چيف جسٽس پاران اسلامڪ آڊيلوجي ڪائونسل جي تجويز ڪابينا ۾ پيش نه ڪرڻ تي ڪاوڙ جو اظهار *عدالت وفاقي مذهبي معاملن واري سيڪريٽري اطلاعات کي ايندڙ ٻڌڻي تي طلب ڪري ورتو *وفاقي ادارن جي ماڻهن کي چئو ڪم ڪن يا وري نوڪريون ڇڏي هليا وڃن: چيف جسٽس*
  • *گهوٽڪي ۾ گستاخ خاڪا شايع ٿيڻ خلاف ڊسٽرڪٽ بار جي سڏ تي عدالتي ڪارروائين جو بائيڪاٽ، احتجاج *گهوٽڪي: احتجاج سبب ڪو به وڪيل عدالت ۾ نه پيش نه ٿيو *پاڪستانين کي فرانس جي شين جو بائيڪاٽ ڪري احتجاج رڪارڊ ڪرائڻ گهرجي: اڳواڻ*
  • *مٺي: وڏو وزير مراد علي شاهه اڄ ننگرپارڪر پهچي ڪاليداس ڊيم جو افتتاع ڪندو*وڏو وزير ميرپورخاص ڊويزن جي چونڊيل نمائندن ۽ پ پ عهديدارن سان گڏجاڻي ڪندو*
  • *احتساب عدالت ۾ ميگا مني لانڊرنگ ۽ پارڪ کين ريفرنس تي ٻڌڻي*اڳوڻو صدر آصف علي زرداري، فريال ٽالپر جي حاضري کان ڇوٽ واري اپيل داخل*بلال شيخ، عيدل شاهه راشدي سميت ٻيا جوابدار عدالت ۾ پيش*
  • *ڪنڌڪوٽ ويجهو ويگو گاڏي جي ٽڪر ۾ ڌنار نينگر فوت *13ورهين جي الهيار قمبراڻي جو لاش سول اسپتال مان ضروري ڪارروائي بعد وارثن حوالي*
  • *حيات پتافي: ڪراچي روزگار لاءِ ويل نوجوان 8 ڏينهن کان گم، اغوا جو شڪ *شاهه رخ ڪراچي پورهئي لاءِ ويو هو، سندس ڪو ڏس پتو ناهي: پيءُ محمد علي منگي *ڪنهن سان ڪا دشمني ناهي، شڪ آهي ته پٽ کي اغوا ڪيو ويو آهي: پيءُ*
  • *اسلام آباد: صدارتي ريفرنس، جسٽس قاضي فائز عيسيٰ ۽ ٻين جي نظرثاني اپيل تي ٻڌڻي *عدالت درخواستگذارن جي درخواست منظور ڪري ورتي *درخواستگذارن ٻڌڻي ملتوي ڪرڻ جي اپيل داخل ڪرائي هئي*

قائد عوام يونيورسٽي جي ملازمن ۽ استادن پاران وي سي خلاف مظاهرو

نوابشاهه(رپورٽ: اياز ڏاهري) قائد عوام انجنيئرنگ يونيورسٽي نوابشاهه جي ننڍن ملازمن، استادن ۽ آفيسرن ستين ڏينهن به سنڌ جي مختلف يونيورسٽين جي پورھيتن، استادن آفيسرن سان گڏ قائد عوام يونيورسٽي جي ايڊمن بلاڪ کان پنج ڪلو ميٽر کان مٿي مارچ ڪري نوابشاهه پريس ڪلب پھتا جتي انھن احتجاجي مظاھرو ڪيو ۽ وائيس چانسلر خلاف سخت نعريبازي ڪئي، انھيءَ موقعي تي مظاهري جي اڳواڻي ڪندڙ آل سنڌ يونيورسٽيز ايمپلائيز يونين جي چيئرمين محمد علي گھانگھرو، معشوق خواجه، شڪيل چانڊيو، ڊاڪٽر سجاد سنديلو، آصف سومرو، سراج ڀٽو ۽ ٻين خطاب ڪندي چيو ته موجوده قائد عوام انجنيئرنگ يونيورسٽي جو وائيس چانسلر ڊاڪٽر پروفيسر سليم رضا سمون پنھنجي اخلاقي ۽ قانوني حيثيت وڃائي چڪو آھي ۽ ھو ھاڻي يونيورسٽي تي رحم ڪري پنھنجو پاڻ استعيفا ڏئي ھليو وڃي، هنن چيو ته وائيس چانسلر سليم رضا سمون يونيورسٽي ۾ بادشاهي ڪيو ويٺو آهي ۽ هن آئي ٽي جي ليڊي ليڪچرار ڊاڪٽر منيبا ميمڻ کي حراسان ڪيو آهي. هنن چيو ته جيڪو وائيس چانسلر ليڊي ليڪچرارن کي حراسان ڪندو ان جو حشر نشر خراب ڪنداسين ۽ وائيس چانسلر کي اهو حق نه ڏينداسين ته هو اسان جي ليڊي ليڪچرارن کي پريشان ڪري. ھنن سنڌ حڪومت، وزير اعليٰ ۽ ٻين وس وارن کان مطالبو ڪيو ته وائيس چانسلر سليم رضا سمون کي ھٽائي سندس جاءِ تي فرض شناس آفيسر مقرر ڪيو وڃي ۽ ڪيل ڪرپشن جي انڪوائري ڪرائي وڃي ٻي صورت ۾ سخت احتجاج ڪيو ويندو. ٻئي طرف وائيس چانسلر پروفيسر ڊاڪٽر سليم رضا سمون کان موقف وٺڻ لاءِ رابطو ڪيو ويو پر ان فون اٽينڊ نه ڪئي.

Bookmark the permalink.