تازا ترين
  • ڪراچي جي مختلف علائقن ۾ هلڪي ۽ تيز برسات، موسم خوشگوار*سُپر هاءِ وي، نارٿ ڪراچي، ڊفينس ۽ ڪلفٽن سوڌو ڀرپاسي ۾ وسڪارو* برسات کانپوءِ هيٺائين علائقن ۾ پاڻي بيهڻ شروع، انتظاميه الرٽ*
  • سنڌ ۽ بلوچستان جي ساحلي پٽيءَ تي گجگوڙ سان برسات جو امڪان، شهري ٻوڏ جو خطرو، وڏي وزير چونڊيل نمائندن جي ڊيوٽي لڳائي ڇڏي*برسات دوران سنڌ ۽ مڪران جي ساحل تي سامونڊي ويرون طوفان جيان هونديون: موسميات کاتو*صوبائي وزير ناصر شاهه جي ڪي ايم سي، ڊي ايم سيز، واٽر بورڊ، واسا ۽ ٻين لاڳاپيل ادارن کي متحرڪ رهڻ جي هدايت*

في الحال ملڪ بند نٿا ڪري سگهون (وزيراعظم) لاڪ ڊائون تي عمل نه ڪرڻ جي صورت ۾ ڪرفيو واري آپشن تي به غور ڪرڻ گهرجي:ميمبرز

هن مشڪل وقت ۾ عوام کي وڌ کان وڌ ريليف فراهم ڪرڻ جي ڪوشش ڪري رهيا آهيون:عمران خان

وفاقي ڪابينا جي اجلاس ۾ معاشي اثرن جو مقابلو ڪرڻ لاءِ اعلانيل ريليف پيڪيج جي منظوري ڏني وئي

اسلام آباد (بيورو رپورٽ) وزير اعظم عمران خان چيو ته هن مشڪل وقت ۾ عوام کي وڌ کان وڌ ريليف فراهم ڪرڻ جي ڪوشش ڪري رهيا آهيون، هن وقت پورو ملڪ بند نٿا ڪري سگهون، عوام خود احتياط ڪري ته اهو بهتر آهي. وزير اعظم عمران خان جي صدارت هيٺ وفاقي ڪابينا جو اجلاس ٿيو، جنهن ۾ سمورن ميبمبرز وڊيو لنڪ ذريعي شرڪت ڪئي، اجلاس ۾ ڪورونا وائرس سبب معاشي اثرن جو مقابلو ڪرڻ جي لاءِ اعلانيل ريليف پيڪيج جي منظوري ڏني وئي. وزير اعظم عمران خان چيو آهي ته ريليف پيڪيج ۾ سمورن شعبن سان لاڳاپيل ماڻهن خاص طور تي مزودر طبقي کي وڌيڪ فائدو حاصل ٿيندو، ڪورونا وائرس جي خطرن کي منهن ڏيڻ جي لاءِ سمورا اداره متحرڪ آهن. اجلاس دوران ميمبرز صلاح ڏني ته عوام پاران لاڪ ڊائون تي عمل نه ڪرڻ جي صورت ۾ ڪرفيو واري آپشن تي به غور ڪرڻ گهرجي، جنهن تي وزير اعظم عمران خان چيو ته ڪورونا وائرس جي صورتحال کي نظر ۾ رکي سمورا فيصلا عوام جي مفاد ۾ ڪيا ويندا. وزير اعظم عمران خان چيو ته ڪورونا وائرس جي صورتحال کي منهن ڏيڻ جي ڪوشش ڪري رهيا آهيون، ڪنهن کي به شيون ذخيرو ڪرڻ جي اجازت نٿي ڏئي سگهجي. وزير اعظم عمران خان چيو ته هن مشڪل وقت ۾ عوام کي وڌ کان وڌ ريليف فراهم ڪرڻ جي ڪوشش ڪري رهيا آهيون، هن وقت پورو ملڪ بند نٿا ڪري سگهون، عوام خود احتياط ڪري ته اهو بهتر آهي.

Bookmark the permalink.